Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

ଆଇସ୍‌କ୍ରିମ୍ କାଠିରେ କୁନି ରଥ ତିଆରି କରି ଇଣ୍ଡିଆ ବୁକ୍ ଅଫ୍ ରେକର୍ଡ୍ସରେ ସ୍ଥାନ ପାଇଲେ ପୁରୀ ଛାତ୍ର

23/09/2020 at 5:36 PM

ପୁରୀ ୨୩/୦୯ : ଆଇସକ୍ରିମ କାଠିରେ ଏକ ସୁନ୍ଦର ଓ ଅତିକ୍ଷୁଦ୍ର ରଥ ତିଆରି କରି ପୁରୀର ଜଣେ ଛାତ୍ର ଇଣ୍ଡିଆ ବୁକ୍ ଅଫ୍ ରେକର୍ଡ୍ସରେ ସ୍ଥାନ ପାଇଛନ୍ତି । ଏହି ଛାତ୍ର ଜଣଙ୍କ ପୁରୀ ପୌରାଞ୍ଚଳ କୁଂଢ଼ାଇବେଣ୍ଟା ସାହି ବାନାମ୍ବର ମନ୍ଦିର ପାଖର ସତ୍ୟପ୍ରକାଶ ନାୟକ(୧୮) । ସେ ସୂଚନା ଦେଇ କହିଛନ୍ତି, ତାଙ୍କ ପରିବାର ବଂଶାନୁକ୍ରମିକ ଭାବେ ଶ୍ରୀ ଜଗନ୍ନାଥଙ୍କ ଘଣ୍ଟୁଆ ସେବା କରି ଆସୁଛନ୍ତି । ହେଲେ ଚଳିତ ବର୍ଷ କରୋନା ମହାମାରୀ ଯୋଗୁଁ ପ୍ରଶାସନିକ କଟକଣା ହେତୁ ଏହି ସେବାରୁ ବଞ୍ଚିତ ହୋଇଥିଲେ । ତେଣୁ ଏହି ସ୍ମୃତିକୁ ରୋମନ୍ଥନ କରି ଗତ ରଥଯାତ୍ରା ଦିନ ଏହି କ୍ଷୁଦ୍ର ରଥ ନିର୍ମାଣ କରିବା ଆରମ୍ଭ କରିଥିଲେ । ଯାହାକୁ ହେରାପଞ୍ଚମୀ ଦିନ ଶେଷ କରି ମହାପ୍ରଭୁ ଓ ମା’ମହାଲକ୍ଷ୍ମୀଙ୍କ ଚରଣରେ ସମର୍ପଣ କରିଥିଲେ । ଏହି କ୍ଷୁଦ୍ର କଳାକୃତିକୁ ବିଶ୍ୱବିଦିତ କରିବା ନିମନ୍ତେ ଅନଲାଇନ ଯୋଗେ ଇଣ୍ଡିଆ ବୁକ ରେକର୍ଡ୍ସ କର୍ତ୍ତୃପକ୍ଷ ତାଙ୍କ ପାଖକୁ ମେଡାଲ, ସାର୍ଟିଫିକେଟ ପଠାଇଛନ୍ତି । ଯାହାକୁ ପାଇବା ପରେ ତାଙ୍କ ପରିବାର ଲୋକେ ବହୁତ ଖୁସି ହୋଇଛନ୍ତି ।

ସେ ପୁରୀର ଏକ ଘରୋଇ କଲେଜରେ ଅଧ୍ୟୟନ କରୁଛନ୍ତି । ତାଙ୍କ ବାପା କିମ୍ବା ପରିବାର ସଦସ୍ୟ ପ୍ରତିବର୍ଷ ରଥ ଟଣା ବେଳେ ତାଳଧ୍ୱଜ ରଥ ଉପରେ ଓ ପହଣ୍ଡିରେ ଘଣ୍ଟ ବଜାଇଥାନ୍ତି । କିନ୍ତୁ ଚଳିତ ବର୍ଷ ଏହି ସୁଯୋଗ ମିଳିନଥିବାରୁ ଘରେ ବସି ୫ ଦିନ ଭିତରେ ୬୫୦ ଆଇସକ୍ରିମ୍ କାଠି ବ୍ୟବହାର କରି ନନ୍ଦିଘୋଷ ରଥ ନିର୍ମାଣ କରିଥିଲେ । ମହାପ୍ରଭୁ, ପିତା ବାଳକୃଷ୍ଣ ନାୟକ, ମାତା ରାଜଲକ୍ଷ୍ମୀଙ୍କ ଆଶୀର୍ବାଦ ଯୋଗୁଁ ସଫଳ ହୋଇପାରିଛନ୍ତି ବୋଲି ସେ କହିଛନ୍ତି । 

   Related Posts