Friday, January 17, 2020

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରାହୁଲ ଗାନ୍ଧୀଙ୍କୁ ପାକିସ୍ତାନ କରିଛି ପୋଷ୍ଟର ବୟ, ୩୭୦ ଉଚ୍ଛେଦ ପ୍ରସଂଗରେ ରାହୁଲଙ୍କ ବୟାନକୁ ଅସ୍ତ୍ର ଭାବେ ବ୍ୟବହାର କରି ମୋଦୀଙ୍କୁ ଏଭଳି କରୁଛି ସମାଲୋଚନା…

ନୂଆଦିଲ୍ଲୀ ୧୩/୮: କଂଗ୍ରେସ୍ ନେତା ରାହୁଲ ଗାନ୍ଧୀ ପୂରାପୂରି ପାକିସ୍ତାନୀ ଭାଷା କୁହନ୍ତି ବୋଲି ପୁଣି ଥରେ ଏହା ସାବ୍ୟସ୍ତ ହୋଇଛି। ଜାମ୍ମୁ କାଶ୍ମୀରରେ ଧାରା ୩୭୦ ଉଚ୍ଛେଦ ନିଷ୍ପତ୍ତିକୁ ସଂଯୁକ୍ତ ରାଷ୍ଟ୍ରଠୁ ଆରମ୍ଭ କରି ଚୀନ ଭଳି ଦେଶ ଭାରତକୁ ସମର୍ଥନ କରୁଛନ୍ତି। କିନ୍ତୁ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବିରୋଧ କରି ପାକିସ୍ତାନ ଭାଷା କହୁଛନ୍ତି। ଜାମ୍ମୁ କାଶ୍ମୀରକୁ ନେଇ ଭାରତ ବିରୋଧରେ ଅମୂଳକ ଅଭିଯୋଗ କରିବା ପାଇଁ ପାକିସ୍ତାନ ରାହୁଲ ଗାନ୍ଧୀଙ୍କ ବୟାନକୁ ବ୍ୟବହାର କରୁଛି।

ଭାରତୀୟ ସେନାଠୁ ଆରମ୍ଭ କରି ଜାମ୍ମୁ କାଶ୍ମୀର ପୋଲିସର ଉଚ୍ଚ ପଦସ୍ଥ ଅଧିକାରୀ ଲଗାତାର କହୁଛନ୍ତି ଯେ ଜାମ୍ମୁ କାଶ୍ମୀରର ବାତାବରଣ ଶାନ୍ତ ରହିଛି। ୩୭୦ ଧାରା ଉଚ୍ଛେଦ ହେବା ପରେ ପାକିସ୍ତାନରେ ଗୁଳି ବିନିମୟ ହୋଇନାହିଁ। ମିଡିଆରେ ଏପରି ସବୁ ଭିଡିଓ ଦେଖାଯାଉଛି ଯେଉଁଥିରେ ପରିଷ୍କାର ଭାବେ ଜଣାଯାଉଛି ଯେ ଜାମ୍ମୁ କାଶ୍ମୀରର ଲୋକେ ଚିନ୍ତାମୁକ୍ତ ହୋଇ ବକ୍ରି ଇଦ୍‌ ଉତ୍ସବ ପାଳନ କରିଥିଲେ। କିନ୍ତୁ ରାହୁଲ ଗାନ୍ଧୀଙ୍କୁ କେଉଁଠୁ ସୂଚନା ମିଳିଛି ଯେ ଜାମ୍ମୁ କାଶ୍ମୀରରେ ହିଂସାକାଣ୍ଡ ଚାଲିଛି।

ରାହୁଲ ଗାନ୍ଧୀ କହିଛନ୍ତି ଯେ ଜାମ୍ମୁ କାଶ୍ମୀରରେ ହିଂସା ଚାଲିଛି। ସେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶ୍ନ କରିଛନ୍ତି ଯେ ମୋଦି କାଶ୍ମୀରର ସତ ଲୋକଙ୍କୁ କୁହନ୍ତୁ। ସେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୁହନ୍ତୁ ଯେ କାଶ୍ମୀରରେ କ’ଣ ଚାଲିଛି। ପାକିସ୍ତାନ ରାହୁଲ ଗାନ୍ଧୀଙ୍କ ବୟାନକୁ ଆଧାରଭାବେ ବ୍ୟବହାର କରିଛି ଏବଂ ଏହାକୁ କୋଟ୍ କରି ପ୍ରଧାନମନ୍ତ୍ରୀ ମୋଦିଙ୍କ ପାଇଁ ଏପରି ଶବ୍ଦର ପ୍ରୟୋଗ କରିଛନ୍ତି ଯାହାକୁ କୈାଣସି ଭାରତୀୟଙ୍କ ପାଇଁ ପୁନର୍ବାର କହିବା ଉଚିତ୍ ହେବ ନାହିଁ। ଏକ ଭିଡିଓକୁ ସେୟାର କରି ପ୍ରଧାନ ମନ୍ତ୍ରୀ ମୋଦିଙ୍କ ବିଷୟରେ ଅତ୍ୟନ୍ତ ଲଜ୍ଜାଜନକ ଭାଷା ପ୍ରୟୋଗ କରାଯାଇଛି। ଏହି ଭାଷା ଏତେ ଅଭଦ୍ର ଯାହାକୁ ଆମେ ଲେଖି ପାରିବା ନାହିଁ।  

କେବଳ ଏତିକି ନୁହେଁ ପାକିସ୍ତାନର ପ୍ରଧାନମନ୍ତ୍ରୀ ଇମରାନ ଖାନଙ୍କ ପାର୍ଟି ପାକିସ୍ତାନର ସାଂସଦ ମୁରାଦ ସଇଦ ମଧ୍ୟ ରାହୁଲ ଗାନ୍ଧୀଙ୍କ ଲଜ୍ଜାଜନକ ବୟାନର ଭିଡିଓ ଟ୍ବିଟ କରି ଲେଖିଛନ୍ତି ଯେ ‘ଏମାନଙ୍କ ନିଜ ଲୋକ ଯେତେବେଳେ ବିରୋଧ କରୁଛନ୍ତି ସମଗ୍ର ବିଶ୍ବ ଚୁପ୍ ରହିଛି।’ ସଇଦ ମୁରାଦ ଏବଂ ହାମିଦ ମୀରଙ୍କ ଏହି ଟ୍ବିଟ୍ ଦ୍ବାରା ଜଣାପଡ଼ୁଛି ଯେ ରାହୁଲ ଗାନ୍ଧୀ ପାକିସ୍ତାନର ପୋଷ୍ଟର ବୟ ହୋଇଯାଇଛନ୍ତି।

382 Views

   ସମ୍ବନ୍ଧିତ ଖବର


Loading...