Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ନିର୍ବାଚନ ପୂର୍ବରୁ ରାହୁଲ ଗାନ୍ଧୀଙ୍କ ମାଷ୍ଟରଷ୍ଟ୍ରୋକ : ଘୋଷଣା କଲେ ସର୍ବନିମ୍ନ ରୋଜଗାର ଯୋଜନା, ଗରିବଙ୍କୁ ମିଳିବ ବର୍ଷକୁ ୭୨ ହଜାର ଟଙ୍କା

25/03/2019 at 3:22 PM

ଦିଲ୍ଲୀ ୨୫/୩ : ଲୋକସଭା ନିର୍ବାଚନ ପୂର୍ବରୁ କଂଗ୍ରେସ ଦେଶର ୨୫ କୋଟି ଜନତାଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ମାଷ୍ଟର ଷ୍ଟ୍ରୋକ ଖେଳିଛି | କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ନିର୍ବାଚନ ଜିତିଲେ ୨୦ ପ୍ରତିଶତ ଗରିବଙ୍କ ପାଇଁ ସର୍ବନିମ୍ନ ରୋଜଗାର ଯୋଜନା ଆରମ୍ଭ କରିବେ ବୋଲି ଘୋଷଣା କରିଛନ୍ତି | କଂଗ୍ରେସ ଏହି ଯୋଜନାର ନାଁ ରଖିଛି ନ୍ୟାୟ (NYAY) |


ଚାଷୀ ରୁଣ ପରିଶୋଧ କରିବା ଘୋଷଣା ପରେ କଂଗ୍ରେସ ମଧ୍ୟପ୍ରଦେଶ, ରାଜସ୍ଥାନ ଏବଂ ଛତିଶଗଡ଼ରେ ବିଧାନସଭା ନିର୍ବାଚନ ଜିତିଥିଲେ | ସେଥିପାଇଁ ରାହୁଲ ଲୋକସଭା ନିର୍ବାଚନ ପୂର୍ବରୁ ନ୍ୟାୟ ଯୋଜନା ଘୋଷଣା କରିଛନ୍ତି |
ସର୍ବନିମ୍ନ ରୋଜଗାର ଯୋଜନା ଅନୁଯାୟୀ, ଯଦି କଂଗ୍ରେସ ବିଜୟୀ ହୁଏ ତାହେଲେ ପ୍ରତିମାସରେ କଂଗ୍ରେସ ସର୍ବନିମ୍ନ ୧୨ ହଜାର ଟଙ୍କା ଦେବ | ରାହୁଲ କହିଛନ୍ତି ଯେ, ମୋଦି ସରକାରଙ୍କ ୫ ବର୍ଷର ଶାସନକାଳରେ ଗରିବ ପରିବାର ଦୁଃଖରେ ଜୀବନଯାପନ କରିଛନ୍ତି | କିନ୍ତୁ ସେ ଜିତିଲେ ଗରିବଙ୍କ ଦୁଃଖ ଦୂର କରିବେ ବୋଲି କହିଛନ୍ତି | ସେ କହିଛନ୍ତି ଯେ, ଯଦି ଜଣେ କାମ କରୁଛି ତାହେଲେ ତାର ସର୍ବନିମ୍ନ ରୋଜଗାର ମାସକୁ ୧୨ ହଜାର ଟଙ୍କା ହେବ ଦରକାର | ଏହି ଯୋଜନା ଆରମ୍ଭ କରି ସର୍ବନିମ୍ନ ରୋଜଗାର ବଢାଇବା ପାଇଁ ଏକ ପ୍ରୟାସ ବୋଲି କହିଛନ୍ତି ରାହୁଲ | ଯାହାଫଳରେ ଗରିବୀରୁ ମୁକ୍ତି ମିଳିବ |


କଂଗ୍ରେସ ଦାବି କରି କହିଛି ଯେ, ଦେଶରେ ୨୦ ପ୍ରତିଶତ ଗରିବ ପରିବାରର ପ୍ରତ୍ୟେକ ବ୍ୟକ୍ତିଙ୍କୁ ପ୍ରତିବର୍ଷ ୭୨ ହଜାର ଟଙ୍କା ଦିଆଯିବ | ଏହି ଟଙ୍କା ସିଧାସଳଖ ତାଙ୍କ ବ୍ୟାଙ୍କ ଆକାଉଣ୍ଟକୁ ଯିବ |


ମୋଦିଙ୍କୁ ଟାର୍ଗେଟ କରି ରାହୁଲ କହିଥିଲେ ଯେ, ଯଦି ମୋଦି ଦେଶର ଧନୀ ଲୋକଙ୍କୁ ଟଙ୍କା ଦେଇପାରୁଛନ୍ତି ତାହେଲେ କଂଗ୍ରେସ ମଧ୍ୟ ଦେଶର ଗରିବଙ୍କୁ ଟଙ୍କା ଦେଇପାରିବ | ରାହୁଲଙ୍କ ଏହି ଯୋଜନା ବହୁତ ପ୍ରଭାବଶାଳୀ ସାବ୍ୟସ୍ତ ହେବ ବୋଲି କହିଛନ୍ତି ରାହୁଲ | ଅନେକ ଅର୍ଥଶାସ୍ତ୍ର ବିଶେଷଜ୍ଞଙ୍କ ସହ ବିଚାର ବିମର୍ଷ କରି ଏହି ଯୋଜନା ଘୋଷଣା କରାଯାଇଛି |

   Related Posts