ପୁରୀ ୧୯।୧୧: ବ୍ଲୁ ଫ୍ଲାଗ୍ ବିଚ୍ ମାନ୍ୟତା ପାଇବ ପୁରୀ ବେଳାଭୂମି । ଡ଼େନମାର୍କର ଫେଡ଼େରସନ୍ ଅଫ୍ ଏନଭରମେଣ୍ଟାଲ୍ ଏଜୁକେସନ୍ ପୁରୀ ବେଳାଭୂମିକୁ ବ୍ଲୁ ଫ୍ଲାଗ୍ ମାନ୍ୟତା ପ୍ରଦାନ କରିବ। ଏଥିପାଇଁ କେନ୍ଦ୍ର ସରକାର ୧୫ କୋଟି ଟଙ୍କା ଯୋଗାଇଛନ୍ତି। ପ୍ରଶାସନ ପକ୍ଷରୁ ବ୍ଲୁ ଫ୍ଲାଗ୍ ବିଚ୍ ର ବିକାଶ ପାଇଁ ବିଜ୍ଞପ୍ତି ପ୍ରକାଶ ପାଇଛି। ତ୍ରିପୁରାରୁ ଆସିଥିବା ବାଉଁଶରେ ଭଳିକି ଭଳି ନିର୍ମାଣ ଚାଲିଛି।

{"id":186593,"sizeSlug":"large"}

ବଦଳିବ ପୁରୀ ବେଳଭୂମିର ରୂପରେଖ । ଗାନ୍ଧୀଘାଟରୁ ମେଫେୟାର ପର୍ଯ୍ୟନ୍ତ ଅଞ୍ଚଳ ଚମକିବ । ଏହି ଅଞ୍ଚଳକୁ ପାଇଲଟ୍ ବ୍ଲୁ ଫ୍ଲାଗ୍ ବିଚ୍ ଭାବେ ଚିହ୍ନଟ କରାଯାଇ ଉନ୍ନତିକରଣ କାର୍ଯ୍ୟ ଚାଲିଛି।

{"id":186595,"sizeSlug":"large"}

୧୫୦ ମିଟର ଲମ୍ବ ଓ ୩୫ ମିଟର ଓସାରର ଅଞ୍ଚଳକୁ ଗାଧୋଇବା ଓ ପହଁରିବା ପାଇଁ ନିରାପଦ ସ୍ଥାନ ଭାବେ ଚିହ୍ନଟ କରାଯାଇଛି। ଅଞ୍ଚଳରେ ଜଳର ଉତ୍ତମ ଗୁଣବତ୍ତା, ଜୀବନ ସୁରକ୍ଷା ଏବଂ ପରିବେଶ ପରିଚାଳନାର ମାନ ସହିତ ପରିବେଶ ଶିକ୍ଷାର ସଚେତନତା ସୃଷ୍ଟି କରାଯିବ।

{"id":186594,"sizeSlug":"large"}

ଫାଉଣ୍ଡେସନ ଅଫ ଏନଭାର୍ଣ୍ଣମେଣ୍ଟାଲ୍ ଏଜୁକେସନ ସଂସ୍ଥାର ୩୩ ଟି ମାନଦଣ୍ଡକୁ ଅନୁପାଳନ କରିପାରିଲେ ହିଁ ଏହି ପ୍ରକଳ୍ପ ସଫଳ ହେବ।

{"id":186600,"sizeSlug":"large"}

ବିଜ୍ଞପ୍ତି ଅନୁଯାୟୀ ପ୍ରସ୍ତାବିତ ଅଞ୍ଚଳରେ ଜଳକ୍ରୀଡ଼ା, ମାଛ ଧରିବା, ଖୋଲା ମଳତ୍ୟାଗ, ଆବର୍ଜନାର ନିଗର୍ମନ ଆଦି କାର୍ଯ୍ୟକୁ ବାରଣ କରାଯାଇଛି। ୮୦୦ ମିଟର ଇଲାକାରେ ଏହି ପ୍ରକଳ୍ପ ମଧ୍ୟରେ ପର୍ଯ୍ୟଟକ ଅଭ୍ୟର୍ଥନା କେନ୍ଦ୍ର, ବାଥିଂ କମ୍ପ୍ଲେକ୍ସ ଓ ପବ୍ଲିକ୍ ଟଏଲେଟର ବ୍ୟବସ୍ଥା ରହିଛି।    

{"id":186596,"sizeSlug":"large"}

ଯାତ୍ରୀ ବସିବାଠୁ ଆରାମ୍ଭ କରି ଚେୟାର, ଛତା, ଶୌଚାଳୟ ଓ ଷ୍ଟ୍ରିଟ୍ ଲାଇଟ୍ ଲଗାଯିବାର କାର୍ଯ୍ୟ ଚାଲିଛି। ସମୁଦ୍ର ଲୁଣି ପାଣି କ୍ଷତି ନକରିବା ନିମନ୍ତେ ବାଉଁଶରେ ରାସାୟନିକ ପ୍ରଲେପ ଦେଇ କାମ ଚାଲିଛି।

{"id":186597,"sizeSlug":"large"}

ପ୍ରାୟ ୧୭ ଜଣ କାରିଗର ତ୍ରିପୁରାରୁ ଆସିଛନ୍ତି। ସମସ୍ତ କାମ ସରିବାକୁ ଆଉ ପ୍ରାୟ ଏକମାସ ଲାଗିବ। ନୂଆବର୍ଷ ପୂର୍ବରୁ କାମ ଶେଷ କରିବାକୁ ଲକ୍ଷ୍ୟ ରଖାଯାଇଛି।

{"id":186598,"sizeSlug":"large"}

ଉପକୂଳ ଅଞ୍ଚଳର ଦୀର୍ଘସ୍ଥାୟୀ ପର୍ଯ୍ୟଟନକୁ ଦୃଷ୍ଟିରୁ ରଖି ଅଞ୍ଚଳର ଉନ୍ନତିକରଣ କରାଯିବ। ତେବେ ପୁରୀ ସହରର ବାଙ୍କି ମୁହାଣ ଓ ମଙ୍ଗଳା ମୁହାଣ ଯୋଗେ ନିଷ୍କାସିତ ହେଉଥିବା ମଇଳା ପାଣି ସମୁଦ୍ରରେ ମିଶୁଥିବାରୁ ଜଳର ଶୁଦ୍ଧତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।