Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ଖାତାକୁ ଗଲା ‘କାଳିଆ’ ଟଙ୍କା, ଆକାଉଣ୍ଟକୁ ୯୧୦ କୋଟି ଟଙ୍କା ପଠାଇଲେ ମୁଖ୍ୟମନ୍ତ୍ରୀ
  • ||
  • ୫୦୦ ଲୋକଙ୍କୁ ନେଇ ଧୁମଧାମ୍‌ରେ ଚାଲିଥିଲା ବାହାଘର ଭୋଜି, ଚଢଉ କଲେ ତହସିଲଦାର…ଲାଗିଲା ମୋଟା ଅଙ୍କର ଫାଇନ୍
  • ||
  • ୩ ହଜାର ଲିଟର ମଦ ଜବତ, ୬୦ଟି ବସ୍ତାରେ ହେଉଥିଲା ଚାଲାଣ
  • ||
  • ନାଉ କିଆରୀରୁ ଜବତ ହେଲା ବିପୁଳ ପରିମାଣର ଗଞ୍ଜେଇ, ଜଣେ ଗିରଫ
  • ||
  • ଚେତୁ ନାହାଁନ୍ତି ଲୋକେ, ବିନିକା ବଜାରରେ କରୋନା କଟକଣା ବାଟବଣା
  • ||
  • ଚଣ୍ଡିଖୋଲ : ଧଳା ଜହର ରାକେଟ୍‌ର ପର୍ଦ୍ଦାଫାଶ କଲା ସଡକ ଦୁର୍ଘଟଣା, ଜବତ ହେଲା ୯ ଗ୍ରାମ୍ ବ୍ରାଉନସୁଗାର
  • ||
  • ଚଣ୍ଡିଖୋଲ : ଚଳିତ ବର୍ଷ ଫିକା ପଡିଛି ଇଦ୍, ଯାଜପୁରରେ ନିରାଡମ୍ବର ଭାବେ ପାଳିତ ହେଉଛି ଉଦ୍-ଉଲ୍-ଫିତର
  • ||
  • ତେଲକୋଇ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ସ୍ତ୍ରୀ ଗୁରୁତର, ସ୍ବାମୀ ଆହତ
  • ||
  • ନୂଆଦିଲ୍ଲୀ : ଆପ୍ ନେତା ଜରନେଲ୍ ସିଂହଙ୍କ କରୋନାରେ ଦେହାନ୍ତ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ କେଜରିଓ୍ବାଲ
  • ||
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୨୭୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଭାରତ ଛାଡି, ଧର୍ମ ପରିବର୍ତ୍ତନ କରି ପାକିସ୍ତାନରେ ବିବାହ କରିଥିବା ମହିଳାଙ୍କ ଏବେ ଏହି ଅବସ୍ଥା

13/11/2019 at 5:09 PM

ନୂଆଦିଲ୍ଲୀ୧୩/୧୧: ୧୯ ବର୍ଷ ତଳେ ଭାରତ ଛାଡି, ଧର୍ମ ଓ ନାମ ପରିବର୍ତ୍ତନ କରି ପାକିସ୍ତାନୀଙ୍କୁ ବିବାହ କରିଥିବା ଜଣେ ଭାରତୀୟ ମହିଳାଙ୍କୁ ମହଙ୍ଗା ପଡ଼ିଛି। ଏହି ମହିଳା ଏବେ ନିଜ କାହାର ସାମ୍ନାରେ ନିଜ ପରିଚୟ ଦେବାରେ ଅସୁବିଧାରେ ସମ୍ମୁଖୀନ ହେଉଛନ୍ତି । ବିବାହର ୧୯ ବର୍ଷ ପରେ ବି ତାଙ୍କୁ ପାକିସ୍ତାନର ନାଗରିକତ୍ୱ  ପ୍ରମାଣପତ୍ର ଦେବା ପାଇଁ ପାକିସ୍ତାନ ବିଳମ୍ବ କରୁଛି ।

ସୂଚନା ଅନୁସାରେ ଶାରଜାହରେ ରହୁଥିବା କାଜଲ ରଶୀଦ୍‌ ଖାନ ଜୁଲାଇ ୩୧ ତାରିଖରେ  ନିଜର ପରିଚୟ ପତ୍ର  ନବୀକରଣ ବା ରିନ୍ୟୁ  କରିବା ପାଇଁ ପାକିସ୍ତାନରେ ଆବେଦନ  କରିଥିଲେ। ଏପର୍ଯ୍ୟନ୍ତ ପାକିସ୍ତାନ ପକ୍ଷରୁ କାଜଲଙ୍କ ପ୍ରମାଣପତ୍ର ଜାରି କରାଯାଇ ନାହିଁ। ଏଥିଲାଗି ୭-୧୦ ଦିନ ଲାଗିବ ବୋଲି ପାକିସ୍ତାନ ପକ୍ଷରୁ କୁହାଯାଇଥିଲେ ମଧ୍ୟ ଜାଣିଶୁଣି ବହୁ ବିଳମ୍ବ କରାଯାଉଥିବା ମହିଳାଙ୍କ ସ୍ୱାମୀ ଅଭିଯୋଗ କରିଛନ୍ତି ।

କାଜଲଙ୍କ ସ୍ବାମୀ ମହମ୍ମଦ ରଶୀଦଙ୍କ କହିବା ଅନୁସାରେ ୩ ମାସ ହେବ ସେ ନ୍ୟାସନାଲ ଡାଟାବେସ ଆଣ୍ଡ୍‌ ରେଜିଷ୍ଟ୍ରେସନ ଅଥରିଟିକୁ ଇ-ମେଲ କରିଥିଲେ। ତଥାପି କାଜଲଙ୍କ ଆଇଡି ରିନ୍ୟୁ ହୋଇ ପାରି ନାହିଁ। କାଜଲଙ୍କ ଆଇଡି କାର୍ଡର ବୈଧତା ୨୦୨୩ ମସିହା ପର୍ଯ୍ୟନ୍ତ ରହିଛି।  କରାଚୀରେ ଥିବା କାଜଲଙ୍କ ବ୍ୟାଙ୍କ ଆକାଉଣ୍ଟକୁ ଜବତ କରି ଦିଆଯାଇଛି । ବ୍ୟାଙ୍କ ଆକାଉଣ୍ଟ ପୁଣି ଥରେ ଚଳାଇବା  ପାଇଁ ନୂଆ ସ୍ମାର୍ଟର ଆବଶ୍ୟକ ବୋଲି ବ୍ୟାଙ୍କ ଅଧିକାରୀ କହିଛନ୍ତି।

କାଜଲଙ୍କ ସ୍ବାମୀଙ୍କ କହିବା ଅନୁସାରେ ତାଙ୍କ ପତ୍ନୀଙ୍କ ଆବେଦନକୁ  ବିନାକାରଣରେ ଅଟକାଇ ଦିଆଯାଇଛି। ତାଙ୍କ ପତ୍ନୀଙ୍କ ପାଖରେ ପାକିସ୍ତାନ ନାଗରିକତ୍ୱର  ପ୍ରମାଣପତ୍ର ରହିଛି। ଏଥିସହ ୨୦୦୧ ମସିହାରେ ତାଙ୍କ ପାକିସ୍ତାନୀ ପାସପୋର୍ଟ ଜାରି ହୋଇଛି। ତେବେ କାହିଁକି ଏପରି ତାଙ୍କ ସହ କରାଉଛି ବୋଲି ମହମ୍ମଦ ପ୍ରଶ୍ନ କରିଛନ୍ତି।

   Related Posts