Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

ଆସୁଛି ‘ରାଫେଲ୍’‌ : ପ୍ରଥମ ପର୍ଯ୍ୟାୟରେ ପହଞ୍ଚିବ ୫ ଯୁଦ୍ଧ ବିମାନ, ସ୍ବାଗତ କରିବେ ବାୟୁସେନା ମୁଖ୍ୟ

29/07/2020 at 8:17 AM

ନୂଆଦିଲ୍ଲୀ ୨୯।୦୭: ଆଉ କିଛି ସମୟ ପରେ ଭାରତରେ ପହଞ୍ଚିବ ବହୁ ପ୍ରତିକ୍ଷୀତ ରାଫେଲ ଯୁଦ୍ଧ ବିମାନ ।  ଅମ୍ବାଲା ଏୟାର ବେସ୍ ରେ ୫ ରାଫେଲ ବିମାନ ଅବତରଣ କରିବ।  ସ୍ବାଗତ କରିବା ଲାଗି ସେଠାରେ ବାୟୁସେନା ମୁଖ୍ୟ ଆରକେ ଏସ ଭାଦୌରିଆଙ୍କ ସହ  ବରିଷ୍ଠ ଅଧିକାରୀ ମାନେ ପହଞ୍ଚିବାରେ  ଲାଗିଛନ୍ତି । ସୁରକ୍ଷା ଦୁଷ୍ଟିରୁ ଅମ୍ବାଲାରେ  ୧୪୪ଧାରା  ଜାରି କରାଯାଇଛି  ।

ଫ୍ରାନ୍‌ସରୁ  ଭାରତ ଆସିବା ବାଟରେ ସଂଯୁକ୍ତ ଆରବ ଏମିରେଟସରେ  ଆକାଶରେ ହିଁ ଇନ୍ଧନ ଭର୍ତ୍ତି କରାଯାଇଥିଲା। ୩୦ ହଜାର ଫୁଟ ଉଚ୍ଚତାରେ ରାଫେଲରେ ଇନ୍ଧନ ଭର୍ତ୍ତି କରାଯାଇଥିଲା।  ଫ୍ରାନ୍ସର  ମେରିଗ୍ ନାକ୍ ବିମାନ ଘାଟିରୁ ୫ଟି ରାଫେଲ ବିମାନ ସୋମବାର ଭାରତ ଅଭିମୁଖେ ଉଡ଼ାଣ ଆରମ୍ଭ କରିଥିଲେ।  ଦୀର୍ଘ ପ୍ରାୟ ୭୦୦୦ କିମି ପଥ ଅତିକ୍ରମ କରି ଏହି ୫ ବିମାନ ଭାରତରେ ପହଞ୍ଚିବ ।  ୭ ଘଣ୍ଟା ଯାତ୍ରା କରିବା ପରେ ସଂଯୁକ୍ତ ଆରବର ଅଲ୍  ଧଫାରା ବାୟୁସେନା ଘାଟିରେ ଏସବୁ ବିମାନ ଅଟକିଥିଲା ।  ପାଇଲଟମାନେ ସାଧାରଣ ବିଶ୍ରାମ ନେବା ପରେ ଯାତ୍ରା ଆରମ୍ଭ କରିବେ।   ଭାରତୀୟ ବାୟୁସେନାର ପାଇଲଟମାନେ ଏହି ଲଢ଼ୁଆ ବିମାନ ଭାରତକୁ ଉଡ଼ାଣ କରି ଆଣୁଛନ୍ତି।

ପ୍ରଥମ ପର୍ଯ୍ୟାୟରେ ଫ୍ରାନ୍ସର ଡାସଲ୍ଟ କମ୍ପାନି ଭାରତକୁ ୫ଟି ରାଫେଲ ପ୍ରଦାନ କରିଛି। ଫ୍ରାନ୍ସଠାରୁ ଭାରତ ୩୬ଟି ରାଫେଲ୍ ବିମାନ କିଣିବ । ଏଥିପାଇଁ ଭାରତକୁ ୫୯ ହଜାର କୋଟି ଟଙ୍କା ବ୍ୟୟ କରିବାକୁ ପଡ଼ିବ। ୩୬ଟି ରାଫେଲର ହସ୍ତାନ୍ତର କାର୍ଯ୍ୟ ୨୦୨୧ ଶେଷ ସୁଦ୍ଧା ଶେଷ ହେବ ବୋଲି ଆଶା ରଖାଯାଇଛି। ଆସନ୍ତା ମାସ ଦ୍ବିତୀୟାର୍ଦ୍ଧରେ ବାୟୁସେନାରେ ରାଫେଲ ସାମିଲ ହେବ । ଭାରତୀୟ ବାୟୁସେନାର ମନୋବଳ ବଢ଼ାଇବାରେ ଏହି ଯୁଦ୍ଧ ବିମାନ ଯଥେଷ୍ଟ ସହାୟକ ହେବ ବୋଲି ଆଶା ରହିଛି।

   Related Posts