Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଜାଗର ପାଇଁ କଟକଣା, ମନ୍ଦିର ଭିତରେ ଓ ବାହାରେ ହେବନି ଗହଳି, ମେଳା ଉପରେ ଲାଗିଲା ରୋକ୍
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୫୭ କୋଭିଡ୍ ପଜିଟିଭ୍, ୩୩୭୮୬୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଉଦଳା : କୂଅ ଭିତରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର, ୫ ତାରିଖରୁ ଥିଲେ ନିଖୋଜ
  • ||
  • ସମ୍ବଲପୁର : ବନ କର୍ମଚାରୀଙ୍କ ଛୁଟି ଉପରେ କଟକଣା, ଅତି ଜରୁରୀ କାମ ନଥିଲେ ନେଇପାରିବେନି ଛୁଟି
  • ||
  • ସୁନ୍ଦରଗଡ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ପାରାଦୀପ : ପଶ୍ଚିମବଙ୍ଗରେ ମହିଳାଙ୍କୁ ଦୁଷ୍କର୍ମ ପରେ କରିଥିଲା ହତ୍ୟା, ପାରାଦୀପରୁ ହେଲା ଗିରଫ
  • ||
  • ଜାଗର ପ୍ରସ୍ତୁତି : ବାବା ଆଖଣ୍ଡଳମଣିଙ୍କ ପୀଠରେ ଲାଗିଲା କଟକଣା, ମାର୍ଚ୍ଚ ୧୦ରୁ ୨ଦିନ ଯାଏଁ ୧୪୪ ଧାରା
  • ||

ସିବିଆଇ ନିର୍ଦେଶକ ପଦବୀରୁ ବର୍ମାଙ୍କୁ ବିଦା କରିବା ନେଇ ମୋଦିଙ୍କୁ ଟାର୍ଗେଟ କଲେ ରାହୁଲ : କହିଲେ “ମୋଦି ଡରି ଯାଇଛନ୍ତି, ସେ ଶୋଇ ପାରୁନାହାନ୍ତି”

11/01/2019 at 12:54 PM

ଦିଲ୍ଲୀ ୧୧/୧ : ଆଲୋକ ବର୍ମାଙ୍କୁ ସିବିଆଇ ନିର୍ଦେଶକ ପଦରୁ ହଟାଇ ଦିଆଯିବା ପରେ ରାହୁଲ ଗାନ୍ଧୀ ଏନେଇ ପ୍ରତିକ୍ରିୟା ରଖିଛନ୍ତି | ରାହୁଲ ଗାନ୍ଧୀ ଟ୍ୱିଟ କରି କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦିଙ୍କ ମନରେ ଭୟ ସଂଚାର ହୋଇଛି, ଯେଉଁଥିପାଇଁ ସେ ରାତିରେ ଶୋଇପାରୁନାହାନ୍ତି | ସେ ଭାରତୀୟ ବାୟୁ ସେନା ଠାରୁ ୩୦ ହଜାର କୋଟି ଚୋରି କରିଛନ୍ତି ଏବଂ ଅନିଲ ଅମ୍ବାନୀଙ୍କୁ ଦେଇ ଦେଇଛନ୍ତି | ସେ କହିଛନ୍ତି ଯେ, ସିବିଆଇ ନିର୍ଦେଶକ ପଦରୁ ଆଲୋକ ବର୍ମାଙ୍କୁ ଦୁଇ ଦୁଇଥର ହଟାଇବା ଯୋଗୁଁ ଏହା ସ୍ପଷ୍ଟ ହୋଇଯାଇଛି ଯେ, ମୋଦି ନିଜେ ବୁଣିଥିବା ମିଛର ଜାଲରେ ଫସି ଯାଇଛନ୍ତି | ରାଫେଲ ପ୍ରସଙ୍ଗରେ ରାହୁଲ ମୋଦିଙ୍କ ସହ ଅନିଲ ଅମ୍ବାନୀଙ୍କୁ ମଧ୍ୟ ଟାର୍ଗେଟ କରିଛନ୍ତି | ରାହୁଲଙ୍କ ଅଭିଯୋଗକୁ ଅମ୍ବାନୀ ପୂର୍ବରୁ ହିଁ ଖାରଜ କରିସାରିଛନ୍ତି |


ସିବିଆଇ ନିର୍ଦେଶକ ପଦରୁ ଆଲୋକ ବର୍ମାଙ୍କୁ ହଟାଇ ଦିଆଯିବା ପରେ କଂଗ୍ରେସ ଅଭିଯୋଗ କରିଥିଲା ଯେ, ବର୍ମାଙ୍କୁ ହଟାଇବା ଯୋଗୁଁ ଏହା ପ୍ରମାଣିତ ହୋଇଯାଇଛି ଯେ, ରାଫେଲ ପ୍ରସଙ୍ଗର ଯାଞ୍ଚକୁ ନେଇ ମୋଦି ଡରି ଯାଇଛନ୍ତି |


କଂଗ୍ରେସ ଦଳ ଅଧିକାରୀ ଟ୍ୱିଟ କରି କହିଛନ୍ତି ଯେ, ନିର୍ଦେଶକ ପଦରୁ ହଟାଇବା ପୂର୍ବରୁ ଆଲୋକ ବର୍ମାଙ୍କୁ ନିଜ ପକ୍ଷ ରଖିବାକୁ ମଉକା ମଧ୍ୟ ଦିଆଯାଇନଥିଲା | ରାଫେଲ ପ୍ରସଙ୍ଗର ଯାଞ୍ଚକୁ ନେଇ ମୋଦି ଏତେ ଡରିଯାଇଛନ୍ତି ଯେ, ବର୍ମାଙ୍କୁ ନିଜ ପକ୍ଷ ମଧ୍ୟ ରଖିବାକୁ ଦେଲେନାହିଁ | ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା ସିଲେକସନ କମିଟି ବୈଠକ ପରେ ଆଲୋକ ବର୍ମାଙ୍କୁ ସିବିଆଇ ନିର୍ଦେଶକ ପଦବୀରୁ ବିଦା କରାଯାଇଥିଲା | ସେଥିପାଇଁ ରାହୁଲ ଗାନ୍ଧୀ ମୋଦିଙ୍କୁ ଟାର୍ଗେଟ କରି ଏଭଳି ମନ୍ତବ୍ୟ ଦେଇଛନ୍ତି |
ସୂଚନାଯୋଗ୍ୟ ଯେ, ୧୯୭୯ ବ୍ୟାଚ ଏଜିଏମୟୁଟି କ୍ୟାଡରର ଆଇପିଏସ ଅଧିକାରୀ ଆଲୋକ ବର୍ମାଙ୍କୁ ଭ୍ରଷ୍ଟାଚାର ଏବଂ କର୍ତବ୍ୟରେ ଅବହେଳା ଅଭିଯୋଗରେ ପଦବୀରୁ ବିଦା କରାଯାଇଛି | ତଦନ୍ତକାରୀ ସଂସ୍ଥା ଇତିହାସରେ ଏଭଳି କାର୍ଯ୍ୟାନୁଷ୍ଠାନକୁ ସାମ୍ନା କରିବା କ୍ଷେତ୍ରରେ ବର୍ମା ପ୍ରଥମ |

   Related Posts