ଇଣ୍ଡୋନେସିଆ ଓପନ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ମହିଳା ସିଙ୍ଗଲ୍ ସ୍ ଫାଇନାଲ୍ ରେ ଭାରତୀୟ ବ୍ୟାଡମିଣ୍ଟନ ତାରକା ପିଭି ସିନ୍ଧୁ । ଚୀନର ପ୍ରତିଦ୍ବନ୍ଦି ଚେନ୍ ୟୁଫିଙ୍କୁ ୨୧-୧୯ ଓ ୨୧-୧୦ରେ ପରାସ୍ତ କରି ସିନ୍ଧୁ ଫାଇନାଲରେ ପ୍ରବେଶ କରିଛନ୍ତି । ୪୬ ମିନିଟ ଯାଏଁ ଚାଲିଥିବା ଏହି ମୁକାବିଲାରେ ରିଓ ଅଲିମ୍ପିକ ରୌପ୍ୟ ପଦକ ବିଜୟିନୀ ସିନ୍ଧୁଙ୍କ ପାଇଁ ପ୍ରଥମ ଗେମ୍ ଅଡୁଆ ଥିଲା । ମାତ୍ର ପରେ ସେ ଭଲ ଫର୍ମକୁ ଫେରିଥିଲେ ।
ସେ ୨୬ ମିନଟରେ ଖେଳକୁ ୨୧-୧୯ରେ ନିଜର ନାମ କରିଥିଲେ । ତେବେ ଦ୍ୱିତୀୟ ଗେମ୍ ରେ ଭଲ ପ୍ରଦର୍ଶନ କରି ଏହାକୁ ଜିତି ନେଇଥିଲେ । ଆଜି ଫାଇନାଲ୍ ରେ ସିନ୍ଧୁ ଜାପାନର ଆକାନେ ୟାମାଗୁଚୀଙ୍କୁ ଭେଟିବେ । ୟାମାଗୁଚୀଙ୍କ ବିପକ୍ଷରେ ଅତୀତରେ ଭଲ ପ୍ରଦର୍ଶନ କରିଛନ୍ତି ସିନ୍ଧୁ । ଚଳିତ ବର୍ଷ ସିନ୍ଧୁ ପ୍ରଥମ ଥର ପାଇଁ କୌଣସି ଏକ ବଡ଼ ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରି ଫାଇନାଲ୍ ରେ ପ୍ରବେଶ କରିଛନ୍ତି ....