Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୦୪କରୋନା ସଂକ୍ରମିତ ଚିହ୍ନଟ
  • ||
  • ଚିତ୍ରକୋଣ୍ଡାରେ BSF ଜବାନଙ୍କ କମ୍ବିଂ ଅପରେସନ, ଟିଫିନ୍ ବୋମା ଉଦ୍ଧାର
  • ||
  • ଶ୍ରୀଜଗନ୍ନାଥ ଷ୍ଟାଡିୟମ ନିକଟରେ ଉଚ୍ଛେଦ କାର୍ଯ୍ୟ ଆରମ୍ଭ, ୨ ଫ୍ଲାଟୁନ ଫୋର୍ସ ମୃତୟନ
  • ||
  • ଭିଜିଲାନ୍ସ ଜାଲରେ ଜନସ୍ୱାସ୍ଥ୍ୟ ବିଭାଗ-୨ ସହକାରୀ କାର୍ଯ୍ୟକାରୀ ଯନ୍ତ୍ରୀ, ଏକକାଳୀନ ୬ଟି ସ୍ଥାନରେ ରେଡ୍
  • ||
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

ଶୁଣନ୍ତୁ ପ୍ରଧାନମନ୍ତ୍ରୀ, ‘ମୁଁ ପ୍ରଶ୍ନ ପଚାରି ଚାଲିଥିବି, ସମାଧାନ ଯାଏଁ’, ମୋଦୀଙ୍କ ଉପରେ ରାହୁଲଙ୍କ ପୁଣି ଆକ୍ରମଣ

23/07/2020 at 6:26 PM

ନୂଆଦିଲ୍ଲୀ, ୨୩|୦୭: ନରେନ୍ଦ୍ର ମୋଦୀ ଏବେ ନିଜର ଛବି ସଜାଡୁଛନ୍ତି । ଏହା ଉପରେ ହିଁ ଅଧିକ ଫୋକସ କରୁଛନ୍ତି ବୋଲି ଏକ ଭିଡିଓ ଜାରି କରି କହିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ଏପରିକି ମୋଦୀଙ୍କ ସହ ଦେଶର ଅନେକ ଜାତୀୟ ସଂସ୍ଥା ଏ କାମରେ ଲାଗିଥିବା ରାହୁଲ ଅଭିଯୋଗ କରିଛନ୍ତି ।

ରାହୁଲ କହିଛନ୍ତି ଯେ, ଜଣେ ବ୍ୟକ୍ତିଙ୍କ ଛବି ରାଷ୍ଟ୍ରୀୟ ପରିକଳ୍ପନାର ବିକଳ୍ପ ହୋଇନପାରେ । ମୋଦୀଙ୍କୁ ପ୍ରଶ୍ନ କରିବା ତାଙ୍କର ଗୁରୁ ଦାୟିତ୍ୱ । ଚୀନର ମୁକାବିଲା ସେତେବେଳେ କରାଯାଇ ପାରିବ ଯେତେବେଳେ ନିଜେ ମଜବୁତ ଥିବ । ଯଦି ସେମାନେ ଆମ ଦୁର୍ବଳତା ଧରି ଦିଅନ୍ତି ତେବେ ଅଧିକ ଅସୁବିଧା ହେବାର ସମ୍ଭାବନା ରହିଛି । ଚୀନର ଆକ୍ରମଣାତ୍ମକ ଆଭିମୁଖ୍ୟର ମୁକାବିଲା ପାଇଁ ସ୍ପଷ୍ଟ ଦୃଷ୍ଟି କୋଣ ରହିଥିବା ଆବଶ୍ୟକ । କେବଳ ଜାତୀୟ ନୁହେଁ ଅନ୍ତରାଷ୍ଟ୍ରୀୟ ଦୃଷ୍ଟିକୋଣ ମଧ୍ୟ ରହିବା ଆବଶ୍ୟକ ।

ସେ ଆହୁରି କହିଛନ୍ତି ଯେ, ଭାରତକୁ ନିଜର ଏକ ବିଚାର ତିଆରି କରିବାକୁ ହେବ । ବିଶ୍ୱସ୍ତରରେ ଚିନ୍ତା କରିବାକୁ ହେବ । ଫଳରେ ଦେଶର ରକ୍ଷା କରାଯାଇପାରିବ । ଚୀନ ସହ ଉପୁଜିଥିବା ସୀମା ବିବାଦର ସମାଧାନ ଜରୁରୀ । କିନ୍ତୁ ଦେଶକୁ ନିଜ ନୀତିରେ ପରିବର୍ତ୍ତନ କରିବାକୁ ହେବ । ଭାବନାରେ ମଧ୍ୟ ପରିବର୍ତ୍ତନ ଆବଶ୍ୟକ । ୨୦୧୪ରେ ବିଜେପି ସରକାରରେ ଆସିବା ପରଠୁ ଦେଶର ଦୃଷ୍ଟିକୋଣ ହଜିଯାଇଛି । ଅର୍ଥବ୍ୟବସ୍ଥା ଓ ସୀମା ବିବାଦରେ ଦେଶ ପଛେଇଛି । ରାହୁଲ ଆହୁରି ଅଭିଯୋଗ କରିଛନ୍ତି ଯେ, ମୋଦୀ ନିଜର ଛବି ତିଆରି କରିବାରେ ଲାଗିଛନ୍ତି । ଦେଶକୁ ଦୁର୍ବଳ କଲା ଭଳି କାମ କରୁଛନ୍ତି । ଭାରତର କୌଣସି ଦୃଷ୍ଟିକୋଣ ନଥିବାରୁ ଚୀନ ଜାଗା ମାଡିବସିଛି । ଚୀନର ମୁକାବିଲା କିପରି କରାଯିବ ତାହା ପ୍ରଧାନମନ୍ତ୍ରୀ ଜାଣି ନାହାଁନ୍ତି ।

   Related Posts