ନୂଆଦିଲ୍ଲୀ ୨୯/୦୪ : ଭାରତର ଅନ୍ୟତମ ସଫଳ ଉଦ୍ୟୋଗୀ ରାହୁଲ ବଜାଜ ନିଜ ପଦରୁ ଇସ୍ତଫା ଦେଇଛନ୍ତି । ଦୀର୍ଘ ଦିନ ଧରି ବଜାଜ ଇଣ୍ଡଷ୍ଟ୍ରିର ଅଣ-କାର୍ଯ୍ୟନିର୍ବାହୀ ନିର୍ଦ୍ଦେଶକ ଭାବେ କାର୍ଯ୍ୟଭାର ସମ୍ଭାଳିଥିବା ରାହୁଲ ବଜାଜ ଗୁରୁବାର ନିଜ ପଦରୁ ଇସ୍ତଫା ଦେଇଥିବା ସୂଚନା ମିଳିଛି । ବୟସାଧିକ କାରଣରୁ ସେ ଇସ୍ତଫା ଦେଇଥିବା କହିଛନ୍ତି । ଏପ୍ରିଲ ୩୦ ତାରିଖରେ ତାଙ୍କର କାର୍ଯ୍ୟକାଳ ଶେଷ ହେବ ।
{"width":829,"height":1008}ରାହୁଲ ବଜାଜଙ୍କ ପରେ ବଜାଜ କମ୍ପାନୀର ନୂଆ ଅଣ-କାର୍ଯ୍ୟନିର୍ବାହୀ ନିର୍ଦ୍ଦେଶକ ଭାବେ ନୀରଜ ବଜାଜ ଦାୟିତ୍ବଭାର ସମ୍ଭାଳିବେ । ଆସନ୍ତା ମେ ୧ ତାରିଖରୁ ନୀରଜ ବଜାଜ ଏହି ଦାୟିତ୍ବରେ ରହିବେ । ୧୯୭୨ ମସିହାରେ ଅନବରତ ଭାବେ ୫୦ ବର୍ଷ ଧରି ରାହୁଲ ବଜାଜ କମ୍ପାନୀର ସର୍ବେସର୍ବା ଥିଲେ । ବହୁ ଘାତ ପ୍ରତିଘାତ ମଧ୍ୟରେ ଦୀର୍ଘଦିନ ଧରି ସେ ବଜାଜ ଗ୍ରୁପ୍ର ସମସ୍ତ କାର୍ଯ୍ୟଭାର ସମ୍ଭାଳି ଆସୁଥିଲେ ।
ରାହୁଲ ବଜାଜଙ୍କ ଅଭିଜ୍ଞତା, ଜ୍ଞାନ ତଥା ସହନଶୀଳତା କମ୍ପାନୀକୁ ଆଗକୁ ବଢିବାରେ ବେଶ ସହାୟକ ହେବ । ଏହା ସହିତ ରାହୁଲ ବଜାଜ କମ୍ପାନୀ ପାଇଁ ଯେଉଁ ଜଡ ତିଆରି କରିଛନ୍ତି ତାହା ନିଶ୍ଚିତ ଭାବେ କର୍ମଚାରୀ ତଥା କମ୍ପାନୀ ପାଇଁ ସକାରାତ୍ମକ ଫଳ ଆଣିବ ବୋଲି ବୋର୍ଡ ଡାଇରେକ୍ଟର ବୈଠକରେ କୁହାଯାଇଛି ।