Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||
  • ଢେଙ୍କାନାଳ : ସଡ଼କ ଦୁର୍ଘଟଣାରେ ଜଣେ ମୃତ, ଜଣେ ଗୁରୁତର
  • ||

ଟେଷ୍ଟ ଅଧିନାୟକ କାହାକୁ କରାଯିବା ଉଚିତ୍, ତାଙ୍କୁ ନା କୋହଲିଙ୍କୁ ? ଉତ୍ତରରେ ଏହା କହିଲେ ଆଜିଙ୍କ୍ୟ ରାହାଣେ

24/01/2021 at 5:47 PM

ନୂଆଦିଲ୍ଲୀ ୨୪।୦୧: ଅଷ୍ଟ୍ରେଲିଆରେ ଭାରତୀୟ ଦଳକୁ ୨-୧ରେ ଟେଷ୍ଟ ସିରିଜ୍ ଜିତାଇଥିବା ଆଜିଙ୍କ୍ୟ ରାହାଣେଙ୍କ ଅଧିନାୟକତ୍ଵକୁ ସବୁ ସ୍ତରରେ ପ୍ରଶଂସା କରାଯାଉଛି। ଆଡିଲେଡ୍‌ରେ ଖେଳା ଯାଇଥିବା ଦ୍ଵିତୀୟ ଟେଷ୍ଟରେ ଭାରତ ୩୬ ରନରେ ଅଲଆଉଟ୍ ହୋଇ ଶୋଚନୀୟ ପରାଜୟ ଭୋଗିବା ପରେ ଦଳ ମେଲବୋର୍ଣ୍ଣ ଟେଷ୍ଟ  ଜିତି ସିରିଜ୍‌କୁ ଦମଦାର ପ୍ରତ୍ୟାବର୍ତ୍ତନ କରିଥିଲା। ଏହା ପରେ ଯାହା ଘଟିଲା ତାହା ଇତିହାସରେ ଲିପିବଦ୍ଧ ହୋଇ ଯାଇଛି।

ବିରାଟ କୋହଲି ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ୍  ମଝିରେ ପିତୃତ୍ଵ ଅବକାଶରେ ସ୍ଵଦେଶ ଫେରି ଆସିଥିଲେ। ମାତ୍ର କୋହଲିଙ୍କ ସ୍ଥାନରେ ଅଧିନାୟକ ହୋଇଥିବା ଆଜିଙ୍କ୍ୟ ରାହାଣେ ଅଷ୍ଟ୍ରେଲିଆର ମାଇଣ୍ଡ ଗେମ୍‌କୁ ପାର କରି ଦଳକୁ ପୁଣି ଥରେ ଛିଡା କରାଇଥିଲେ। ଦଳ ରାହାଣେଙ୍କ ନେତୃତ୍ଵରେ ମେଲବୋର୍ଣ୍ଣରେ ଜବରଦସ୍ତ ପ୍ରତ୍ୟାବର୍ତ୍ତନ କରିଥିଲା। ଉକ୍ତ ଟେଷ୍ଟରେ ରାହାଣେ ଦମଦାର ଶତକ ଅର୍ଜନ କରି କଙ୍ଗାରୁକୁ ୮ ଓ୍ଵିକେଟ୍‌ରେ ପରାସ୍ତ କରିଥିଲେ।

ଭାରତ ଓ ବିଦେଶର ଅନେକ ପୂର୍ବତନ କ୍ରିକେଟ୍‌ର ଆଜିଙ୍କ୍ୟ ରାହାଣେଙ୍କ ଅଧିନାୟକତ୍ଵକୁ ପ୍ରଶଂସା କରିବା ସହିତ ବିରାଟଙ୍କ ସ୍ଥାନରେ ତାଙ୍କୁ ସ୍ଥାୟୀ ଭାବେ ଟେଷ୍ଟ ଦଳର ଅଧିନାୟକ କରିବାକୁ ଦାବି କରିଛନ୍ତି। ହେଲେ ରାହାଣେଙ୍କ ରାୟ ସଂପୂର୍ଣ୍ଣ ଓଲଟା ରହିଛି। ରାହାଣେଙ୍କ ମତରେ ଅଧିନାୟକତ୍ଵ ନେଇ ତାଙ୍କର ଏବଂ କୋହଲିଙ୍କ ମଧ୍ୟରେ କୌଣସି ପ୍ରତିଦ୍ଵନ୍ଦ୍ଵିତା ନାହିଁ।

ରାହାଣେ କହିଛନ୍ତି, ଟେଷ୍ଟରେ ଅଧିନାୟକତ୍ଵ ନେଇ ମୋର ଏବଂ ବିରାଟ କୋହଲିଙ୍କ ମଧ୍ୟରେ କୌଣସି ମୁକାବିଲା ନାହିଁ। ଯେବେ ବିରାଟ ଦଳର ନେତୃତ୍ଵ ନିଅନ୍ତି, ତାଙ୍କର ଗୋଟିଏ ଉଦ୍ଦେଶ୍ୟ ଥାଏ ଦଳକୁ କିପରି ମ୍ୟାଚ୍ ଜିତାଇବା। ଯେବେ ମୁଁ ଅଧିନାୟକ ହେଲି ତେବେ ମୁଁ ମଧ୍ୟ ସେମିତି କଲି ଯାହା କୋହଲି ଅଧିନାୟକ ହିସାବରେ କରନ୍ତି।

ଆଜିଙ୍କ୍ୟ ରାହାଣେ କହିଛନ୍ତି, ଆମେ ଦୁଇ ଜଣ କେବଳ ଦଳକୁ ବିଜୟୀ କରାଇବାକୁ ଚାହୁଁ। ସେ ଅଧିନାୟକ ଯିଏ ହେଉ ନା କାହିଁକି। ଏମିତିରେ ଅଧିନାୟକ ନେଇ ଆମ ଦୁହିଁଙ୍କ ମଧ୍ୟରେ କୌଣସି ପ୍ରତିଯୋଗିତା ନାହିଁ। ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍‌ରେ କୋହଲି ପୁଣି ଥରେ ଦଳର ମଙ୍ଗ ସମ୍ଭାଳିବେ ଏବଂ ମୁଁ ଉପ ଅଧିନାୟକ ଦାୟିତ୍ଵ ତୁଲାଇବି। ଏହି ପରି ସମସ୍ତେ ଚାହାନ୍ତି ଯେ ଭାରତୀୟ ଦଳକୁ ବିଜୟ ମିଳୁ, ସେ ଅଧିନାୟକ ଯିଏ ହୁଅନ୍ତୁ ନା କାହିଁକି।

   Related Posts