Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଟ୍ରମ୍ପଙ୍କ ଧମକ ଶୁଣି ରାଗିଗଲେ ନେତା: ସମାଲୋଚନା କଲେ ରାହୁଲ, ଥରୁର ଓ ୟେଚୁରି

7/04/2020 at 5:57 PM

ନୂଆଦିଲ୍ଲୀ ୦୭/୦୪ : କରୋନା ଭାଇରସ ଯୋଗୁଁ ସାରା ଦୁନିଆ ଚିନ୍ତିତ ଅଛି | ଚୀନ ଓ ଇଟାଲୀ ପରେ ବର୍ତ୍ତମାନ ଆମେରିକାରେ କରୋନା ତାରା ତାଣ୍ଡବ ରଚି ଚାଲିଛି | କରୋନା ପାଇଁ ବର୍ତ୍ତମାନ ଆମେରିକା ସବୁଠାରୁ ଅଧିକ ପ୍ରଭାବିତ ହୋଇଛି | ଏତିକିବେଳେ ଆମେରିକା ରାଷ୍ଟ୍ରପତି ଟ୍ରମ୍ପ ଭାରତକୁ ହାଇଡ୍ରୋକ୍ଲୋରୋକ୍ୱିନ ଔଷଧ ଦାବି କରିଛି | ଆବଶ୍ୟକ ମୁତାବକ ଔଷଧ ନଦେଲେ ଭାରତ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ ବୋଲି ସେ ଧମକପୂର୍ଣ ସ୍ୱରରେ କହିଥିଲେ | କିଛି ଦିନ ପୂର୍ବରୁ ଭାରତ ସହ ନିବିଡ ସମ୍ପର୍କ ଥିବା ଦର୍ଶାଉଥିବା ଟ୍ରମ୍ପଙ୍କ ଏହି ଅନ୍ଦାଜ ବିରୋଧୀ ନେତାଙ୍କୁ ପସନ୍ଦ ଆସିଲାନି |

ଏନେଇ ବିରୋଧୀ ନିଜ ନିଜ ମନ୍ତବ୍ୟ ପ୍ରକାଶ କରିଛନ୍ତି | ବିରୋଧୀ ଦଳ ନେତା ସୋସିଆଲ ମିଡ଼ିଆରେ ଜରିଆରେ ନିଜ କ୍ରୋଧ ପ୍ରକାଶ କରିଛନ୍ତି | କଂଗ୍ରେସ ନେତା ଶଶୀ ଥରୁର ଟ୍ରମ୍ପକୁ ଆକ୍ଷେପ କରି ଟ୍ୱିଟ କରିଛନ୍ତି | ସେ ଟ୍ୱିଟ କରି କହିଛନ୍ତି, “ଦଶକ ଧରି ରାଜନୀତିରେ ଥାଇ ମୁଁ କୌଣସି ରାଷ୍ଟ୍ର ମୁଖ୍ୟଙ୍କୁ ଏହିପରି ଅନ୍ୟ ଦେଶକୁ ଧମକ ଦେଉଥିବା କେବେ ଦେଖିନଥିଲି | ରାଷ୍ଟ୍ରପତି ମହୋଦୟ ଭାରତକୁ ହାଇଡ୍ରୋକ୍ଲୋରୋକ୍ୱିନ ଔଷଧ ପାଇଁ ଏମିତି କିଭଳି ଧମକ ଦେଇପାରିଲେ ? ଯେତେବେଳେ ଭାରତ ଔଷଧ ଯୋଗାଇବା ଚାହିଁବ ସେତେବେଳେ ସେ ଆମେରିକାକୁ ଔଷଧ ବିକ୍ରୀକରିବ | 

ଥରୁରଙ୍କ ଛଡା କଂଗ୍ରେସ ନେତା ତଥା ପୂର୍ବତ୍ତନ ରାଷ୍ଟ୍ରୀୟ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟ ଏହାକୁ ପ୍ରତିଶୋଧର ଭାବନା ବୋଲି ଦର୍ଶାଇଛନ୍ତି | ସେ କହିଛନ୍ତି ବର୍ତ୍ତମାନ ଭାରତ ନିଜେ ଦେଶବାସୀଙ୍କ ପାଇଁ ଯଥେଷ୍ଟ ଔଷଧ ସଞ୍ଚିତ କରି ରଖିବା ଆବଶ୍ୟକ | ସେ ଟ୍ୱିଟ କରି କହିଛନ୍ତି ଯେ, “ମିତ୍ରରେ ପ୍ରତିଶୋଧର ଭାବନା ? ଭାରତକୁ ସମସ୍ତ ଦେଶର ସେବା ପାଇଁ ପ୍ରସ୍ତୁତ ହେବା ଦରକାର | କିନ୍ତୁ ସବୁଠାରୁ ପ୍ରଥମେ ଭାରତକୁ ନିଜ ଦେଶବାସୀଙ୍କ ପାଇଁ ଔଷଧ, ଅନ୍ୟାନ୍ୟ ସ୍ୱାସ୍ଥ୍ୟ ଉପକରଣ ଦେଶର କୋଣ ଅନୁକୋଣରେ ପହଞ୍ଚାଇବା ଦରକାର |”

ସିପିଆଇ ନେତା ସୀତାରାମ ୟେଚୁରି ମଧ୍ୟ ଟ୍ରମ୍ପଙ୍କ ଏହି ଧମକକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି | ଏଇ ବାହାନାରେ ସେ ମୋଦି ସରକାରଙ୍କୁ ମଧ୍ୟ ଟାର୍ଗେଟ କରିଛନ୍ତି | ସେ କହିଛନ୍ତି ଯେ, ମୋଦି ଟ୍ରମ୍ପଙ୍କ ପାଇଁ ଏକ ମହଙ୍ଗା କାର୍ଯ୍ୟକ୍ରମ ଆୟୋଜନ କରିଥିବା ଯୋଗୁଁ ଏସବୁ ହୋଇଛି |  

ସେ କହିଛନ୍ତି ଯେ, “ଆମେରିକା ରାଷ୍ଟ୍ରପତିଙ୍କ ବୟାନ ଅମାନ୍ୟ ଅଟେ | କିନ୍ତୁ ମୋଦି ସରକାର ଏହି ଧମକ ଆଗରେ ମୁଣ୍ଡ ନୁଆଇଁ ଏକ୍ସପର୍ଟ ଜାରି କରିଛନ୍ତି | ମୋଦି ଟ୍ରମ୍ପଙ୍କ ପାଇଁ ଏକ ମହଙ୍ଗା କାର୍ଯ୍ୟକ୍ରମ ଆୟୋଜନ କରିଥିଲେ | କରୋନା ବିପଦ ସମୟରେ ଆବଶ୍ୟକୀୟ ପ୍ରସ୍ତୁତି ବଦଳରେ ଆମେରିକା ସରକାର ଭାରତ ସରକାରଙ୍କୁ ଅପମାନ କରୁଛନ୍ତି |”

ରାଜ୍ୟସଭା ସାଂସଦ ତଥା ଆମ ଆଦମୀ ପାର୍ଟି ନେତା ସଞ୍ଜୟ ସିଂହ କହିଛନ୍ତି ଯେ, “ଟ୍ରମ୍ପଙ୍କୁ ଏହି ଧମକର ଜବାବ ଦିଆଯିବ ଉଚିତ | ଟ୍ରମ୍ପ ୧୩୫ ଦେଶବାସୀଙ୍କୁ ଧମକ ଦେଇଛନ୍ତି | ଦେଶବାସୀଙ୍କ ଏକତାକୁ ଧମକ ଦେଇଛନ୍ତି | ମୋଦିଙ୍କୁ ଏହି ଧମକର ଜବାବ ଦେବା ଉଚିତ | କିନ୍ତୁ ଭାରତ ସରକାର ଧମକକୁ ଡରି ଆମେରିକାକୁ ଔଷଧ ଦେବା ପାଇଁ ରାଜି ହୋଇଗଲେ | ଦେଶ ନିଜେ ସଙ୍କଟରେ ଅଛି ମୋଦି ଜି, ପ୍ରଥମେ ଦେଶକୁ ରକ୍ଷା କରନ୍ତୁ |”

   Related Posts