Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଶୁଟିଂ ବିଶ୍ବକପ୍‌ରେ ସ୍ବର୍ଣ୍ଣ ପଦକ ଜିଣିଲେ ଭାରତୀୟ ଶୁଟର ରାହି ସରନୋବତ, ନିରାଶ ହେଲେ ମନୁ: ୪ ମେଡାଲ୍‌ ସହ ଷଷ୍ଠ ସ୍ଥାନରେ ଭାରତ

28/06/2021 at 7:04 PM

ନୂଆଦିଲ୍ଳୀ ୨୮/୬: ଅଲିମ୍ପିକ୍‌ ପୂର୍ବରୁ ଭାରତୀୟ ଶୁଟିଂ ପାଇଁ ଭଲ ଖବର ମିଳିଛି। କ୍ରୋଏସିଆରେ ଆୟୋଜିତ ଶୁଟିଂ ବିଶ୍ବକପ୍‌ରେ ୨୫ ମିଟର ସ୍ପୋର୍ଟସ୍‌ ପିସ୍ତଲରେ ଭାରତୀୟ ଶୁଟର ରାହି ସରନୋବତ ମହିଳା ବର୍ଗରେ ପ୍ରଥମ ସ୍ବର୍ଣ୍ଣ ପଦକ ହାସଲ କରିଛନ୍ତି। କିନ୍ତୁ ମନୁ ଭାକର ସପ୍ତମ ସ୍ଥାନରେ ରହିଯାଇଛନ୍ତି। ଓ୍ବାର୍ଲଡ୍‌ କପ୍‌ରେ ରାହିଙ୍କର ଏହା ଦ୍ବିତୀୟ ମେଡାଲ।  ଏହା ପୂର୍ବରୁ ସେ ୧୦ ମିଟର ଏୟାର ପିସ୍ତଲ ମହଳା ବର୍ଗରେ ବ୍ରୋଞ୍ଜ ମେଡାଲ୍‌ ଜିଣିଥିଲେ।

ରାହି ୨୫ ମିଟର ସ୍ପୋର୍ଟସ୍‌ ଫାଇନାଲ୍‌ରେ ୩୯ ପଏଣ୍ଟ ପାଇଥିବା ବେଳେ ବିଶ୍ବ ରେକର୍ଡ କରିବାକୁ ଗୋଟିଏ ପଏଣ୍ଟ ପଛରେ ରହିଗଲେ। ରୌପ୍ୟ ପଦକରେ ସନ୍ତୁଷ୍ଟ ହୋଇଥିବା ନିଜର ପ୍ରତିଦ୍ବନ୍ଦୀଙ୍କଠୁ ସେ ୮ ପଏଣ୍ଟ ଆଗରେ ଅଛନ୍ତି। ଭାରତ  ଟୁର୍ଣ୍ଣାମେଣ୍ଟରେ ଗୋଟିଏ ଗୋଲ୍ଡ, ଏକ ସିଲଭର ଏବଂ ଦୁଇଟି ବ୍ରୋଞ୍ଜ ମେଡାଲ୍‌ ସହ ଷଷ୍ଠ ସ୍ଥାନରେ ପହଞ୍ଚିଥିବା ବେଳେ ୪ ସ୍ବର୍ଣ୍ଣ, ୪ ରୌପ୍ୟ ଏବଂ ୨ ବ୍ରୋଞ୍ଜ ପଦକ ସହ ଋଷ ଶୀର୍ଷରେ ରହିଛି।

କ୍ବାଲିଫାଇଙ୍ଗ ମ୍ୟାଚ୍‌ରେ ୫୯୧ ଅଙ୍କ ସହ ରାହି ଦ୍ବିତୀୟ ଏବଂ ମନୁ ତୃତୀୟରେ ରହିଥିଲେ। କିନ୍ତୁ ଫାଇନାଲ୍‌ରେ ମନୁ ଭଲ ପ୍ରଦର୍ଶନ କରିପାରିନଥିଲେ। ଅନ୍ୟପଟେ ରବିବାର ଦିନ ୫୦ ମିଟର ରାଇଫଲ୍‌ ଥ୍ରୀ ପୋଜିସନ୍‌ରେ ଶୁଟର ସଞ୍ଜୀବ ରାଜପୁତ ଏବଂ ବିଶ୍ବର ନମ୍ବର ଓ୍ବାନ୍‌ ଐଶ୍ବର୍ଯ୍ୟପ୍ରତାପ ସିଂହ ତୋମାର ମେଡାଲ ଜିତିପାରିନଥିଲେ। ଫାଇନାଲ୍‌ରେ ସ୍ଥାନ ପାଇଥିଲେ ହେଁ ତୋମାର ଷଷ୍ଠ ସ୍ଥାନରେ ରହିଯାଇଥିଲେ। ସେ ଦିଲ୍ଲୀରେ ଆୟୋଜିତ ହୋଇଥିବା ଶୁଟିଂ ବିଶ୍ବକପ୍‌ରେ ଗୋଲ୍ଡ ମେଡାଲ୍‌ ଜିତିଥିଲେ।

ଏହା ସହ ୧୦ ମିଟର ଏୟାର ପିସ୍ତଲ ମିକ୍ସଡ୍‌ ଇଭେଣ୍ଟରେ ମନୁ ଭାକର ଏବଂ ସୌରଭ ଚୌଧୁରୀ ଭାରତ ପାଇଁ ସିଲଭର ମେଡାଲ ଜିଣିଛନ୍ତି । ଏହା ପୂର୍ବରୁ ୧୦ ମିଟର ଏୟାର ପିସ୍ତଲରେ ଟିମ୍‌ ଇଭେଣ୍ଟରେ ବ୍ରୋଞ୍ଜ ଜିତିଛି ଭାରତ।

   Related Posts