ନୂଆଦିଲ୍ଲୀ ୨୮।୦୧: ମୋଦି ସରକାରଙ୍କୁ ପୁଣି କଂଗ୍ରେସ ନେତା ରାହୁଲ ଗାନ୍ଧୀଙ୍କ ଟାର୍ଗେଟ । ଦେଶର ଅର୍ଥ ବ୍ୟବସ୍ଥା ନେଇ ଟାର୍ଗେଟ କରିଛନ୍ତି ରାହୁଲ ଗାନ୍ଧୀ । ବିଶ୍ୱର ସବୁଠାରୁ ଦ୍ରୁତ ଗତିରେ ବଢୁଥିବା ଅର୍ଥ ବ୍ୟବସ୍ଥା କିପରି ତଳ ସ୍ତରକୁ ଯାଇପାରେ, ତାହା ମୋଦି ସରକାରଙ୍କୁ ଶିଖିବା ଦରକାର ବୋଲି କଂଗ୍ରେସର ପୂର୍ବତନ ଅଧ୍ୟକ୍ଷ କହିଛନ୍ତି ।
ରାହୁଲ ଗାନ୍ଧୀ ଟ୍ୱିଟ୍ କରି କହିଛନ୍ତି ଯେ, ଭାରତ ବିଶ୍ୱରେ ସବୁଠାରୁ ଦ୍ରୁତଗତିରେ ବଢୁଥିବା ଅର୍ଥନୀତି । କିନ୍ତୁ ମୋଦି ସରକାରଙ୍କ ଖରାପ ନୀତି ଲାଗି ଆଜି ଅର୍ଥ ବ୍ୟବସ୍ଥା ଖରାପ ହୋଇଛି । ଦିନ ଦ୍ରୁତଗତିରେ ବଢୁଥିବା ଅର୍ଥନୀତି , ଆଜି ଦିନକୁ ଦିନ ତଳ ସ୍ତରକୁ ଯାଉଛି । ଦେଶର ଅର୍ଥ ବ୍ୟବସ୍ଥାକୁ ମୋଦି ସରକାର ଖରାପ କରିଦେଇଛନ୍ତି । ଅର୍ଥ ବ୍ୟବସ୍ଥା କିପରି କରିହେବ, ତାହା ମୋଦି ସରକାରଙ୍କ ଶିଖିବା ଦରକାର ବୋଲି ରାହୁଲ କହିଛନ୍ତି ।
wp:html/wp:htmlMr Modi’s governance is a lesson in how to ruin one of the world’s fastest growing economies.
— Rahul Gandhi (@RahulGandhi) January 28, 2021
ଏହାପୂର୍ବରୁ ମଧ୍ୟ ରାହୁଲ ଗାନ୍ଧୀ ମୋଦି ସରକାରଙ୍କୁ ଟାର୍ଗେଟ କରିଥିଲେ । ରାହୁଲ କହିଥିଲେ କି କିଛି ଜଣ ଉଦ୍ୟୋଗପତିଙ୍କୁ ସହଯୋଗ କରିବା ପାଇଁ ମୋଦି ଦେଶର ଅର୍ଥ ନୀତିକୁ ବର୍ବାଦ କରୁଛନ୍ତି । ମୋଦି ସରକାର କେବଳ ୩-୪ଲୋକଙ୍କୁ ସହଯୋଗ କରୁଛନ୍ତି । ଧନୀ ସମ୍ପତ୍ତି ଆହୁରୀ ବଢୁଛି । ଲକ୍ଡାଉନ୍ ସମୟରେ ଭାରତୀୟ ଧନୀଙ୍କ ସମ୍ପତ୍ତି ୩୫ ପ୍ରତିଶତ ବଢିଥିବା ନେଇ ତଥ୍ୟ ସାମ୍ନାକୁ ଆସିଥିଲା ।
ସୂଚନାଯୋଗ୍ୟ ଯେ, ସଂସଦର ବଜେଟ ଅଧିବେଶନ ଆରମ୍ଭ ହେଉଛି । ଦେଶରେ ଆଗାମୀ ୨୦୨୧-୨୨ ବର୍ଷ ପାଇଁ ସାଧାରଣ ବଜେଟ ସଂସଦରେ ଉପସ୍ଥାପିତ ହେବ । ଏହି ବଜେଟ ଅଧିବେଶନରେ ମୋଦି ସରକାରଙ୍କୁ ଘେରିବାକୁ କଂଗ୍ରେସ ରଣନୀତି ମଧ୍ୟ ପ୍ରସ୍ତୁତ କରିଛି ।
