Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ବିହାରର ଏହି ମହିଳା ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ଦୃଢୋକ୍ତି- ୨୦୩୦ ସୁଦ୍ଧା ରାଜ୍ୟକୁ ୟୁରୋପୀୟ ଦେଶ ପରି ବିକଶିତ କରି ଦେବି

8/03/2020 at 8:16 PM

ପାଟନା ୦୮।୦୩-  ଆଗାମୀ ବିହାର ବିଧାନସଭା ନିର୍ବାଚନ ପାଇଁ ଗୋଟିଏ ପଟେ ମୁଖ୍ୟମନ୍ତ୍ରୀ ନୀତିଶ କୁମାର ଏନଡିଏର ମୁଖ୍ୟମନ୍ତ୍ରୀ ପ୍ରାର୍ଥୀ ହେବାକୁ ଯାଉଥିବା ବେଳେ ଅନ୍ୟପଟେ ଆରଜେଡି ନେତା ତେଜସ୍ଵୀ ଯାଦବ ମଧ୍ୟ ମହାମେଣ୍ଟ ପକ୍ଷରୁ ମୁଖ୍ୟମନ୍ତ୍ରୀ ପଦ ଦୌଡରେ ଅଛନ୍ତି। ମାତ୍ର ରବିବାର ସକାଳେ ବିହାରର ଜନତା ରାଜ୍ୟର ତୃତୀୟ ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ବିଷୟରେ ଜାଣିବାକୁ ପାଇଛନ୍ତି। ବିହାରର ଅନେକ ଖବରକାଗଜରେ ରବିବାର ଏକ ବିଜ୍ଞାପନ ଛପିଛି, ଯେଉଁଥିରେ ପୁଷ୍ପମ ପ୍ରିୟା  ଚୌଧୁରୀ ନାମକ ଜଣେ ମହିଳା ନିଜକୁ ୨୦୨୦ ବିଧାନସଭା ନିର୍ବାଚନରେ ମୁଖ୍ୟମନ୍ତ୍ରୀ ପ୍ରାର୍ଥୀ କହିଛନ୍ତି।

ଖବର କାଗଜରେ ଦେଲେ ବିଜ୍ଞାପନ

ବିଜ୍ଞାପନ ଜରିଆରେ ଏହି ମହିଳାଜଣକ କହିଛନ୍ତି ଯେ, ସେ ‘ପ୍ଲୁରଲ୍ସ’ ନାମକ ଏକ ରାଜନୈତିକ ଦଳ ଗଠନ କରିଛନ୍ତି, ଯାହାର ସଭାପତି ହେଉଛନ୍ତି ସେ ନିଜେ। ମାର୍ଚ୍ଚ ୮ରେ ଆନ୍ତର୍ଜାତୀୟ ମହିଳା ଦିବସ ଅବସରରେ ପୁଷ୍ପମ ପ୍ରିୟା ଚୌଧୁରୀ ବିହାରର ଖବର କାଗଜରେ ବିଜ୍ଞାପନ ଦେଇ ମୁଖ୍ୟମନ୍ତ୍ରୀ ପଦର ଦାବିଦାର ଉପସ୍ଥାପନ କରିଛନ୍ତି। ପୁଷ୍ପମ ପ୍ରିୟା ଚୌଧୁରୀ ବିଜ୍ଞାପନରେ କହିଛନ୍ତି ଯେ, ସେ ବିଦେଶରେ ପଢିଛନ୍ତି ଏବଂ ସେ ବିହାର ଆସି ରାଜ୍ୟକୁ ବଦଳାଇବାକୁ ଚାହୁଁଛନ୍ତି।

ଏହି ବିଜ୍ଞାପନରେ ପୁଷ୍ପମ ପ୍ରିୟା ଚୌଧୁରୀ ଏକ ପଞ୍ଚ ଲାଇନ ମଧ୍ୟ ଦେଇଛନ୍ତି। ପଞ୍ଚ ଲାଇନ  ହେଉଛି ‘ଜନ ଗଣ ସବକା ଶାସନ’। ବିଜ୍ଞାପନରେ ସେ ଏହା ମଧ୍ୟ କହିଛନ୍ତି ଯେ, ବିହାରରେ ଏବେ ସମସ୍ତଙ୍କ ଶାସନ ହେବ। ବିହାର ଆହୁରି ଉନ୍ନତିଶୀଳ ହେବାକୁ ଯୋଗ୍ୟ ଏବଂ ଏଠାକାର ବିକାଶ ସମ୍ଭବ।

ଲଣ୍ଡନରେ ପଢିଛନ୍ତି ପାଠ

ଉଲ୍ଲେଖଯୋଗ୍ୟ, ପୁଷ୍ପମ ଡବଲ ଏମଏ କରିଛନ୍ତି। ଇଂଲଣ୍ଡର ଦ ଇନଷ୍ଟିଚ୍ୟୁୟଟ ଅଫ ଡେଭଲପମେଣ୍ଟ ଷ୍ଟଡିଜ ବିଶ୍ଵ ବିଦ୍ୟାଳୟରୁ ସେ ଏମଏ ଇନ ଡେଭଲପମେଣ୍ଟ ଷ୍ଟଡିଜ ଓ ଲଣ୍ଡନ ସ୍କୁଲ ଅଫ ଇକୋନୋମିକ୍ସ ଆଣ୍ଡ ପଲିଟିକାଲ ସାଇନ୍ସରୁ ପବ୍ଲିକ ଆଡମିନିଷ୍ଟେସନରେ ଏମଏ କରିଛନ୍ତି।

ଚୌଧୁରୀ ବିଜ୍ଞାପନରେ କହିଛନ୍ତି, ତାଙ୍କର ପାର୍ଟି ସକରାତ୍ମକ ରାଜନୀତି ଓ ନୀତି ନିର୍ଦ୍ଧାରଣ ବିଚାରଧାରା ଉପରେ କେନ୍ଦ୍ରିତ। ସେ ବିଜ୍ଞାପନରେ ବିହାରର ଜନତାଙ୍କ ଲାଗି ଏକ ପତ୍ର ମଧ୍ୟ ଲେଖିଛନ୍ତି। ଏଥିରେ ସେ କହିଛନ୍ତି ଯଦି ସେ ବିହାରର ମୁଖ୍ୟମନ୍ତ୍ରୀ ହୁଅନ୍ତି ତେବେ ୨୦୨୫ ସୁଦ୍ଧା ବିହାରକୁ ଦେଶର ସବୁଠୁ ବିକଶିତ ରାଜ୍ୟରେ ପରିଣତ କରିବେ ଏବଂ ୨୦୩୦ ସୁଦ୍ଧା ଏହାର ବିକାଶ ୟୁରୋପୀୟନ ଦେଶ  ପରି  ହେବ।

ସେ ବିହାରକୁ ବଦଳାଇବା ଲାଗି ବିହାର ଜନତାଙ୍କୁ ସମର୍ଥନ ଦେବାକୁ ନିବେଦନ କରିଛନ୍ତି। ସୂଚନା ମୁତାବକ ପୁଷ୍ପମା ଦରଭଙ୍ଗାର ନିବାସୀ ଓ ଜେଡିୟୁର ପୂର୍ବତନ ବିଧାନ ପରିଷଦର ସଦସ୍ୟ ବିନୋଦ ଚୌଧୁରୀଙ୍କ ଝିଅ। ସଂପ୍ରତି ସେ ଲଣ୍ଡନରେ ରହୁଛନ୍ତି।  

   Related Posts