Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ଫେଲ୍ ମାରିଲା ବ୍ୟାଟିଂ, ଦକ୍ଷିଣ ଆଫ୍ରିକା ନିକଟରୁ ୩୧ ରନରେ ହାରିଲା ଭାରତ
  • ||
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||

ପ୍ରବାସୀଙ୍କ ପାଇଁ ବଦଳିଲା କ୍ବାରେଣ୍ଟାଇନ୍ ନିୟମ : ୨୧ ଦିନ ବଦଳରେ ରହିବେ ୧୪ ଦିନ

24/05/2020 at 11:45 AM

ଭୁବନେଶ୍ବର ୨୪।୫: ରାଜ୍ୟରେ କ୍ବାରେଣ୍ଟାଇନ୍ ନିୟମରେ ପରିବର୍ତ୍ତନ ହୋଇଛି । ଏଣିକି ପ୍ରବାସୀଙ୍କୁ ୨୧ ଦିନ ବଦଳରେ ୧୪ ଦିନିଆ କ୍ବାରେଣ୍ଟାଇନ୍ ବାଧ୍ୟତାମୂଳକ କରାଯାଇଛି । ଏନେଇ ସ୍ବତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ସୂଚନା ଦେଇଛନ୍ତି । ପୂର୍ବରୁ ରାଜ୍ୟ ସରକାର ବଢାଇଥିବା ୧୪ ଦିନ ପରିବର୍ତ୍ତେ ୨୧ ଦିନ କ୍ବାରେଣ୍ଟାଇନ୍‌ରେ ରହିବାକୁ ବାଧ୍ୟତାମୂଳକ କରିଥିଲେ । ଗ୍ରାମାଞ୍ଚଳକୁ ଯାଉଥିଲେ ପ୍ରବାସୀମାନେ କ୍ବାରେଣ୍ଟାଇନ୍ କେନ୍ଦ୍ରରେ ୭ ଦିନ ରହିବେ । ଏହାପରେ ଘରେ ୭ ଦିନ କ୍ବାରେଣ୍ଟାଇନରେ ରହିବେ ।

ସେହିପରି ସହରାଞ୍ଚଳରେ ପ୍ରବାସୀ ୧୪ ଦିନିଆ ହୋମ୍ କ୍ବାରେଣ୍ଟାଇନରେ ରହିବେ । ଘରେ ସୁବିଧା ନଥିଲେ ସରକାରୀ କ୍ବାରେଣ୍ଟାଇନରେ ରହିପାରିବେ । ଏଥି ସହିତ ଚିହ୍ନିତ ହୋଟେଲରେ ପେଡ୍ କ୍ବାରେଣ୍ଟାଇନରେ ରହି ପାରିବେ । କିନ୍ତୁ ହୋଟେଲ୍ ପେଡ୍ କ୍ବାରେଣ୍ଟାଇନ୍ ପାଇଁ ସରକାର ଅର୍ଥ ଦେବେନାହିଁ ବୋଲି ସ୍ପଷ୍ଟ କରିଛନ୍ତି ଏସଆରସି ।

ତେବେ ବୃତ୍ତିଗତ କାମରେ ଆସି ୭୨ଘଣ୍ଟାରୁ କମ୍ ସମୟ ରହିଲେ କ୍ବାରେଣ୍ଟାଇନ୍ ରେ ରହିବେନି । ୩ ଦିନ ଭିତରେ ରାଜ୍ୟ ବାହାରକୁ ଯାଇ ଫେରିଲେ ନିୟମ ଲାଗୁ ହେବନି । କେବଳ ଏତିକି ନୁହେଁ ବାହାର ରାଜ୍ୟରେ କ୍ବାରେଣ୍ଟାଇନ୍ ଅବଧି ସାରିଥିଲେ ପ୍ରବାସୀମାନେ ଆଉ କ୍ବାରେଣ୍ଟାଇନରେ ରହିବେନି । ପ୍ରବାସୀଙ୍କୁ କ୍ବାରେଣ୍ଟାଇନରେ ଥିବା ପ୍ରମାଣ ଦାଖଲ କରିବାକୁ ପଡ଼ିବ । ରାଜ୍ୟ ବାହାରେ ୩ ଦିନରୁ ଅଧିକ ସମୟ ରହିଲେ ଫେରିବା ପରେ ପୁଣି କ୍ବାରେଣ୍ଟାଇନ୍ ରେ ରହିବେ ।

ରାଜ୍ୟରେ କରୋନା ସ୍ଥିତି ନିୟନ୍ତ୍ରଣରେ ଅଛି, ଏହା ଚିନ୍ତାଜନକ ନୁହେଁ ବୋଲି ଏସଆରସି କହିଛନ୍ତି । ପ୍ରବାସୀଙ୍କୁ କ୍ବାରେଣ୍ଟାଇନରେ ରଖାଯାଉଥିବାରୁ ସ୍ଥିତି ନିୟନ୍ତ୍ରଣରେ ରହିଛି ବୋଲି ସେ କହିଛନ୍ତି । କ୍ବାରେଣ୍ଟାଇନ କେନ୍ଦ୍ର ପରିଚାଳନାରେ ସରପଞ୍ଚ ଓ ଏସଏଚଜିର ଭୂମିକାକୁ ସେ ଉଚ୍ଚ ପ୍ରଶଂସା କରିଛନ୍ତି ।

ରାଜ୍ୟକୁ କେବଳ ସ୍ବତନ୍ତ୍ର ଟ୍ରେନ୍, ବସ୍‌ ଓ ବିମାନରେ ଆସୁଛନ୍ତି ପ୍ରବାସୀ । ଆସନ୍ତାକାଲିଠୁ ଘରୋଇ ବିମାନ ସେବା ଆରମ୍ଭ ହେବ । ଭୁବନେଶ୍ବର ଏବଂ ଝାରସୁଗୁଡାରୁ ମଧ୍ୟ ବିମାନ ଉଡାଣ ଆରମ୍ଭ ହେବ । ଖୁବଶୀଘ୍ର ରାଜ୍ୟରୁ ବିଦେଶକୁ ମଧ୍ୟ ବିମାନ ସେବା ଆରମ୍ଭ ହେବ । ରାଜ୍ୟରୁ ଫେରିବା ଲାଗି ପଞ୍ଜୀକରଣ କରିବା ଜରୁରୀ ।

ଆଜି ତେଲଙ୍ଗାନାରୁ ୧୨ଟି ଟ୍ରେନରେ ୨୦ ହଜାରରୁ ଅଧିକ ପ୍ରବାସୀ ଆସୁଛନ୍ତି । ତେବେ ବିନା ସୂଚନାରେ ରାଜ୍ୟକୁ ଅନେକ ଶ୍ରମିକ ଟ୍ରେନ ଆସୁଛି ବୋଲି ଏସଆରସି ସୂଚନା ଦେଇଛନ୍ତି । ରାଜ୍ୟ ସରକାରଙ୍କ ପାଖରେ ସମସ୍ତଙ୍କ ପ୍ରବାସୀଙ୍କ ତଥ୍ୟ ନାହିଁ । ଏମିତିରେ ପ୍ରବାସୀଙ୍କୁ ଗନ୍ତବ୍ୟ ସ୍ଥଳରେ ପହଞ୍ଚାଇବା ମୁସ୍କିଲ ହେବ ।

ଯେଉଁ ପ୍ରବାସୀ ରାଜ୍ୟକୁ ଆସୁଛନ୍ତି ସୂଚନା ଦେଇ ଆସିବା ଉଚିତ୍ ବୋଲି ସେ କହିଛନ୍ତି । ବିନା ସୂଚନାରେ ଆସିଲେ ମାଗଣା ଟିକେଟ୍ ଲାଗୁ ହୋଇ ନ ପାରେ ବୋଲି ସେ କହିଛନ୍ତି । ପ୍ରବାସୀଙ୍କ ସଂପର୍କରେ ଆଗୁଆ ସୂଚନା ଥିଲେ ସେମାନଙ୍କୁ ଅସୁବିଧା ହେବନି । ପ୍ରବାସୀ ଓଡିଆ ସଂଗଠନକୁ ସହଯୋଗ କରିବାକୁ ଏସଆରସି ଅନୁରୋଧ କରିଛନ୍ତି ।

   Related Posts