Sunday, February 17, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଶ୍ରୀମନ୍ଦିର ପରିଚାଳନାଗତ ଅବ୍ୟବସ୍ଥା ନେଇ ସୁପ୍ରିମକୋର୍ଟରେ ଆଜି ଶୁଣାଣି

ଶ୍ରୀମନ୍ଦିର ପରିଚାଳନାଗତ ଅବ୍ୟବସ୍ଥା ନେଇ ସୁପ୍ରିମକୋର୍ଟରେ ଆଜି ଶୁଣାଣି । ଜଷ୍ଟିସ ଆଦର୍ଶ ଗୋଏଲ ଏବଂ ଜଷ୍ଟିସ ଅବଦୁଲ ନଜିରଙ୍କ ଖଣ୍ଡପୀଠରେ ମାମଲାର ଶୁଣାଣି ହେବ । ମାମଲାର ଶୁଣାଣି କରି ସୁପ୍ରିମକୋର୍ଟ କଣ ନିର୍ଦ୍ଦେଶନାମା ଦେଉଛନ୍ତି ତାକୁ ନେଇ ଭକ୍ତ ଏବଂ ସେବାୟତଙ୍କ ମଧ୍ୟରେ ଉତ୍ସୁକତା । ଶ୍ରୀମନ୍ଦିର ପରିଚାଳନାଗତ ବିଭ୍ରାଟ, ଭକ୍ତଙ୍କ ଶୋଷଣ,ଦାନ ଦକ୍ଷିଣାର ସଦୂପଯୋଗ ଆଦି ପ୍ରସଙ୍ଗ ରେ ଆଇନଜୀବୀ ମୃଣାଳିନୀ ପାଢୀଙ୍କ ଦ୍ୱାରା ଦାୟର କରିଥିବା ପିଆଇଏଲ୍ ର ଶୁଣାଣି ଗତ ମାସ ୮ ତାରିଖରେ ହୋଇଥିଲା । ସେହି ଶୁଣାଣି ରେ ସୁପ୍ରିମକୋର୍ଟ ଦାନ ଦକ୍ଷିଣା ନେଇ ନିର୍ଦ୍ଦେଶ ରଖିଥିଲେ । ଶ୍ରୀଜଗନ୍ନାଥଙ୍କ ନାମରେ କୌଣସି ଦାନ ଦକ୍ଷିଣାକୁ ସେବାୟତ ସିଧାସଳଖ ଗ୍ରହଣ କରିପାରିବେ ନାହି ବୋଲି କହିଥିଲେ ସର୍ବୋଚ୍ଚ ଅଦାଲତ ।ଶ୍ରୀମନ୍ଦିରରେ ଭକ୍ତ ସମ୍ମୁଖୀନ ହେଉଥିବା ସମସ୍ୟା ଓଏ ସୁପରିଚାଳନାରେ ବ୍ୟତିକ୍ରମ ଓ ଅନ୍ୟାନ୍ୟା ପ୍ରସଙ୍ଗରେ ଜୁନ୍ ୩୦ ସୁଦ୍ଧା ଅନ୍ତରୀଣ ରିପୋର୍ଟ ଦେବାକୁ ପୁରୀ ଜିଲ୍ଲା ଜଜ୍ ଙ୍କୁ ସୁପ୍ରିମକୋର୍ଟ ନିର୍ଦ୍ଦେଶ ବି ଦେଇଥିଲେ । କିନ୍ତୁ ରଥ ଯାତ୍ରା ପ୍ରସ୍ତୁତି କାରଣରୁ ସରକାରଙ୍କ ଗଠିତ ଅନ୍ତରୀଣ କମିଟି ନିର୍ଦ୍ଦାରିତ ସମୟରେ ଅଅନ୍ତରୀଣ ରିପୋର୍ଟ ଦାଖଲ କରିନଥିବା ଜଣାଯାଇଛଇ । ସେପଟେ କିଛି ସେବାୟତ ମଧ୍ୟ ଏହି ମାମଲାରେପକ୍ଷଭୁକ୍ତ ହେବାକୁ ଆବେଦନ କରିଛନ୍ତି । ବରିଷ୍ଠ ଆଇନଜୀବୀ ଗୋପାଲ ସୁବ୍ରମଣିୟମଙ୍କୁ ଏହି ମାମଲାରେ ସୁପ୍ରିମକୋର୍ଟ ଆମିକସକ୍ୟୁରି ନିଯୁକ୍ତ କରିଛନ୍ତି । ଏହି ପରି ପ୍ରେକ୍ଷୀରେ ଆଜିର ଶୁଣାଣିର ଗୁରୁତ୍ବ ରହିଛି ।

193 Views

   ସମ୍ବନ୍ଧିତ ଖବର