ନୂଆଦିଲ୍ଲୀ ୨୭/୦୧: ଟ୍ୱିଟରରେ ମୋର କମିଛନ୍ତି ଫଲୋଅର୍ସ । ସରକାରଙ୍କ ଚାପରେ ଏପରି କରୁଛି କମ୍ପାନୀ । ଟ୍ୱିଟର ବିରୋଧରେ ଏପରି ସଂଗୀନ ଅଭିଯୋଗ ଆଣିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ସେ ଦାବି କରିଛନ୍ତି ଯେ ତାଙ୍କ ଟ୍ୱିଟର ଫଲୋଅର ସଂଖ୍ୟା କ୍ରମାଗତ ଭାବେ ହ୍ରାସ ପାଉଛି । ଗତ ପ୍ରାୟ ସାତ ମାସ ମଧ୍ୟରେ, ତାଙ୍କ ଅନୁଗାମୀମାନଙ୍କ ସଂଖ୍ୟା ପ୍ରାୟ ଚାରି ଲକ୍ଷ ବୃଦ୍ଧି ପାଇଥିଲା, କିନ୍ତୁ ଅଗଷ୍ଟ ୨୦୨୧ ପରଠାରୁ ତାଙ୍କ ଅନୁଗାମୀମାନଙ୍କ ସଂଖ୍ୟା କ୍ରମାଗତ ଭାବେ ହ୍ରାସ ପାଉଛି ।
ଏନେଇ ରାହୁଲ ଗାନ୍ଧୀ ମଧ୍ୟ ଟ୍ୱିଟରକୁ ଏକ ଚିଠି ଲେଖିଛନ୍ତି । ଯେଉଁଥିରେ କେନ୍ଦ୍ର ସରକାରଙ୍କ ଚାପରେ ଟ୍ୱିଟର କାର୍ଯ୍ୟ କରୁଛି ବୋଲି ସେ ଅଭିଯୋଗ କରିଛନ୍ତି । ରାହୁଲ ଗାନ୍ଧୀ ୨୭ ଡିସେମ୍ବର ୨୦୨୧ରେ ଟ୍ୱିଟରକୁ ଏକ ଚିଠି ଲେଖିଥିଲେ ଯେଉଁଥିରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହା ଏବଂ କଂଗ୍ରେସ ନେତା ଶଶି ଥରୁରଙ୍କ ସହ ତୁଳନା କରାଯାଇଥିବା ଟ୍ୱିଟର ଆକାଉଣ୍ଟରେ ତଥ୍ୟ ମଧ୍ୟ ସେୟାର କରିଛନ୍ତି ।
wp:html/wp:htmlFollower counts are a visible feature&we want everyone to have confidence that numbers are meaningful&accurate. Twitter has zero-tolerance approach to platform manipulation&spam: Twitter spox on Rahul Gandhi's letter to Twitter stating that no.of his followers seeing a drop (1/3) pic.twitter.com/HiU0QORYcR
— ANI (@ANI) January 27, 2022
ସେପଟେ ଏହି ଚିଠିର ଜବାବ ରଖିଛି ଟ୍ୱିଟର । ରାହୁଲ ଗାନ୍ଧୀଙ୍କ ଚିଠିର ଉତ୍ତରରେ ଟ୍ୱିଟର କହିଛି ଯେ ଆକାଉଣ୍ଟ ସହ ଅନୁସରଣକାରୀଙ୍କ ସଂଖ୍ୟା ମଧ୍ୟ ଆମେ ଚାହୁଁ । ମ୍ୟାନିପୁଲେସନ ଏବଂ ସ୍ପାମ୍ ପାଇଁ ଟ୍ୱିଟରର କୌଣସି ସ୍ଥାନ ନାହିଁ । ଆମେ ମେସିନ୍ ଲର୍ଣ୍ଣିଂ ଉପକରଣ ମାଧ୍ୟମରେ ପ୍ରତି ସପ୍ତାହରେ ବଟ୍ ଅନୁସରଣକାରୀ ଏବଂ ସ୍ପାମ୍ ର ବୃହତ ସର୍ଟିଂ କରୁ । ଏହି କ୍ଷେତ୍ରରେ ଅନୁସରଣକାରୀଙ୍କ ସଂଖ୍ୟା ହ୍ରାସ ହୋଇଥାଏପାରେ ।