Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||
  • କେମ୍ରୁନରେ ଗ୍ୟାସ ବୋଝେଇ ଟ୍ରକ ସହ ଧକ୍କା ପରେ ଜଳିଗଲା ବସ୍ : ୫୩ ମୃତ, ୨୯ ଗୁରୁତର
  • ||
  • ଶେଷ ହେବ କୃଷକ ଆନ୍ଦୋଳନ ! ସଙ୍ଗଠନରେ ଫାଟ, ଯୋଗେନ୍ଦ୍ର ଯାଦବ ଓ ଟିକୈତଙ୍କ ସମେତ ୩୭ ଚାଷୀଙ୍କ ଉପରେ ପଡିବ ଚଡକ
  • ||
  • ଖଲ୍ଲିକୋଟ : ଫାଟିଗଲା କାର୍ ଚକା, ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ; ଜଣେ ମୃତ, ୨ ଆହତ
  • ||
  • ବୌଦ୍ଧ : ହାଇଓ୍ୱାକୁ ପଛ ପଟୁ ପିଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୪୦ ଯାତ୍ରୀ
  • ||
  • ଫେବୃଆରୀ ପାଇଁ କୋଭିଡ୍ ଗାଇଡ୍ଲାଇନ୍: ଏବେ ସିନେମା ହଲ୍ରେ ବସି ପାରିବେ ୫୦%ରୁ ଅଧିକ ଦର୍ଶକ, ସଭିଙ୍କ ପାଇଁ ଖୋଲିଲା ସ୍ଵିମିଂ ପୁଲ୍
  • ||

ସଙ୍ଗରୋଧ କେନ୍ଦ୍ରରେ ପ୍ରେମ ! ବ୍ଲେଡ୍‌ରେ ହାତ କାଟିଲେ ପ୍ରବାସୀ

12/06/2020 at 12:14 PM

କେନ୍ଦ୍ରାପଡ଼ା ୧୨/୦୬: ମାର୍ଶାଘାଇ ବ୍ଲକ୍‍ ଅଧୀନ କରିଲୋପାଟଣା ମହାବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ଏକ ଅଭାବନୀୟ ଅଘଟଣ ଘଟିଛି । ତାମିଲନାଡୁରୁ ଫେରି ସଙ୍ଗରୋଧରେ ଥିବା ଜଣେ ପ୍ରବାସୀ ଯୁବକ ବ୍ଲେଡ୍‌ରେ ନିଜ ବାମ ହାତକୁ କାଟି ଦେଇ ଗୁରୁତର ହୋଇପଡ଼ିଛନ୍ତି । କରିଲୋପାଟଣା ସରପଞ୍ଚ ସୁକାନ୍ତ ସାହୁ ତାଙ୍କୁ ମାର୍ଶାଘାଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । କଟା ସ୍ଥାନରେ ୩୨ଟି ଷ୍ଟିଚ୍‌ କରାଯାଇ ଔଷଧପତ୍ର ଦିଆଯାଇଥିଲା । କାହା ସହ ସେ ଫୋନ୍‌ରେ କଥା ହେଉଥିବା ବେଳେ ଭାବପ୍ରବଣ ହୋଇ ହାତ କାଟି ପକାଇଥିଲେ । ତେଣୁ ପ୍ରେମ ବ୍ୟାପାରକୁ କେନ୍ଦ୍ର କରି ଯୁବକ ଜଣକ ଏପରି କରିଥିବା ସନ୍ଦେହ କରାଯାଉଛି ।

ମହାକାଳପଡ଼ା ବ୍ଲକ ରାମନଗର ଅଞ୍ଚଳର ସଂପୃକ୍ତ ଯୁବକ ତାମିଲନାଡୁରେ କାମ କରୁଥିଲେ । ସେଠାରୁ ଫେରିବା ପରେ ସେ କରିଲୋପାଟଣା ମହାବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ୧୨ ଦିନ ହେବ ରହିଥିଲେ । ଗୁରୁବାର ସକାଳ ପ୍ରାୟ ୧୦ଟାରେ ସେ ନିଜ ଫୋନରେ କାହା ସହ କଥା ହେଉଥିଲେ । କଥା ହେଉ ହେଉ କୋଠରିରୁ ବାହାରି ଛାତକୁ ପଳାଇଥିଲେ । କିଛି ସମୟ ପରେ ତଳକୁ ଫେରିବା ବେଳକୁ ତାଙ୍କ ବାମ ହାତ କଟା ହୋଇ ରକ୍ତ ବାହାରୁଥିବା ଦେଖି ଅନ୍ୟ ପ୍ରବାସୀମାନେ ସଙ୍ଗରୋଧ କେନ୍ଦ୍ର ଦାୟିତ୍ୱରେ ଥିବା କର୍ମଚାରୀମାନଙ୍କୁ କହିଥିଲେ । ସ୍ଥାନୀୟ ସରପଞ୍ଚ ଗୁରୁତର ଆହତ ଅବସ୍ଥାରେ ଯୁବକଙ୍କୁ ମାର୍ଶାଘାଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ପରେ ବ୍ଲକ ପ୍ରଶାସନ ଏବଂ ସ୍ଥାନୀୟ ତହସିଲଦାରଙ୍କୁ ଘଟଣା ସମ୍ପର୍କରେ ଅବଗତ କରାଇଥିଲେ ।

ପ୍ରଶାସନ ପକ୍ଷରୁ ଉକ୍ତ ଯୁବକଙ୍କ ପରିବାର ଲୋକଙ୍କୁ ଘଟଣା ସଂପର୍କରେ ଜଣାଇ ଦିଆଯାଇଥିଲା । ଆହତ ଅବସ୍ଥାରେ ସଙ୍ଗରୋଧ କେନ୍ଦ୍ରରେ ନିତ୍ୟକର୍ମ ସମ୍ପାଦନରେ ଅସୁବିଧା ହେବ ବୋଲି ଦର୍ଶାଇ ଯୁବକଙ୍କୁ ହୋମ୍‍ କ୍ୱାରେଣ୍ଟାଇନ୍‌ରେ ରଖିବା ପାଇଁ ଅନୁମତି ଦେବାକୁ ତାଙ୍କ ମାମୁ ପ୍ରଶାସନକୁ ନିବେଦନ କରିଥିଲେ । ତେଣୁ ସଙ୍ଗରୋଧ କେନ୍ଦ୍ରରୁ ତାଙ୍କୁ ଡିସ୍‌ଚାର୍ଜ ସାର୍ଟିଫିକେଟ ଦିଆଯାଇ ଅବଶିଷ୍ଟ ଅବଧି ହୋମ୍‍ କ୍ୱାରେଣ୍ଟାଇନ୍‌ରେ ରହିବାକୁ ପରାମର୍ଶ ଦିଆଯାଇଛି । ମାର୍ଶାଘାଇ ଡାକ୍ତରଖାନାରୁ ଯୁବକଙ୍କୁ ଘରକୁ ପଠାଇ ଦିଆଯାଇଛି ।

   Related Posts