ବିହାର ୧୦/୧୧ ; ବିହାର ନିର୍ବାଚନରେ ପଛରେ ପଡିଯାଇଛନ୍ତି ମୁଖ୍ୟମନ୍ତ୍ରୀ ପ୍ରାର୍ଥୀ । ନବନିର୍ମିତ ଦଳ “ ଦି ପ୍ଲୁରାଲସ ପାର୍ଟି” ପ୍ରମୁଖ ଏବଂ ମୁଖ୍ୟମନ୍ତ୍ରୀ ପଦ ପାଇଁ ଲଢୁଥିବା ପ୍ରାର୍ଥୀନି ପୁଷ୍ପମ୍ ପ୍ରିୟା ଚୌଧୁରୀ ଲଢୁଥିବା ୨ଟି ଯାକ ସିଟରେ ତାଙ୍କର ପ୍ରତିଦ୍ବନ୍ଦିଙ୍କ ଠାରୁ ପଛରେ ପଡିଯାଇଥିବା ସୂଚନା ମିଳିଛି । ସେ ପାଟଣାର ବାଙ୍କୀପୁର ଏବଂ ମଧୁବନୀ ନିର୍ବାଚନ ମଣ୍ଡଳୀରୁ ଲଢୁଥିଲେ । ବାଙ୍କୀପୁର କ୍ଷେତ୍ରରୁ ପୁଷ୍ପମ ପ୍ରିୟା ତାଙ୍କ ନିକଟତମ ପ୍ରତିଦ୍ବନ୍ଦି ଶତ୍ରୁଘ୍ନ ସିହ୍ନାଙ୍କ ପୁଅ ତଥା କଂଗ୍ରେସ ପ୍ରାର୍ଥୀ ଲବ ସିହ୍ନାଙ୍କ ଠାରୁ ବହୁ ଆଗରେ ଅଛନ୍ତି ।
ପୁଷ୍ପମ ପ୍ରିୟା ମାର୍ଚ୍ଚ ୨୦୨୦ରେ ନିଜର ନୂଆ ଦଳ ଘୋଷଣା କରିଥିଲେ ଏବଂ ନିଜେ ମୁଖ୍ୟମନ୍ତ୍ରୀ ପ୍ରାର୍ଥୀ ହେବା ନେଇ ଘୋଷଣା କରିଥିଲେ । ଲଣ୍ଡନ ଫେରନ୍ତା ପୁଷ୍ପମ୍ ପ୍ରିୟା ଚୌଧୁରୀ, ନୀତିଶ କୁମାରଙ୍କ ନିକଟତର ତଥା ବରିଷ୍ଠ ଜେଡିୟୁ ନେତା ବିନୋଦ ଚୌଧୁରୀଙ୍କ ଝିଅ । ଏହାରି ମଧ୍ୟରେ ପୁଷ୍ପମ ଚୌଧୁରୀ ନୂଆ ଦଳ ଗଢିବା ଏବଂ ନିଜକୁ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିବା ସମସ୍ତଙ୍କୁ ଚକିତ କରିଥିଲା । ବିହାର ନିର୍ବାଚନରେ ପୁଷ୍ପମ ପ୍ରିୟାଙ୍କ “ ଦି ପ୍ଲୁରାଲସ ପାର୍ଟି” ୪୩ଟି ସିଟରେ ପ୍ରାର୍ଥୀ ଦେଇଛି । ଖୋଦ ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ସମେତ ପ୍ରାୟ ସମସ୍ତ ସିଟରେ ଦଳ ଅମାନତ ହରାଇବା ଭଳି ସ୍ଥିତି ସୃଷ୍ଟି ହୋଇଛି ବୋଲି କହିଲେ ଅତ୍ୟୁକ୍ତି ହେବ ନାହିଁ
