ଜି.ଉଦୟଗିରି ୬।୧୧: ଦୁର୍ଘଟଣାରେ ପିଡବ୍ଲୁଡି ବିଭାଗର ଏସଡିଓ ଗୁରୁତର ହୋଇଛନ୍ତି । ତାଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଘଟଣାର ତଦନ୍ତ ଜାରି ରଖିଛି ।
ସୂଚନାଯୋଗ୍ୟ ଯେ, ଗୁରୁବାର ବିଳମ୍ବିତ ରାତିରେ ଜି.ଉଦୟଗିରି ପିଡବ୍ଲୁଡି ବିଭାଗର ଏସଡିଓ କୈଳାସ ବେହେରା ଫୁଲବାଣୀରୁ ଜି.ଉଦୟଗିରି ଫେରୁଥିଲେ । ଏହି ସମୟରେ ଟିକାବାଲି ଥାନାର ତଲାରୀମାହା ପାଖରେ ଗାଡ଼ିଟି ରାସ୍ତା ପାଖରେ ଥିବା ଏକ ପୋଲରେ ପିଟି ହୋଇଯାଇଥିଲା । ଫଳରେ ସେ ଗୁରୁତର ହୋଇଛନ୍ତି । ସହକର୍ମୀମାନଙ୍କ ସହାୟତାରେ ଜେସିବି ଦ୍ବାରା ଗାଡିକୁ ଉଦ୍ଧାର କରାଯିବ ସହ ଆହତ କୈଳାସ ବେହେରାଙ୍କୁ ବ୍ରହ୍ମପୁର ମେଡିକାଲରେ ଭର୍ତ୍ତି କରାଯାଇଛି।