Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ଶ୍ରୀମନ୍ଦିର ଭିତରେ ପୋଲିସ ଅଧିକାରୀ ଉଠାଇଲେ ଫଟୋ; ଭାଇରାଲ ହେବା ପରେ ଫେସବୁକରୁ କରିଦେଲେ ଡିଲିଟ

8/10/2018 at 1:10 PM

ପୁରୀ ୮/୧୦ : କଥାରେ ଅଛି ମାଛ ଖାଇବ ଇଲିସି ଚାକିରୀ କରିବ ପୁଲିସି | ଏହିଭଳି ଉକ୍ତିର ଅର୍ଥ ହେଲା ପୋଲିସ ଚାକିରୀ ବଡ ଆକର୍ଷଣୀୟ | କ୍ଷମତା ଅଧିକ | ଯାହା ଚାହିଁଲେ ତାହା କରିପାରିବ | ଆଉ କିଏ ଯଦି ବେଶୀ ପଟିକାରେ ତାହେଲେ ନିର୍ଦ୍ୱହୂମ ଛେଚି ହାଜତରେ ଠୁଙ୍କି ଦେବେ | ସେଥିପାଇଁ ପୋଲିସକୁ ସମସ୍ତଙ୍କର ଭୟ | ଏବେ ପୁରୀରେ କିଛି ଦିନ ତଳେ ସାମ୍ବାଦିକ ମାନଙ୍କ ଉପରେ ପୋଲିସର ଆକ୍ରମଣ ତାର ଏକ ନଗ୍ନ ନମୁନା | ସାମ୍ବାଦିକ ମାନଙ୍କ ଉପରେ ଆକ୍ରମଣ, ପୁରୀ ବନ୍ଦ ବେଳେ ବିଭିନ୍ନ ପ୍ରକାର ହିଂସା ଓ ଅଘଟଣ ଆଦି ପ୍ରସଙ୍ଗରେ ପୁରୀ ପୋଲିସର ଛବି ଏକ ପ୍ରକାର ମଳିନ ହୋଇଛି | ଆଉ ଠିକ ଏହି ସମୟରେ ଶ୍ରୀମନ୍ଦିର ଭିତରେ ଜଣେ ପୋଲିସ ଏଏସଆଇ ଫଟୋ ଉଠାଇ ଫେସବୁକରେ ଅପଲୋଡ଼ କରିବା ଘଟଣା ଚର୍ଚ୍ଚାକୁ ଆସିଛି |

ସୂଚନାଯୋଗ୍ୟ ଯେ, ସୁରକ୍ଷା ଦୃଷ୍ଟିରୁ ଶ୍ରୀମନ୍ଦିର ଭିତରେ ଫଟୋ ଉଠିବା ନେଇ କଟକଣା ରହିଛି | ଶ୍ରୀଜିଉଙ୍କୁ ଦର୍ଶନ କରିବାକୁ ଯାଉଥିବା ଭକ୍ତ ଓ ଶ୍ରଦ୍ଧାଳୁମାନେ ନିଜ ନିଜ ମୋବାଇଲ ଓ କ୍ୟାମେରା ବାହାରେ ଛାଡି ଯିବାକୁ ପଡିଥାଏ | ଶ୍ରୀମନ୍ଦିର ମୁଖ୍ୟ ଦ୍ୱାରଗୁଡିକରେ ଏହାର ଯାଞ୍ଚ ମଧ୍ୟ ହୋଇଥାଏ | ଏହି ସବୁ ଫଟୋକୁ ଦେଖନ୍ତୁ | ଫଟୋ ସବୁ ଉଠିଛି ଶ୍ରୀମନ୍ଦିର ଭିତରେ | ଆଉ ଫଟୋରେ ପୋଜ ଦେଇଥିବା ବ୍ୟକ୍ତି ଜଣକ ହେଉଛନ୍ତି ଶ୍ରୀମାନ ଦିଲୀପ ପଣ୍ଡା | ଦିଲୀପ ପଣ୍ଡା ହେଉଛନ୍ତି ପୁରୀରେ କାର୍ଯ୍ୟରତ ଜଣେ ଏଏସଆଇ |

କଥାରେ କୁହାଯାଏ ବାଡ଼ ଯଦି ଫସଲ ଖାଏ ତାହେଲେ କାହାକୁ କୁହାଯିବ | ସୁରକ୍ଷା ଦାୟିତ୍ୱରେ ଥିବା ନିଜେ ପୋଲିସ ଏଏସଆଇ ସୁରକ୍ଷା ନିୟମକୁ ଭଙ୍ଗ କରିବା କେତେ ଗ୍ରହଣୀୟ ? ଅବଶ୍ୟ ଫେସବୁକରେ ଶ୍ରୀଯୁକ୍ତ ପଣ୍ଡା ଫଟୋ ଅପଲୋଡ଼ କରିବା ପରେ ବିବାଦ ସୃଷ୍ଟି ହେବାରୁ ସଂଗେ ସଂଗେ ସେ ପୋଷ୍ଟକୁ ଡିଲିଟ କରିଦେଇଛନ୍ତି | କିନ୍ତୁ ସେ ଯେ ଶ୍ରୀମନ୍ଦିର ଭିତରେ ଫଟୋ ଉଠାଇଛନ୍ତି ଏହା ପ୍ରମାଣିତ | ଏବେ ସମସ୍ତେ ଅପେକ୍ଷା କରିଛନ୍ତି ଆଇନ ଭାଙ୍ଗିଥିବା ଏବଂ ଶ୍ରୀମନ୍ଦିର ସୁରକ୍ଷାକୁ ବିପନ୍ନ କରିଥିବା ଏହି ପୋଲିସ ଅଧିକାରୀଙ୍କ ବିରୋଧରେ କଣ କାର୍ଯ୍ୟାନୁଷ୍ଠାନ ହେଉଛି |
ଅତୀତରେ ଶ୍ରୀମନ୍ଦିର ଉପରେ ଡ୍ରୋନ ଉଡାଇ ଫଟୋ ଉତ୍ତୋଳନ କରିବା ନେଇ ବହୁ ହଂଗାମା ହୋଇଥିଲା | କିନ୍ତୁ ପଣ୍ଡିତ ପୁଅ ମାଙ୍କଡ ମାରିଲେ ଦୋଷ ନାହିଁ | ନ୍ୟାୟରେ ଏଏସଆଇ ଦିଲ୍ଲୀପ ପଣ୍ଡାଙ୍କ ପାଇଁ ଆଇନ ବାଟ ଭାଙ୍ଗି ଚାଲିଯିବନି ତ ?…..

   Related Posts