ନୂଆଦିଲ୍ଲୀ ୨୮/୧୨ : କୃଷି ଆଇନକୁ ବିରୋଧ କରି ଚାଷୀମାନେ ଗତ ୩୩ ଦିନ ହେଲା ଦିଲ୍ଲୀ ସୀମାରେ ଆନ୍ଦାଳନ ଜାରି ରଖିଛନ୍ତି । ଏହାରି ମଧ୍ୟରେ କଂଗ୍ରେସ ନେତା ରାହୁଲ ଗାନ୍ଧି, ମୋଦି ସରକାରଙ୍କୁ ଟାର୍ଗେଟ କରିଛନ୍ତି । ବର୍ତ୍ତମାନ ବିଦେଶ ଗସ୍ତରେ ଥିବା ରାହୁଲ ଗାନ୍ଧି ଟ୍ବିଟ୍ କରି କହିଛନ୍ତି, ‘ଚାଷୀମାନଙ୍କ ଆତ୍ମନିର୍ଭର ବିନା ଦେଶ କେବେ ବି ଆତ୍ମନିର୍ଭର ହୋଇପାରିବ ନାହିଁ । ଚାଷୀ ବିରୋଧ ଆଇନ ଫେରାଇ ନିଅନ୍ତୁ । କୃଷକ ବଞ୍ଚାଅ, ଦେଶ ବଞ୍ଚାଅ’ ।
କୃଷି ଆଇନ ବିରୋଧରେ କଂଗ୍ରେସ ଖୋଲାଖୋଲି ଭାବେ ବିଦ୍ରୋହ ପ୍ରଦର୍ଶନ କରୁନଥିଲେ ମଧ୍ୟ କଂଗ୍ରେସ ନେତାମାନେ ଚାଷୀଙ୍କୁ ପୁରାପୁରି ଭାବେ ସମର୍ଥନ କରୁଛନ୍ତି । ରାହୁଲ ଗାନ୍ଧୀ ଚାଷୀମାନଙ୍କ ଉଦ୍ଦେଶ୍ୟ କୃଷି ଆଇନ ବିରୋଧରେ କରିଥିବା ଟ୍ବିଟ୍ରୁ ତାହା ସ୍ପଷ୍ଟ ଅନୁମାନ କରାଯାଉଛି ।
wp:embed {"url":"https://twitter.com/RahulGandhi/status/1343510271462002690?ref_src=twsrc%5Etfw%7Ctwcamp%5Etweetembed%7Ctwterm%5E1343510271462002690%7Ctwgr%5E%7Ctwcon%5Es1_\u0026ref_url=https%3A%2F%2Fwww.abplive.com%2Fnews%2Findia%2Frahul-gandhi-attacks-on-pm-modi-over-farmers-protest-and-farm-laws-1698360","type":"rich","providerNameSlug":"twitter","responsive":true,"className":""}କଂଗ୍ରେସ ନେତା ରାହୁଲ ଗାନ୍ଧି ଏବେ ବିଦେଶ ଗସ୍ତରେ ଅଛନ୍ତି । ତେବେ ରାହୁଲ ବର୍ତ୍ତମାନ ଇଟାଲୀର ମିଲାନ ଥିବା ନେଇ ଅନୁମାନ କରାଯାଉଛି । ତାଙ୍କ ବିଦେଶ ଗସ୍ତ ପରେ ଆରମ୍ଭ ହୋଇଥିବା ବିବାଦକୁ ନେଇ କଂଗ୍ରେସ ପ୍ରବକ୍ତା ରଣଦୀପ ସୁରଜେଓ୍ବାଲା କହିଛନ୍ତି, ରାହୁଲ ଗାନ୍ଧି ବ୍ୟକ୍ତିଗତ କାର୍ଯ୍ୟରେ ବିଦେଶ ଯାଇଛନ୍ତି ଏବଂ ସେ କିଛି ଦିନ ଯାଏ ବିଦେଶରେ ରହିବେ ।
ରାହୁଲ ଗାନ୍ଧିଙ୍କ ଆଈମା ଇଟାଲୀରେ ରୁହନ୍ତି । ପୂର୍ବରୁ ମଧ୍ୟ ରାହୁଲ ଗାନ୍ଧୀ ତାଙ୍କୁ ଭେଟିବା ପାଇଁ ଯାଇଥିଲେ । ଗୋଟେ ପଟେ ସୋମବାର କଂଗ୍ରେସ ତାର ୧୩୬ ତମ ପ୍ରତିଷ୍ଠା ଦିବସ ପାଳନ କରୁଥିବା ବେଳେ ରାହୁଲଙ୍କ ବିଦେଶ ଗସ୍ତକୁ ନେଇ ଚର୍ଚ୍ଚା ଜୋରଧରିଛି । ଦୀର୍ଘ ଦିନ ହେଲା ଜାତୀୟ ଦଳ କଂଗ୍ରେସ ମଧ୍ୟରେ ଅନ୍ତଃକନ୍ଦଳ ମଧ୍ୟ ଲାଗି ରହିଛି । ପ୍ରତିଷ୍ଠା ଦିବସରେ ରାହୁଲ ଗାନ୍ଧିଙ୍କ ବିଦେଶ ଗସ୍ତକୁ ଦଳର କିଛି ବରିଷ୍ଠ ନେତା ସହଜରେ ହଜମ କରିପାରିନାହାନ୍ତି ବୋଲି ଶୁଣିବାକୁ ମିଳୁଛି ।
