Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ କରୋନା ପଜିଟିଭ୍, ୨୯୦ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଢେଙ୍କାନାଳ : ପଞ୍ଚାୟତ ସମିତି ସଭ୍ୟଙ୍କୁ ଗୁଳି କରି ହତ୍ୟା, ପୂର୍ବ ଶତ୍ରୁତାରୁ ହତ୍ୟାକାଣ୍ଡ !
  • ||
  • କଟକ : ହାତୀ ଆକ୍ରମଣରେ ଜଣେ ମୃତ, କୂଳକୁ ଫେରିବା ବାଟରେ ମାରିଥିଲା ଦନ୍ତା
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୦୨ କୋଭିଡ୍ ପଜିଟିଭ୍
  • ||

ଓଡିଶାରେ ରାହୁଲ : ସେପଟେ ରବର୍ଟ ଭଦ୍ରାଙ୍କୁ ଇଡିର ଜେରା, ପ୍ରୟଙ୍କା ଓ ଜ୍ୟୋତିରାଦିତ୍ୟ ନେଲେ ଦାୟିତ୍ବ

6/02/2019 at 7:02 PM

ନୂଆଦିଲ୍ଲୀ ୬|୨: କୋଲକାତାରେ ନାଟ ସରିବା ପରେ ଏବେ ସାରା ଦେଶର ଫୋକସ୍ ଦିଲ୍ଲୀ ଉପରେ କେନ୍ଦ୍ରୀଭୂତ ହୋଇଛି । କାହିଁକି ନା ଦିଲ୍ଲୀରେ ଆଜି ଦେଖିବାକୁ ମିଳିଛି ଡବଲ୍ ହେଡ୍‌ର । ମାନେ ଗୋଟିଏ ପଟେ ସୋନିଆ ଗାନ୍ଧିଙ୍କ ଜ୍ବାଇଁ ରବର୍ଟ ଭଦ୍ରା ଇଡିରେ ହାଜର ହୋଇଛନ୍ତି ଅନ୍ୟ ପଟେ ଚେୟାରରେ ବସିଛନ୍ତି ଇଷ୍ଟର୍ଣ୍ଣ ୟୁପି କମାଣ୍ଡର ତଥା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ।

କେନ୍ଦ୍ରୀୟ ଦିଲ୍ଲୀର ଜାମନଗର ଇଡି ଅଫିସରେ ହାଜର ହେଲେ ରବର୍ଟ ଭଦ୍ରା। ସାଥୀରେ ଅଛନ୍ତି ପତ୍ନୀ ପ୍ରିୟଙ୍କା ଗାନ୍ଧି ଭଦ୍ରା । ମନି ଲଣ୍ଡ୍ରିଙ୍ଗ୍ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ପ୍ରଶ୍ନର ଉତ୍ତର ଦେବା ପାଇଁ  ଭଦ୍ରାଙ୍କୁ ଡକାଯାଇଛି । ତିନିଟି ପର୍ଯ୍ୟାୟରେ ତାଙ୍କୁ ଜେରା କରିଛି ଇଡିର ୩ ଜଣିଆ ଟିମ୍ ।

  1. ପ୍ରଥମରେ ମନୋଜ ଅରୋରା, ସୁମିତ ଚଢା, ସଞ୍ଜୟ ଭଣ୍ଡାରୀ ଓ ସି, ଥମ୍ପିଙ୍କ ସହ ତାଙ୍କର ସମ୍ପର୍କକୁ ନେଇ ଘାଣ୍ଟିଥିଲା ଇଡି
  2. ସେହିପରି ଲଣ୍ଡନରେ ଥିବା ତାଙ୍କର ସମ୍ପତ୍ତି ନେଇ ଦ୍ବିତୀୟ ପର୍ଯ୍ୟାୟରେ ପଚରାଉଚୁରା ହୋଇଥିଲା
  3. ଶେଷରେ ପ୍ରତିରକ୍ଷା ଓ ପେଟ୍ରୋଲିୟମ ମନ୍ତ୍ରାଳୟର କେତେକ ମାମଲାରେ ମଧ୍ୟସ୍ଥି ଥିବା ନେଇ ଇଡି ଟିମ୍ ଭଦ୍ରାଙ୍କୁ ପ୍ରଶ୍ନ କରିଛି

୨୦୦୫ରୁ ୧୦ ମଧ୍ୟରେ  ଭଦ୍ରା ଏହି ସବୁ ମାମଲାରେ ସମ୍ପୃକ୍ତି ଥିବା ଅଭିଯୋଗ ହୋଇଛି । ଆଉ ଏପଟେ ମୌକା ଦେଖି ଚୌକା ମାରିବା ପରି ବେଳ ଦେଖି କଂଗ୍ରେସ ଉପରେ ହମଲା କରିଛି ବିଜେପି । କିଛି ତଥ୍ୟ ସହିତ ବର୍ଷିଥିଲେ ବିଜେପି ମୁଖପାତ୍ର ସମ୍ବିତ ପାତ୍ର।  ଯାହାର ଜବାବ ରଖିଛନ୍ତି ଭଦ୍ରାଙ୍କ ସହଯୋଗୀ ।

ଏପଟେ ଗତକାଲି ବୋର୍ଡ ଲାଗିବା ପରେ ଆଜି କଂଗ୍ରେସ ହେଡକ୍ବାର୍ଟରରେ ଦାୟିତ୍ବ ନେଇଛନ୍ତି ମହାସଚିବ ପ୍ରିୟଙ୍କା । ପାଖାପାଖି ଅଧଘଣ୍ଟା କାଳ ଅଫିସରେ ରହିବା ସହ କାର୍ଯ୍ୟକର୍ତ୍ତାଙ୍କ ସହ ଖୋଲାଖୋଲି ଆଲୋଚନା କରିଛନ୍ତି ଇଷ୍ଟର୍ଣ୍ଣ ୟୁପି କମାଣ୍ଡର । ସେହିପରି ପଶ୍ଚିମ ୟୁପି ପ୍ରଭାରୀ ଜ୍ୟୋତିରାଦିତ୍ୟ ସିନ୍ଧିଆ ମଧ୍ୟ ନେଇଛନ୍ତି ଦାୟିତ୍ବ।  ପୂର୍ବରୁ ଗତକାଲି ଭାଇ ରାହୁଲଙ୍କ ସହ ମଧ୍ୟ ବୈଠକ କରିଥିଲେ ପ୍ରିୟଙ୍କା । ଆଉ ପ୍ରିୟଙ୍କା ଚାର୍ଜ ନେବା ପରେ ଏ ହେଉଛି ଦଳୀୟ କର୍ମକର୍ତ୍ତାଙ୍କ ଜୋଶ ।

ଏପଟେ ଓଡ଼ିଶା ଗସ୍ତରେ ଆସି ଗର୍ଜିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ଆଉ ସେପଟେ ପ୍ରିୟଙ୍କା ଓ ରବର୍ଟ ଭଦ୍ରାଙ୍କ ଖବର । ମୋଟାମୋଟି ଗାନ୍ଧି ପରିବାରକୁ ନେଇ ହିଁ ଆଜି ଦୁଲଦୁଲ୍ ହୋଇଛି ପୂରା ଦେଶର ରାଜନୀତି । ବ୍ୟୁରୋ ରିପୋର୍ଟ, ନ୍ୟୁଜ୍ ସେଭେନ୍ ।

   Related Posts