Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||
  • ରାଇରଙ୍ଗପୁର : ଗୁଣିଗାରେଡି ସନ୍ଦେହକୁ ନେଇ ହତ୍ୟାକାଣ୍ଡ : ୩ ସୁପାରୀ କିଲର ଗିରଫ
  • ||
  • ନୂଆଦିଲ୍ଲୀ : ଦୁଇ ସରକାରୀ ବ୍ୟାଙ୍କର ଘରୋଇକରଣ ପ୍ରସ୍ତାବକୁ ବିରୋଧ, ଆସନ୍ତା ୧୬ରୁ ଦୁଇ ଦିନିଆ ହରତାଳ ଚେତାବନୀ ଦେଲା ୟୁଏଫବିୟୁ
  • ||

ଆଜି ପୁଣି ହାଥରସ ଅଭିମୁଖେ ଯାଇପାରନ୍ତି ରାହୁଲ ଓ ପ୍ରିୟଙ୍କା, ଦୁଇ ଦିନ ପୂର୍ବରୁ ଯାଇ ହୋଇଥିଲେ ଗିରଫ

3/10/2020 at 10:10 AM

ନୂଆଦିଲ୍ଲୀ ୩।୧୦: ହାଥରସ ଗଣଦୁଷ୍କର୍ମ ଘଟଣାକୁ ନେଇ ଆକ୍ରାମକ ହୋଇଉଠିଛି କଂଗ୍ରେସ । ଦଳର ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ରାହୁଲ ଗାନ୍ଧୀ ଏବଂ ମହାସଚିବ ପ୍ରିୟଙ୍କା ଗାନ୍ଧୀ ଦୁଇ ଦିନ ପୂର୍ବରୁ ହିଁ ପୀଡିତାଙ୍କ ପରିବାରଲୋକଙ୍କୁ ଭେଟିବାକୁ ହାଥରସ ଅଭିମୁଖେ ଗସ୍ତ କରିଥିଲେ । ସେହି ସମୟରେ ପୋଲିସ ଉଭୟଙ୍କୁ ଗ୍ରେଟର ନୋଏଡା ପରୀ ଅଞ୍ଚଳରେ ଅଟକାଇଥିଲା । ଉଭୟଙ୍କୁ ସେଠାରୁ ଗିରଫ ମଧ୍ୟ କରାଯାଇଥିଲା । ତାପରେ ଦିଲ୍ଲୀ ଫେରିଯିବାକୁ କୁହାଯାଇଥିଲା ।

ରାହୁଲ ଗାନ୍ଧୀ ଆଜି ପୁଣି ଥରେ ହାଥରସ ଯିବା ପାଇଁ ପ୍ରୟାସ କରିବେ । ଶୁଣାଯାଉଛି ଯେ, ରାହୁଲ ଦ୍ବିପ୍ରହରରେ ହାଥରସ ଅଭିମୁଖେ ଗସ୍ତ କରିବେ । ତାଙ୍କ ସହ କଂଗ୍ରେସ ସାଂସଦମାନଙ୍କ ଏକ ଦଳ ମଧ୍ୟ ଗସ୍ତ କରିବ । ରାହୁଲଙ୍କ ନେତୃତ୍ବରେ ଏହି ପ୍ରତିନିଧିମଣ୍ଡଳୀ ହାଥରସ ପୀଡିତାଙ୍କ ପରିବାରଲୋକଙ୍କୁ ଭେଟିବେ । ପୀଡିତାଙ୍କ ପରିବାରକୁ ନ୍ୟାୟରୁ ବଞ୍ଚିତ କରି ରଖାଯାଉଥିବା ଅଭିଯୋଗ ଆଣି କଂଗ୍ରେସ କହିଛି ଯେ, ପୀଡିତାଙ୍କ ପରିବାରଲୋକଙ୍କୁ ପୋଲିସ ଛାଉଣୀରେ ରଖାଯାଇଛି, ଗଣମାଧ୍ୟମକୁ ମଧ୍ୟ ସେଠାକୁ ଯିବା ପାଇଁ ଦିଆଯାଉନାହିଁ ।

ହାଥରସ ଘଟଣାକୁ ନେଇ ୟୁପି ସରକାରଙ୍କ ବିରୋଧରେ ରାହୁଲ ଗାନ୍ଧୀ ସୋସିଆଲ ମିଡିଆରେ ସ୍ବର ଉଠାଇଛନ୍ତି । ଗାଁରେ ପୋଲିସ ଛାଉଣୀଠୁ ନେଇ ଗାଁର ପ୍ରବେଶପଥକୁ ବନ୍ଦ କରାଯିବା ଆଦି ସମସ୍ତ ଘଟଣା ବିଷୟରେ ଟ୍ବିଟ୍ କରି ରାହୁଲ ନିଜ ପ୍ରତିକ୍ରିୟା ଦେଉଛନ୍ତି । ଏହାସହ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସରକାରକୁ ମଧ୍ୟ ଟାର୍ଗେଟ୍ କରିଛନ୍ତି । ସେହିଭଳି ପ୍ରିୟଙ୍କା ଗାନ୍ଧୀ ହାଥରସ ପୀଡିତାଙ୍କ ପାଇଁ ଦିଲ୍ଲୀ ବାଲ୍ମିକୀ ମନ୍ଦିରରେ ଆୟୋଜିତ ଏକ କାର୍ଯ୍ୟକ୍ରମରେ ମଧ୍ୟ ୟୁପି ସରକାରଙ୍କୁ ଭର୍ସନା କରିଥିଲେ ।

ସୂଚନାଯୋଗ୍ୟ ଯେ, ଦୁଇ ଦିନ ତଳେ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ହାଥରସ ଗସ୍ତରେ ବାହରିଥିଲେ । ଉଭୟଙ୍କୁ ଗ୍ରେଟର ନୋଏଡା ପରୀ ଅଞ୍ଚଳରେ ପୋଲିସ ଅଟକାଇଥିଲା । ଗିରଫ କରିବା ପରେ ପୁର୍ନବାର ସେମାନଙ୍କୁ ଦିଲ୍ଲୀ ପଠାଇ ଦେଇଥିଲା ପୋଲିସ । ମାତ୍ର ରାହୁଲ ଗାନ୍ଧୀ ହାଥରସ ଯିବାପାଇଁ ଅଡି ବସିଥିଲେ । ଏହି ସମୟରେ ରାହୁଲ ଗାନ୍ଧୀ ଏବଂ ତାଙ୍କ ସମର୍ଥକଙ୍କୁ ପୋଲିସ ଠେଲାପେଲା ମଧ୍ୟ କରିଥିଲା । ଧକ୍କା ଖାଇ ରାହୁଲ ଗାନ୍ଧୀ ତଳେ ମଧ୍ୟ ପଡିଯାଇଥିଲେ । ଏହାକୁ ବିଜେପି ଫ୍ୟାସନ ପରେଡ ବୋଲି କହିଥିଲା ।

   Related Posts