Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ରଣଦୀପ ସୁରଜେଓ୍ଵାଲାଙ୍କୁ ରାଜ୍ୟସଭା ପଠାଇବାକୁ ଚାହୁଁଥିଲେ ରାହୁଲ, ଏମିତି ଓଲଟିଲା ବାଜି

13/03/2020 at 8:38 PM

ନୂଆଦିଲ୍ଲୀ ୧୩।୦୩: କଂଗ୍ରେସ ରାଜ୍ୟସଭାରେ ଖାଲି ପଡିଥିବା ୫୫ ଆସନ ପାଇଁ ହେଉଥିବା ନିର୍ବାଚନରେ ନିଜର ପ୍ରାର୍ଥୀ ତାଲିକା ଘୋଷଣା କରିଛି। ଏଥିରେ ୧୨ ଜଣ ପ୍ରାର୍ଥୀଙ୍କ ନାମ ରହିଛି। କଂଗ୍ରେସ ହରିୟାଣାରେ ଖାଲି ହେଉଥିବା ଆସନରେ ଦୁଇ ଥରର ମୁଖ୍ୟମନ୍ତ୍ରୀ ଭୂପେନ୍ଦ୍ର ସିଂହ ହୁଡ୍ଡାଙ୍କ ପୁତ୍ର ଦୀପେନ୍ଦ୍ର ସିଂହ ହୁଡ୍ଡାଙ୍କୁ ରାଜ୍ୟସଭା ଟିକେଟ୍ ଦେଇଛି।

କୁହାଯାଉଛି ଯେ, କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ରଣଦୀପ ସିଂହ ସୁରଜେଓ୍ଵାଲାଙ୍କୁ ରାଜ୍ୟସଭା ପଠାଇବାକୁ ଚାହୁଁଥିଲେ। ଅନ୍ୟପଟେ କୁମାରୀ ଶୈଲଜାଙ୍କ ନାମ ମଧ୍ୟ ଦୌଡରେ ଥିଲା। ଏହାକୁ ନେଇ ୧୦ ଜନପଥରେ ବୈଠକ ହୋଇଥିଲା। ସୂତ୍ର ମୁତାବକ ବୈଠକରେ ରାହୁଲ ଗାନ୍ଧୀ ଉଗ୍ର ମଧ୍ୟ ହୋଇଥିଲେ, ମାତ୍ର ଶେଷରେ ଟିକେଟ୍ ହୁଡ୍ଡାଙ୍କ ପୁତ୍ରଙ୍କୁ ମିଳିଛି। ହରିୟାଣାରେ ଆସନ ପାଇଁ ଜାରି ଅସାମଞ୍ଜ୍ୟସ ସ୍ଥିତି କାରଣରୁ ପ୍ରାର୍ଥୀଙ୍କ ନାମ ଘୋଷଣାରେ ବିଳମ୍ବ ଘଟିଛି।

କୁହାଯାଉଛି ଯେ, ଭୂପେନ୍ଦ୍ର ସିଂହ ହୁଡ୍ଡା ପାର୍ଟିର ହାଇକମାଣ୍ଡକୁକ ୨୦୧୨ର ରାଜ୍ୟସଭା ନିର୍ବାଚନକୁ ସ୍ମରଣ କରାଇଥିଲେ। ହୁଡ୍ଡା ଏହା ମଧ୍ୟ ସ୍ପଷ୍ଟ କରିଥିଲେ ଯେ, ଯଦି ସୁରଜେଓ୍ଵାଲା କିମ୍ବା କୁମାରୀ ଶୈଲଜାଙ୍କ ମଧ୍ୟରୁ କାହାରିକୁ ପ୍ରାର୍ଥୀ କରାଯାଏ, ତେବେ ପାର୍ଟିର ବିଧାୟକ ବିଦ୍ରୋହ କରି ପାରନ୍ତି। ଏହା ସହିତ ୨୦୧୬ର ନିର୍ବାଚନର ଅତୀତକୁ ମଧ୍ୟ ସେ ପାର୍ଟି ହାଇକମାଣ୍ଡଙ୍କୁ ମନେ ପକାଇ ଦେଇଛନ୍ତି।

ମଧ୍ୟ ପ୍ରଦେଶରେ ବିଦ୍ରୋହର ସାମ୍ନା କରୁଥିବା କଂଗ୍ରେସର ହାଇକମାଣ୍ଡ ହରିୟାଣାରେ ଏମିତି ସ୍ଥିତି ଯେମିତି ନଉପୁଜୁ, ସେଥିପାଇଁ ରିକ୍ସ ନଉଠାଇ ଭୁପେନ୍ଦ୍ର ସିଂହ ହୁଡ୍ଡାଙ୍କ ପୁତ୍ରଙ୍କୁ ପ୍ରାର୍ଥୀ କରିବାକୁ ଉଚିତ୍ ମଣିଛି। ଏହି ପରି ଭୂପେନ୍ଦ୍ର ସିଂହ ନିଜର ପୁତ୍ରଙ୍କୁ ଟିକେଟ୍ ଦେବାରେ ସଫଳ ହୋଇଛନ୍ତି। ଉଲ୍ଲେଖଯୋଗ୍ୟ, ୨୦୧୬ରେ ରାଜ୍ୟସଭା ନିର୍ବାଚନରେ କଂଗ୍ରେସ ହରିୟାଣାରୁ ଆରକେ ଆନନ୍ଦଙ୍କୁ ପ୍ରାର୍ଥୀ କରିଥିଲା।

କଣ ଘଟିଥିଲା ୨୦୧୬ରେ ?

୨୦୧୬ରେ ରାଜ୍ୟସଭା ନିର୍ବାଚନରେ କଂଗ୍ରେସ ପ୍ରାର୍ଥୀ ଆରକେ ଆନନ୍ଦଙ୍କ ବିପକ୍ଷରେ ବିଜେପିର ସମର୍ଥିତ ସ୍ଵାଧୀନ ପ୍ରାର୍ଥୀ ସୁଭାଷ ଚନ୍ଦ୍ରା ଥିଲେ। କଂଗ୍ରେସର ୧୨ ବିଧାୟକ ଭୁଲ୍ ସାହି ବ୍ୟବହାର କାରଣରୁ ସେମାନଙ୍କର ଭୋଟ୍ ଅମାନ୍ୟ ହୋଇଥିଲା। ଫଳରେ ସୁଭାଷ ଚନ୍ଦ୍ରା ନିର୍ବାଚନ ଜିତିବାରେ ସଫଳ ହୋଇଥିଲେ।

   Related Posts