କଳାହାଣ୍ଡି ୫।୧୧: କଳାହାଣ୍ଡି ଜିଲ୍ଲା ମହାଲିଙ୍ଗ ସ୍ଥିତ ସନସାଇନ୍ ପବ୍ଲିକ୍ ସ୍କୁଲ ଅଧ୍ୟକ୍ଷା ମମିତା ମେହେର ହତ୍ୟା ଘଟଣାରେ ଆସିଲା ନୂଆ ତଥ୍ୟ । ଘଟଣା ଦିନ ରାତିରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ତାର ସହଯୋଗୀ ଡ୍ରାଇଭର ରାଧେ ହାତରେ ମଗେଇଥିଲା ପୁରୁଣା ଟାୟାର । ଗୋବିନ୍ଦ, ବିବେକ ଅଗ୍ରୱାଲଙ୍କ ନିକଟରୁ ସେହି ପୁରୁଣା ଟାୟାର ମଗାଇଥିଲା ବୋଲି ରାଧେ ବୟାନରୁ ଜଣାପଡିଛି ।
ବିବେକ ଅଗ୍ରୱାଲ ତାଙ୍କ ଗୋଦାମରେ ଥିବା ଦୁଇଟି ପିକଅପର ପୁରୁଣା ଟାୟାର ଦେଇଥିଲେ । ସେହି ପୁରୁଣା ଟାୟାରକୁ ମମିତା ମେହେରକୁ ପୋଡିବାରେ ବ୍ୟବହାର କରାଯାଇଥିଲା । ରାଧେର ୧୬୧ ବୟାନରେ ଏଭଳି ଖୁଲାସା ହୋଇଛି ।
