ନୂଆଦିଲ୍ଲୀ ୦୪/୦୪ : କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଏବଂ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିଛନ୍ତି। କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଟାକ୍ଷ କରି କହିଛନ୍ତି ଯେ ଭାରତରେ କରୋନା ଉପରେ ପର୍ଯ୍ୟାପ୍ତ ତଦନ୍ତ କରାଯାଇ ନାହିଁ ଏବଂ ଏଭଳି ପରିସ୍ଥିତିରେ କରତାଳି ମାରିବା ଏବଂ ଦୀପ ଜାଳିବା ଦ୍ୱାରା ସମସ୍ୟାର ସମାଧାନ ହେବ ନାହିଁ। ବିଭିନ୍ନ ପ୍ରମୁଖ ଦେଶ ତଥା ଭାରତରେ କରୋନା ଅନୁସନ୍ଧାନର ଆକଳନକୁ ସଂଯୋଗ କରୁଥିବା ଏକ ଗ୍ରାଫ୍ ଅଂଶୀଦାର କରି ରାହୁଲ ଗାନ୍ଧୀ ଟ୍ୱିଟ କରି କହିଛନ୍ତି ଯେ କୋଭିଡ -୧୯ ସହ ଲଢ଼ିବା ପାଇଁ ଭାରତ ଯଥେଷ୍ଟ ଅନୁସନ୍ଧାନ କରୁନାହିଁ। ପ୍ରଧାନମନ୍ତ୍ରୀଙ୍କ ନାଁ ନନେଇ ସେ କହିଛନ୍ତି, ଲୋକମାନଙ୍କୁ କରତାଳି ମାରିବା ଏବଂ ଦୀପ ଜାଳିବା ଦ୍ୱାରା ସମସ୍ୟାର ସମାଧାନ ହୋଇପାରିବ ନାହିଁ।
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମାମଲାରେ ପଡ଼ିବାକୁ ଚାହୁଁ ନାହାନ୍ତି। ସେ କହିଥିଲେ, 'ବର୍ତ୍ତମାନ ମୁଁ ରାଜନୀତି କରିବି ନା କରୋନା ମହାମାରୀକୁ ବନ୍ଦ କରିବି'। ମମତା ବାନାର୍ଜୀ ଆହୁରି କହିଛନ୍ତି, ଆପଣ କାହିଁକି ରାଜନୈତିକ ଯୁଦ୍ଧ ଆରମ୍ଭ କରିବାକୁ ଚାହୁଁଛନ୍ତି ? ଏହି ପ୍ରସଙ୍ଗରେ ମମତା ବାନାର୍ଜୀ କହିଛନ୍ତି, "ପ୍ରଧାନମନ୍ତ୍ରୀ ମୋଦୀଙ୍କ କଥା ଯାହାକୁ ଠିକ ଲାଗୁଚି ସେ ଅନୁସରଣ କରନ୍ତୁ | ଯଦି ମୋତେ ଶୋଇବାକୁ ଇଛା ହେବ ମୁଁ ଶୋଇବି। ଏହା ସମ୍ପୂର୍ଣ୍ଣ ବ୍ୟକ୍ତିଗତ ଅଟେ।"
ପ୍ରଧାନମନ୍ତ୍ରୀ ମୋଦୀ କରୋନା ଭାଇରସ ସଂକ୍ରମଣ ବିରୋଧରେ ଲଢେଇରେ ଦେଶର' ସାମୂହିକ ଶକ୍ତି'ର ମହତ୍ୱ ଉପରେ ଆଲୋକପାତ କରି ଦେଶବାସୀଙ୍କୁ ଏପ୍ରିଲ ୫ ତାରିଖ ରବିବାର ଦିନ ନିଜ ଘରର ବାଲକୋନୀରେ ଠିଆ ହୋଇ ନଅ ମିନିଟ୍ ପାଇଁ ଦୀପ,ଟର୍ଚ୍ଚ, ଫ୍ଲାସ୍ ଲାଇଟ୍ କିମ୍ବା ମୋବାଇଲ୍ ଫ୍ଲାସ୍ ଲାଇଟ୍ ଜଳାଇବାକୁ କହିଥିଲେ।
ମହାରାଷ୍ଟ୍ର ସରକାରଙ୍କ ଶକ୍ତି ମନ୍ତ୍ରୀ ନିତିନ ରାଉତ ଭୟ କରିଛନ୍ତି ଯେ ସମସ୍ତ ଆଲୋକକୁ ଏକାସାଙ୍ଗରେ ନଅ ମିନିଟ୍ ଲିଭାଇବା ଦ୍ୱାରା ଅନେକ ରାଜ୍ୟର ଗ୍ରୀଡ୍ ଭାଙ୍ଗି ସମଗ୍ର ଦେଶରେ ଅନ୍ଧକାର ଛାଇଯାଇପରେ। ଶୁକ୍ରବାର ରାତିରେ ପ୍ରକାଶିତ ବିବୃତ୍ତିରେ ରାଉତ ଲୋକମାନଙ୍କୁ ନିବେଦନ କରିଛନ୍ତି ଯେ ଏହି ପରିସ୍ଥିତିକୁ ଏଡାଇବା ପାଇଁ ରବିବାର ଦିନ ଦୀପ ଜାଳିବାବେଳେ ଘରର ଆବଶ୍ୟକ ଆଲୋକ ଲିଭାନ୍ତୁ ନାହିଁ।
