Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇଲେ ରାହୁଲ, କହିଲେ ମୋ କଥା ରଖିଲେ

18/04/2020 at 7:01 PM

ନୂଆଦିଲ୍ଲୀ : ବରିଷ୍ଠ କଂଗ୍ରେସ ସାଂସଦ ରାହୁଲ ଗାନ୍ଧି ଶନିବାର ଏକ ଟ୍ୱିଟ୍‌ ବାର୍ତ୍ତାରେ କେନ୍ଦ୍ର ସରକାରଙ୍କୁ ଧନ୍ୟବାଦ ଜ୍ଞାପନ କରିଛନ୍ତି। ଏପ୍ରିଲ ୧୨ ତାରିଖ ଟ୍ୱିଟର ଜବାବରେ ରାହୁଲ ଏହି ଧନ୍ୟବାଦ ଜଣାଇଛନ୍ତି। ରାହୁଲ ତାଙ୍କ ଟ୍ୱିଟର ହ୍ୟାଣ୍ଡଲରେ  ଚୀନ କେନ୍ଦ୍ରୀୟ ବ୍ୟାଙ୍କ ପ୍ୟୁପିଲସ ବ୍ୟାଙ୍କ ଅଫ ଚାଇନା ଦେଶର ଲକଡାଉନ ବେଳେ ଏଚଡିଏଫସିଙ୍କ ୧.୧୭କୋଟି ଟଙ୍କାର ସେୟାର କିଣିନେଇଥିବା ପ୍ରଥମେ ସୂଚନା ଦେଇଥିଲେ। ଏଥିରେ ଦେଶର ଏଭଳି ପରିସ୍ଥିତିରେ ବିଦେଶୀ ବ୍ୟାଙ୍କ ଓ ନିବେଶକଙ୍କ କବଳରୁ କର୍ପୋରେଟ୍ ସେକ୍ଟରକୁ ରକ୍ଷା କରିବାକୁ ରାହୁଲ କେନ୍ଦ୍ର ସରକାରଙ୍କୁ କଡା ନିୟମ ଆଣିବାକୁ ପରାମର୍ଶ ଦେଇଥିଲେ।  ସେହି ଅନୁସାରେ ଶନିବାର କେନ୍ଦ୍ର ସରକାର ଏଫଡିଆଇ ନିୟମ କଡାକଡି କରିଥିବାରୁ ରାହୁଲ ସରକାରଙ୍କୁ ଧନ୍ୟବାଦ ଜଣାଇଛନ୍ତି।

କରୋନା ଜନିତ ପରିସ୍ଥିତିରେ ସାରା ବିଶ୍ୱ ଆର୍ଥିକ ମାନ୍ଦାବସ୍ଥାର ଶିକାର ହୋଇଛି। ଏଥିରୁ ଭାରତୀୟ ବଜାର ବି ବାଦ ପଡିନି। ଏଣୁ ଜାତୀୟ ସଙ୍କଟ ସମୟରେ କୌଣସି ବିଦେଶୀ କମ୍ପାନୀ ଅଥବା ବ୍ୟାଙ୍କ ହାତକୁ ଯେପରି ଗୋଟିଏ ବି ଭାରତୀୟ କମ୍ପାନୀ ନ ଯାଏ ତାହା ସରକାର ସୁନିଶ୍ଚିତ କରନ୍ତୁ ବୋଲି ରାହୁଲ ନିବେଦନ କରିଥିଲେ।

ରାହୁଲଙ୍କ ବିଚାର ଗଣମାଧ୍ୟମରେ ପ୍ରସାରିତ ହେବା ପରେ ସେୟାର ପ୍ରାଇସ୍ ହ୍ରାସ ଯୋଗୁ ବିଦେଶୀ ନିବେଶକ ଶସ୍ତାରେ ସେୟାର କିଣି ନେଉଥିବାର ଜଣାପଡିଥିଲା। ଫଳରେ ଶିଳ୍ପ ଏବଂ ବାଣିଜ୍ୟ ପ୍ରୋତ୍ସାହନ ବିଭାଗ (ଡିପିଆଇଆଇଟି) ଶନିବାର ଏଫଡିଆଇ ନିୟମ ପରିବର୍ତ୍ତନ କରିବା ସହ ଭାରତ ସୀମା ସଲଗ୍ନ କୌଣସି ଦେଶର ନାଗରିକ, ନିବେଶକ, କମ୍ପାନୀ ଅଥବା ବ୍ୟାଙ୍କ ଭାରତରେ ନିବେଶ କରିବାକୁ ଚାହିଁଲେ ଏଥିଲାଗି ସରକାରଙ୍କ ଅନୁମତି ନେବା ଜରୁରି ବୋଲି ଘୋଷଣା କରିଛନ୍ତି। ତେବେସେବି ଚୀନ କେନ୍ଦ୍ରୀୟ ବ୍ୟାଙ୍କ ଏଚଡିଏଫସିଙ୍କର ମାତ୍ର ୧.୦୧ ପ୍ରତିଶତ ଅଂଶ କିଣିଥିବା କହିଛନ୍ତି। ଏଥିରେ ପୂର୍ବରୁ ଅନେକ ଦେଶଙ୍କ ନିବେଶ ରହିଥିବା ବେଳେ ଚୀନର ନିବେଶ ଅତ୍ୟନ୍ତ ନଗଣ୍ୟ ବୋଲି କୁହାଯାଇଛି।  

   Related Posts