Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

‘୨୧ ଦିନରେ କରୋନାକୁ ଶେଷ କରିବାକୁ ପ୍ରତିଶୃତି ଦେଇ ଅଭାବୀଙ୍କ ଜୀବନ ବରବାଦ୍ କରିଦେଲେ’-ରାହୁଲ ଗାନ୍ଧୀ

9/09/2020 at 2:46 PM

ନୂଆଦିଲ୍ଲୀ ୦୯/୦୯ : କଂଗ୍ରେସ ନେତା ରାହୁଲ ଗାନ୍ଧୀ କରୋନା ମହାମାରୀ ଯୋଗୁଁ ଲାଗୁ ହୋଇଥିବା ହୋଇଥିବା ଲକଡାଉନକୁ ନେଇ ପ୍ରଶ୍ନ କରିଛନ୍ତି | କେନ୍ଦ୍ର ସରକାରଙ୍କୁ ଟାର୍ଗେଟ କରି ରାହୁଲ ବୁଧବାର ଦିନ ଏକ ଭିଡିଓ ଜାରି କରିଛନ୍ତି | ମୋଦିଙ୍କ ଜନବିରୋଧୀ ‘ଡ଼ିଜାଷ୍ଟର ପ୍ଲାନ’ ଜାଣିବା ପାଇଁ ଏହି ଭିଡିଓ ଦେଖନ୍ତୁ ବୋଲି କହିଛନ୍ତି ରାହୁଲ | ଭିଡିଓରେ ସେ କହିଛନ୍ତି, ହଠାତ ଲାଗୁ ହୋଇଥିବା ଲକଡାଉନ ଅସଂଗଠିତ ବର୍ଗଙ୍କ ପାଇଁ ମୃତ୍ୟୁଦଣ୍ଡ ପ୍ରମାଣିତ ହୋଇଛି | ୨୧ ଦିନରେ କରୋନା ଶେଷ କରିବାକୁ ପ୍ରତିଶୃତି ଦେଇଥିଲେ, କିନ୍ତୁ ଶେଷ କରିଦେଲେ କୋଟି କୋଟି ଟଙ୍କାର ରୋଜଗାର ଓ ଛୋଟ ଉଦ୍ୟୋଗ |

ଲକଡାଉନ କରୋନା ଉପରେ ଆକ୍ରମଣ ନଥିଲା | ଲକଡାଉନ ଦେଶର ଗରିବ, ଦେଶର ଯୁବପିଢ଼ିଙ୍କ ଭବିଷ୍ୟ, ଶ୍ରମିକ, ଚାଷୀ ଓ କ୍ଷୁଦ୍ର ବ୍ୟବସାୟୀଙ୍କ ଉପରେ ଆକ୍ରମଣ ଥିଲା | ଦେଶର ଅସଂଗଠିତ ଅର୍ଥ ବ୍ୟବସ୍ଥା ଉପରେ ଆକ୍ରମଣ ଥିଲା | ଏହି ଆକ୍ରମଣ ବିରୋଧରେ ଆମ ସମସ୍ତଙ୍କୁ ଛିଡା ହେବା ଦରକାର ବୋଲି ରାହୁଲ କହିଛନ୍ତି |

ଆଗକୁ ରାହୁଲ କହିଛନ୍ତି, ‘ଆମେ କ୍ଷୁଦ୍ର ଓ ମଧ୍ୟମ ବର୍ଗ ବ୍ୟବସାୟ ପାଇଁ ପ୍ୟାକେଜ ସମ୍ପର୍କରେ କହିଥିଲେ | କାରଣ ସେମାନଙ୍କୁ ରକ୍ଷା କରିବା ଆବଶ୍ୟକ | କିନ୍ତୁ ବିନା ଟଙ୍କା ସେ ବଞ୍ଚିବ ନାହିଁ | କିନ୍ତୁ ସରକାର କିଛି କଲେନି | ଓଲଟା ସରକାର ସବୁଠାରୁ ଧନୀ ୧୫-୨୦ ଜଣଙ୍କ ଲକ୍ଷ-କୋଟି ଟଙ୍କାର ଟ୍ୟାକ୍ସ କ୍ଷମା କରିଦେଲେ |’

ରାହୁଲ କହିଛନ୍ତି କଂଗ୍ରେସ ଦଳ ଥରେ କି ଦୁଇଥର ନୁହେଁ ବରଂ ଅନେକଥର ଗରିବ ଓ ଅଭାବୀଙ୍କୁ ସାହାଯ୍ୟ କରିବାକୁ ସରକାରଙ୍କୁ କହିଛି | ନ୍ୟାୟ ଭଳି ଯୋଜନା ଲାଗୁ କରିବାକୁ ଓ ଅଭାବୀଙ୍କୁ ଆର୍ଥିକ ସାହାଯ୍ୟ ଦେବାକୁ କହିଥିଲେ କିନ୍ତୁ ସରକାର କିଛି ଶୁଣିନାହାନ୍ତି ବୋଲି ଅଭିଯୋଗ କରିଛନ୍ତି |

କରୋନା ନାଁରେ ଅସଂଗଠିତ ବର୍ଗଙ୍କ ଉପରେ ତୃତୀୟ ଆକ୍ରମଣ କରିଛନ୍ତି | କ୍ଷୁଦ୍ର ଓ ମଧ୍ୟମ ବର୍ଗ ବ୍ୟବସାୟୀ ପ୍ରତିଦିନ ରୋଜଗାର କରନ୍ତି ଏବଂ ଖାଆନ୍ତି, ପରିବାର ଭରଣପୋଷଣ କରନ୍ତି | କିନ୍ତୁ କେନ୍ଦ୍ର ସରକାର ବିନା ନୋଟିସରେ ଲକଡାଉନ ଲାଗୁ କରି ଏମାନଙ୍କ ଉପରେ ଆକ୍ରମଣ କରିଛନ୍ତି ବୋଲି କହିଛନ୍ତି ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ |

   Related Posts