Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||
  • ଭୁବନେଶ୍ବର : ବିନା ଛୁଞ୍ଚିରେ ଟିକା ନେବେ ଶିଶୁ, ଦୁଇଟି ଡୋଜ୍ ନେବା ପାଇଁ ପରାମର୍ଶ
  • ||
  • ଅନୁଗୋଳ : ପ୍ରାତଃ ଭ୍ରମଣରେ ଯାଇଥିବା ବେଳେ ପଡିଗଲେ ହାତୀ ହାବୁଡରେ, ଚାଲିଗଲା ଜୀବନ
  • ||

ବ୍ରିସବେନ୍ ବିଜୟ ପଛରେ ‘ଦି ଓ୍ୱାଲ’ ଫର୍ମୁଲା, ମଜବୁତ ଭାରତୀୟ ଦଳ ପଛରେ କିଏ ସେହି କୋଚ୍ ?

21/01/2021 at 10:42 AM

ନୂଆଦିଲ୍ଲୀ, ୨୧|୦୧:  ଭାରତ ଗାବା ଷ୍ଟାଡିୟମରେ ଅଷ୍ଟ୍ରେଲିଆକୁ ୩ ଓ୍ୱିକେଟରେ ପରାସ୍ତ କରି ବର୍ଡର-ଗାଭାସ୍କର ଟ୍ରଫିକୁ ନିଜ ନାମରେ କରିଛି । ଏହାସହ ଭାରତ ୨-୧ରେ ସିରିଜ ଜିତିବା ସହ ଅଷ୍ଟ୍ରେଲିଆରେ ଇତିହାସ ରଚିଛି । ଅଷ୍ଟ୍ରେଲିଆ ଗାବାରେ ୩୨ ବର୍ଷ ପରେ ପରାଜୟର ସ୍ୱାଦ ଚାଖିଛି । ଦଳରେ ଅନେକ ବରିଷ୍ଠ ଖେଳାଳି ଅନୁପସ୍ଥିତ ଥିଲେ । ତେବେ କେବଳ ଯୁବ ଖେଳାଳିଙ୍କ ପାଇଁ ଭାରତ ଏହି ସିରିଜ ଉପରେ କବଜା କରିଛି । ତେବେ ବିଜୟର ଶ୍ରେୟ ଅନେକ ଦଳର ପୂର୍ବତନ ଅଧିନାୟକ ରାହୁଲ ଦ୍ରାବିଡଙ୍କୁ ଦେଉଛନ୍ତି ।

ଦଳର ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିବା ଓ୍ୱାଶିଂଟନ ସୁନ୍ଦର ଓ ଋଶଭ ପନ୍ତ ଦ୍ରାବିଡଙ୍କ ପରାମର୍ଶରେ ହିଁ ଅଭ୍ୟାସ କରିଥାନ୍ତି । ସେମାନଙ୍କ କୋଚିଂ ଦାୟିତ୍ୱ ଦ୍ରାବିଡଙ୍କ ହାତରେ ରହିଥିଲା । ସେହିପରି ଶୁଭମନ ଗିଲ୍ ଓ ପୃଥ୍ୱୀ ଶ ମଧ୍ୟ ରାହୁଲଙ୍କ ଦ୍ୱିତୀୟ ବ୍ୟାଚର ଖେଳାଳି । କାରଣ ଗତ ୬ ବର୍ଷ ହେବ ରାହୁଲ ଅଣ୍ଡର-୧୯ ଓ ଇଣ୍ଡିଆ-ଏ ଖେଳାଳିଙ୍କ ପ୍ରଶିକ୍ଷକ ଦାୟିତ୍ୱ ତୁଲାଉଛନ୍ତି । ଏହାସହ ଜାତୀୟ କ୍ରିକେଟ ଆକାଡେମୀର ନିର୍ଦ୍ଦେଶକ ମଧ୍ୟ ଦ୍ରାବିଡ ରହିଛନ୍ତି ।

ଦ୍ରାବିଡଙ୍କ ବ୍ୟାଟିଂ ଶୈଳୀ ସ୍ୱତନ୍ତ୍ର । ସେ ଖେଳାଳିଙ୍କୁ ଠିକ ଭାବେ ପରଖିବା ସହ ଦୁର୍ବଳତାକୁ ବୁଝିଥାନ୍ତି । କଣ କଲେ ଜଣେ ଖେଳାଳି ଭଲ ପ୍ରଦର୍ଶନ କରିବ ତାହା ଦ୍ରାବିଡଙ୍କୁ ଭଲ ଭାବେ ଜଣା । ଏନସିଏରେ ଅଣ୍ଡର-୧୯ ଓ ଇଣ୍ଡିଆ-ଏର ଅନୁବନ୍ଧିତ ପ୍ରାୟ ୩୦ ଖେଳାଳିଙ୍କୁ ପ୍ରଶିକ୍ଷଣ ଦିଆଯାଏ । ସମସ୍ତ ଖେଳାଳିଙ୍କ ଦକ୍ଷତା ଆଧାରରେ ଟ୍ରେନିଂ ଦିଆଯାଏ । କେଉଁ ଆଙ୍ଗେଲରେ ବ୍ୟାଟିଂ କରିହେବ, ବଲର ଗତିକୁ କିପରି ଦିଗ ଦିଆଯିବ ତାହା ଏଠାରେ ଶିଖାଯାଏ । ମହମ୍ମଦ ସିରାଜ ଓ ମୟଙ୍କ ଅଗ୍ରଓ୍ୱାଲଙ୍କ ଭଳି ଖେଳାଲି ଏଠାରୁ ତାୱିମ ନେଇ ଭାରତ-ଏ ରେ ସ୍ଥାନ ପକ୍କା କରିଛନ୍ତି ।

ଭାରତୀୟ ଦଳର ପୂର୍ବତନ ଚୟନକର୍ତ୍ତା ଦେବଙ୍ଗ ଗାନ୍ଧୀ କହିଛନ୍ତି ଯେ, ଘରୋଇ କ୍ରିକେଟରେ ଭଲ ଖେଳୁଥିବା ଖେଳାଳିଙ୍କୁ ତାମିଲ ଦିଆଯାଏ। ପରେ ଭାରତୀୟ ଦଳରେ ସେମାନଙ୍କ ଶ୍ରେଷ୍ଠତା ଅନୁସାରେ ସ୍ଥାନ ମିଳେ । କାହାକୁ ସ୍ଥାନ ମିଳିବ ତାହା ଚୟନକର୍ତ୍ତାଙ୍କ କାମ । ଚୟନକର୍ତ୍ତାଙ୍କ ନିଷ୍ପତ୍ତିକୁ ସମ୍ମାନ ଜଣାଇବା ଆବଶ୍ୟକ ।

ଅଷ୍ଟ୍ରେଲିଆରେ ଖେଳାଳିମାନେ ଯେପରି ପ୍ରଦର୍ଶନ କଲେ ତାହା ପଛରେ ବିସିସିଆଇ, ଚୟନକର୍ତ୍ତା ଓ ଏନସିଏର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଏବେ ଅଧିକରୁ ଅଧିକ ଖେଳାଳିଙ୍କୁ ଏନସିଏରୁ ତାଲିମ ଦିଆଯିବ ବୋଲି ନିଷ୍ପତ୍ତି ନିଆଯାଉଛି । ଏହି ତିନି ଜଣଙ୍କ ମଧ୍ୟରେ ରାହୁଲ ଦ୍ରାବିଡ ହିଁ ଯୋଗସୂତ୍ର ରକ୍ଷା କରିଥାନ୍ତି ।

   Related Posts