Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

କଟକ ସିରିଜ ମର୍ଡର ଘଟଣାରେ ପୋଲିସ ଗିରଫ କରିଥିବା ନାରାୟଣ ସାହୁ ପ୍ରକୃତ ଅଭିଯୁକ୍ତ କି ନାହିଁ ସୃଷ୍ଟି ହେଲାଣି ସନ୍ଦେହ, ପୋଲିସର ପାରିବା ପଣିଆ ଉପରେ ପ୍ରଶ୍ନ

4/08/2019 at 5:30 PM

କଟକ ୪|୮: କଟକରେ ୨୪ ଘଣ୍ଟାରେ ତିନୋଟି ହତ୍ୟାକାଣ୍ଡ ଘଟିବା ଓ ସେହି ଘଟଣାରେ ଅଭିଯୁକ୍ତ ନାରାୟଣ ସାହୁଙ୍କୁ ଗିରଫ କରିବାକୁ ନେଇ ପୋଲିସର ଭୂମିକା ଏବେ ସନ୍ଦେହ ଘେରରେ । ପୋଲିସ କମିଶନର ଓ ଡିସିପିଙ୍କ କଥାରେ ତାଳ ମେଳ ରହୁନଥିବାରୁ ପ୍ରକୃତରେ ହତ୍ୟାକାଣ୍ଡ ନାରାୟଣ ଘଟାଇଛନ୍ତି ନାଁ ହତ୍ୟାକାରୀ ଆଉ କିଏ, ଯିଏ ଏବେବି ପୋଲିସକୁ ଚକ୍‌ମା ଦେଇ ବାହାରେ ବୁଲୁଛି ତାକୁ ନେଇ ଉଠିଛି ପ୍ରଶ୍ନ ।

କଟକରେ ୨୪ ଘଣ୍ଟା ଭିତରେ ତିନୋଟି ହତ୍ୟାକାଣ୍ଡ ପରେ ପୂରା ଚାପରେ ଥିଲା ପୋଲିସ । ହତ୍ୟାକାଣ୍ଡ ପରେ କଣ ଥିଲା ପୋଲିସ କମିଶନରଙ୍କ ବୟାନ ଏବଂ ଅଭିଯୁକ୍ତ ନାରାୟଣ ସାହୁ ଗିରଫ ପରେ କଣ କଟକ ଡିସିପିଙ୍କ ଭିନ୍ନ ଭିନ୍ନ ବିବୃତ୍ତି ଥିଲା । ପୋଲିସ କମିଶନର ଏବଂ କଟକ ଡିସିପିଙ୍କ କଥାରେ ତାଳ ମେଳ ନ ରହିବା ଏବେ ପୋଲିସର ଭୂମିକାକୁ ସନ୍ଦେହ ଘେରକୁ ଆଣିଛି।

ସନ୍ଦେହ ନମ୍ବର-୧

ପୂର୍ବରୁ ଜଣେ ଲୋକ ସମାନ ଢଙ୍ଗରେ ୩ଟି ଯାକ ହତ୍ୟାକାଣ୍ଡ ଘଟାଇଥିବା ପୋଲିସ୍ କହିଥିଲା । ଏବେ ରାଣୀହାଟ ହତ୍ୟା କାଣ୍ଡରେ ନାରାୟଣଙ୍କର ସଂପୃକ୍ତି ନଥିବା କଟକ ଡିସିପି କହିଛନ୍ତି । ଯଦି ଆଉ ଜଣେ ଏହି ହତ୍ୟାକାଣ୍ଡରେ ସମ୍ପୃକ୍ତ, ସେ ସମ୍ପର୍କରେ ଏଯାଏଁ କାହିଁକି ପୋଲିସ ପାଖରେ କୌଣସି ସୁରାକ୍ ନାହିଁ।

ସନ୍ଦେହ ନମ୍ବର-୨

ହତ୍ୟାକାଣ୍ଡରେ କୁରାଢ଼ୀ ବ୍ୟବହାର କରାଯାଇଥିବା ପୋଲିସ ଦେଖାଇଥିଲା । କିନ୍ତୁ ହତ୍ୟାକାଣ୍ଡରେ ଫାର୍ସା ବ୍ୟବହୃତ ହୋଇଥିବା ପୋଲିସ ଫରଓ୍ବାର୍ଡିଂ ରିପୋର୍ଟରେ ଦର୍ଶାଇଛି ।

ସନ୍ଦେହ ନମ୍ବର-୩

ପୋଲିସର କିଛି କାର୍ଯ୍ୟକଳାପ ହିଁ ଅଧିକ ସନ୍ଦେହ ସୃଷ୍ଟି କରୁଛି । ଜୁଲାଇ ୨୩ରେ ଓମ୍‌ପି ଛକରେ ଘଟିଥିବା ଡବଲ୍ ମର୍ଡର ସ୍ଥାନକୁ ପୋଲିସ ସାଇଣ୍ଟିଫିକ୍ ଟିମ୍ ସହ ଯାଇଥିଲା । ସେଦିନ ଘଟଣାସ୍ଥଳରୁ ମାରଣାସ୍ତ୍ର କିମ୍ବା ଅଭିଯୁକ୍ତଙ୍କ ଡ୍ରେସ୍ ମିଳିନଥିଲା। କିନ୍ତୁ ଘଟଣାର ଆଠ ଦିନ ପରେ ଘଟଣାସ୍ଥଳରୁ ପୋଲିସ କୁରାଢୀ ଏବଂ ସାର୍ଟ ଜବତ କଲା ।

ସନ୍ଦେହ ନମ୍ବର-୪

ପୋଲିସ ହତ୍ୟାରେ ବ୍ୟବହୃତ ଯେଉଁ କୁରାଢୀ ଦେଖାଇଛି, ତାହା ସମ୍ପୂର୍ଣ୍ଣ ନୂଆ । ଏପରି କି କୁରାଢୀରେ ଧାର ମଧ୍ୟ ନାହିଁ। ଏହି କୁରାଢୀରେ ହାଣି ହତ୍ୟା କଲେ ଗଭୀର କ୍ଷତ ଚିହ୍ନ ରହିବା ସହ ବେକର ଅଧିକାଂଶ ଅଂଶ ଛିଣ୍ଡିଯିବା କଥା । କିନ୍ତୁ ହତ୍ୟାକାଣ୍ଡର ଶୀକାର ଦୁଇ ଜଣଙ୍କ ବେକକୁ ଧାରୁଆ ଅସ୍ତ୍ରରେ କଟା ଯାଇଥିବାର ଦାଗ ରହିଛି।

ସନ୍ଦେହ ନମ୍ବର-୫

ଯଦି ନାରାୟଣ ଏହି ନୂଆ କୁରାଢୀରେ ହତ୍ୟା କରିଥାନ୍ତି, ତେବେ ଏହାକୁ କେଉଁଠୁ ଆଣିଲେ, ସେ ବାବଦରେ ପୋଲିସ୍ କିଛି ସ୍ପଷ୍ଟ କରୁ ନାହିଁ କାହିଁକି । ଯଦି ନାରାୟଣ କିଣିଛନ୍ତି, ସଂପୃକ୍ତ ଦୋକାନୀଙ୍କ ବୟାନ ପୋଲିସ ରେକର୍ଡ କରିବା କଥା । ପୋଲିସର ଏଭଳି ଭୂମିକାକୁ ନେଇ ଅନେକ ପ୍ରଶ୍ନ ଉଠାଇଛନ୍ତି ଆଇନଜୀବୀ।

ଓଏମପିରେ ଘଟିଥିବା ଦୁଇ ହତ୍ୟା କାଣ୍ଡରେ ସମ୍ପୃକ୍ତି ଦର୍ଶାଇ ପୋଲିସ ନାରୟଣଙ୍କୁ ଗିରଫ କରିଛି। ତେବେ ରାଣୀହାଟ ହତ୍ୟା କାଣ୍ଡର ଗୁମର ଖୋଲିବା ପାଇଁ ପୋଲିସ କାହିଁକି ଉଦ୍ୟମ କରୁ ନାହିଁ । ଏଠାରେ ପୋଲିସର ଦକ୍ଷତା ଉପରେ ମଧ୍ୟ ଉଠିଛି ପ୍ରଶ୍ନ।

   Related Posts