Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

‌ଯୌନ ଉତ୍ପୀଡନ ମାମଲାରେ ଦୋଷୀ ସାବ୍ୟସ୍ତ ହେଲେ R&B ସୁପରଷ୍ଟାର, ମହିଳା ଓ ନାବାଳିକାଙ୍କୁ ଶୋଷଣ ଅଭିଯୋଗରେ ରାୟ ଶୁଣାଇଲେ ଟ୍ରାଏଲ କୋର୍ଟ

28/09/2021 at 3:20 PM

ନୂଆଦିଲ୍ଲୀ ୨୮/୦୯ : R & Bର ସୁପରଷ୍ଟାର ଆର୍‌ କେଲି ଯିଏକି ତାଙ୍କ ପ୍ରସିଦ୍ଧ ଗୀତ “I Believe I Can Fly,”  ପାଇଁ ପ୍ରସିଦ୍ଧି ଲାଭ କରିଥିଲେ, ଏବେ କିନ୍ତୁ ମହିଳା ଏବଂ ନାବାଳିକାଙ୍କୁ ଯୌନ ନିର୍ଯାତନା ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି । ୭ଜଣ ପୁରୁଷ ଏବଂ ୫ ମହିଳା ବିଚାରପତିଙ୍କୁ ନେଇ ଗଠିତ କମିଟି, ଆର୍‌ କେଲିଙ୍କୁ ଦୋଷୀ ସାବ୍ୟସ୍ତ କରିଛନ୍ତି ।

ପ୍ରସିଦ୍ଧ ଗାୟକ ଆର୍‌ କେଲି ଜଘନ୍ୟ କାଣ୍ଡରେ ଲିପ୍ତ ଥିଲେ । ମ୍ୟାନେଜର ଏବଂ ଅନ୍ୟ କିଛି ସହଯୋଗୀଙ୍କ ସହାୟତାରେ କମ ବୟସର ଝିଅମାନଙ୍କୁ କେଲିଙ୍କୁ ଭେଟ କରାଉଥିଲେ । ଏହା ପରେ ସେମାନଙ୍କୁ ବିଭିନ୍ନ ଅପରାଧିକ କାର୍ଯ୍ୟକଳାପରେ ଲିପ୍ତ ରଖୁଥିଲେ । କୋର୍ଟ ଟ୍ରାଏଲ ବେଳେ ଅଭିଯୋଗକାରିଣୀ କିଛି ମହିଳା ଏବଂ ଯୁବତୀ ସମସ୍ତ ତଥ୍ୟ ଦେଇଥିଲେ । କୋର୍ଟଙ୍କୁ ସେମାନେ କହିଥିଲେ ଯେ, ନାବାଳିକା ଥିବାବେଳେ କେଲି ସେମାନଙ୍କ ସହିତ ଜୋରଜବରଦସ୍ତ ଶାରୀରିକ ସମ୍ପର୍କ ରଖୁଥିଲେ । ଏହି ଘଟଣା ପ୍ରଥମେ ୧୯୯୪ ମସିହାରେ ଆରମ୍ଭ ହୋଇଯାଇଥିଲା । ଯେତେବେଳେ କି R&B ଫେମ୍‌ ଆଲିୟାଙ୍କୁ ମାତ୍ର ୧୫ ବର୍ଷ ବୟସ ହୋଇଥିବା, କେଲି ତାଙ୍କୁ ବିବାହ କରିଥିଲେ ।

ପରେ ୨୦୦୨ ମସିହାରେ ଜଣେ ୧୪ ବର୍ଷୀୟା ନାବାଳିକାଙ୍କୁ ଯୌନ ନିର୍ଯାତନା ଏବଂ ତାଙ୍କ ଉପରେ ପରିଶ୍ରା କରିବା ଅଭିଯୋଗରେ ତାଙ୍କୁ ଗିରଫ କରାଯାଇଥିଲା । ଏକ ପ୍ରସିଦ୍ଧ ଡକ୍ୟୁମେଣ୍ଟାରୀ ସିରିଜ୍‌ “Surviving R. Kelly” ରିଲିଜ ହେବାପରେ ଏଥିରେ ଅଭିନୀତ ଅନେକ ଅଭିନେତ୍ରୀ ଯୌନ ନିର୍ଯାତନା ଦିଆଯାଉଥିବା ନେଇ ଅଭିଯୋଗ କରିଥିଲେ । ସେହି ଠାରୁ ହିଁ ଆରମ୍ଭ ହୋଇଥିଲା MeeToo ଯୁଗ ।

ଟ୍ରାଏଲ କୋର୍ଟରେ ଶୁଣାଣି ବେ​‌ଳେ ନାଁ ଗୋପନ ରଖି ଆର୍‌ କେଲିଙ୍କ ବିରୋଧରେ ସାକ୍ଷୀ ପ୍ରଦାନ କରିଛନ୍ତି ଅନେକ ମହିଳା ଯେଉଁମାନେ କି ସେତେବେଳେ ତାଙ୍କ ଯୌନ ଦାଶୀର ଶିକାର ହୋଇଥିଲେ । କେଲିଙ୍କ ପ୍ରଶଂସକଙ୍କ ଠାରୁ ରକ୍ଷା ପାଇବା ପାଇଁ ସେମାନେ ନାଁ ଗୋପନ ରଖି ତାଙ୍କ ବିରୋଧରେ ସାକ୍ଷୀ ପ୍ରଦାନ କରିଥିଲେ । କାରଣ କେଲି ଜେଲରେ ଥି​‌ଲେ ମଧ୍ୟ ଏବେବି ତାଙ୍କର ପ୍ରଶଂସକଙ୍କ ସଂଖ୍ୟା କମ ନାହିଁ ।

୨୦୦୩ ମସିହାରେ ଜଣେ ମହିଳାଙ୍କୁ ଗୀତ ଗାଇବା ପାଇଁ ସୁଯୋଗ ଦେବାକୁ କହି ତାଙ୍କୁ ଚିକାଗୋ ସ୍ଥିତ ଷ୍ଟୁଡିଓକୁ ନେଇଯାଇଥିଲେ କେଲି । ସେଠାରେ ତାଙ୍କୁ ବନ୍ଦ କରି ରଖିବା ସହିତ ନିଶା ଦେଇ ଦୁଷ୍କର୍ମ କରିଥିଲେ । ପରେ ସେଠା​‌ରେ ତାଙ୍କର ମୃତ୍ୟୁ ହୋଇଥିଲା । ଆଉ ଜଣେ ସାକ୍ଷୀ କହିଥିଲେ, ସେ ଯେତେବେଳେ ୧୩/୧୪ ବର୍ଷର ହୋଇଥିଲେ ସେତେବେଳେ କେଲି ତାଙ୍କୁ ଜୋରଜବରଦସ୍ତ ଦୁଷ୍କର୍ମ କରିଥିଲେ । ପରେ ଆର୍‌ କେଲି ଆଲିୟାଙ୍କୁ ବିବାହ କରିଥିଲେ କିନ୍ତୁ ୨୦୦୧ ମସିହାରେ ବିମାନ ଦୁର୍ଘଟଣାରେ ତାଙ୍କର ମୃତ୍ୟୁ ଘଟିଥିଲା ।  

   Related Posts