Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ରାଫେଲ କାଗଜପତ୍ର ଚୋରୀ ପ୍ରସଂଗ: ଚୋରି ନେଇ ଏତଲା ଦିଆଯାଇନଥିଲା କାହିଁକି?

7/03/2019 at 8:14 PM

ନୂଆଦିଲ୍ଲୀ୭|୩: ପ୍ରତିରକ୍ଷା ମନ୍ତ୍ରଣାଳୟରୁ ଚୋରି ହୋଇଯାଉଛି ଫାଇଲ୍ । ଅକଳରେ ପଡିଛନ୍ତି ଭାରତ ସରକାର ।  ରାଫେଲ ବିମାନ ସମ୍ପର୍କିତ ଫାଇଲ କେମିତି ଚୋରି ହେଲା । ତାର ସଠିକ୍ ଉତ୍ତର ସରକାରଙ୍କ ପାଖରେ ନାହିଁ । କିନ୍ତୁ କଂଗ୍ରେସ ପୁଣି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଉପରେ କଲାଣି ରାଫେଲ ଆଟାକ ।  କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ନିଶାନାରେ ଅଛନ୍ତି ପ୍ରଧାନମନ୍ତ୍ରୀ ମୋଦି । ମୋଦିଙ୍କ ଜରିଆରେ ବାଏପାସ୍‌ ସର୍ଜରୀ ହୋଇଛି ।  ୩୦ ହଜାର କୋଟିର ଘୋଟାଲା ହୋଇଛି ବୋଲି ଆଜି ପୁଣି ଥରେ ସଙ୍ଗିନ ଅଭିଯୋଗ ଆଣିଛନ୍ତି ରାହୁଲ୍ । ଖାଲି ସେତିକି ନୁହେଁ , କାହିଁକି ପି ଏ ସି ଆଗରେ ରାଫେଲ ଚୁକ୍ତି ବାବଦୀୟ ତଥ୍ୟ ରଖିଲେ ନାହିଁ ସରକାର ।

ଯେଉଁ ରାଫେଲ ଡିଲକୁ ନେଇ ମୋଦି ସରକାର ତଥ୍ୟ ଦେବାକୁ ନାରାଜ୍ , ତାହାର ଡକ୍ୟୁମେଣ୍ଟ ଚୋରି ହୋଇଗଲା କିପରି । ସେପଟେ ସରକାର ବି କହୁଛନ୍ତି ଚୋରି ହୋଇଥିବା ଡକ୍ୟୁମେଣ୍ଟ ମିଡିଆକୁ ଆସିଲା କେମିତି । ଏହି ଚୋରି ପଛରେ କେଉଁମାନେ । ଚୋରି ନେଇ ଏତଲା ଦିଆଯାଇନଥିଲା କାହିଁକି ।  କିଛି ଦିନ ରାଫେଲଙ୍କୁ ନେଇ ପ୍ରଧାନମନ୍ତ୍ରୀଙ୍କ ବୟାନ ଏକ ନୂଆ ରାଫେଲ ବିବାଦ ସୃଷ୍ଟି କରିଥିଲା ।  ଆଜି ଯଦି ବାୟୁସେନାରେ ରାଫେଲ ଥାଆନ୍ତା ତାହେଲେ ଏୟାର ଷ୍ଟ୍ରାଇକର ଫର୍ମୁଲା ଅଲଗା ହୋଇଥାନ୍ତା ବୋଲି କହିଥିଲେ ପ୍ରଧାନମନ୍ତ୍ରୀ ମୋଦି । ଯାହାକୁ ନେଇ ହୋଇଥିଲା ବେଶ୍‌ ତମ୍ବି ତୁଫାନ ।

 ୫ ବର୍ଷ ଶାସନରେ କାହିଁକି ଗୋଟିଏ ରାଫେଲ ଆଣିଲନି ବୋଲି ବିରୋଧୀ ପ୍ରଶ୍ନ କରିଥିଲେ । ଏ ବିବାଦନ ନ ଦବୁଣୁ।   ଏବେ ଫାଇଲ୍‌ ଚୋରି ରାଜନୀତିରେ ନୂଆ ଟ୍ବିଷ୍ଟ ସୃଷ୍ଟି କରିଛି ।  ରାଫେଲ୍‌ ପୁଣି ନିର୍ବାଚନୀ ମୈଦାନରେ ମୁଦ୍ଦା ହେବାକୁ ଯାଉଛି  ।  ଯାହାକୁ ନେଇ କଂଗ୍ରେସ ବିଜେପିକୁ ଘେରିବାକୁ ଯାଉଛି । ସେପଟେ ରାହୁଲଙ୍କୁ ବାରମ୍ବାର ମିଛୁଆ କହିଆସୁଥିବା ବିଜେପି ଏବେ ଫାଇଲ ଗାୟବ ପ୍ରସଙ୍ଗରେ ସ୍ପଷ୍ଟ ଉତ୍ତର ଦେଇନାହିଁ ।

ପ୍ରଶ୍ନ ଏବେ କଣ ରାଫେଲ ଦେଶର ସୁରକ୍ଷାର ଆବଶ୍ୟକତା ନା ନିର୍ବାଚନର ଆବଶ୍ୟକତା। କଂଗ୍ରେସକୁ ଯେଉଁ ବୋଫୋର୍ସର ବଦନାମି ମଣ୍ତାଇବାକୁ ପଡିଥିଲା , ଆଗକୁ ବିଜେପି ସେଭଳି ଦଶା ଭୋଗିବନାହିଁ ତ.ଏମିତି ଅନେକ ପ୍ରସଙ୍ଗ ଏବେ ଯୋଡି ହୋଇ ଯାଇଛି ରାଫେଲ ଡିଲ୍ ସହିତ । କେବଳ ଦେଖିବାର କଥା ନିର୍ବାଚନ ଆଗରୁ ରାଫେଲ, ବିଜେପିକୁ ଲାଭରେ ରଖୁଛି, ନା ଦଳୀୟ ନେତାଙ୍କର ମୁଣ୍ତ ବିନ୍ଧା ବଢାଇଦେବ ରାଫେଲ ବିମାନ।   

   Related Posts