Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଏମାର ମଠରୁ ବିଜୁଳି ଓ ପାଣି ଯୋଗାଣ କାଟିଲା ଜିଲ୍ଲା ପ୍ରଶାସନ

31/08/2019 at 4:55 PM

ପୁରୀ ୩୧|୮: ପୁରୀ ଏମାର ମଠର ବିଦ୍ୟୁତ୍ ଓ ପାଣି ସଂଯୋଗ କାଟିଲା ଜିଲ୍ଲା ପ୍ରଶାସନ । ବର୍ତ୍ତମାନ ବଣିଆପଟିରେ ଉଚ୍ଛେଦ କାର୍ଯ୍ୟ ଜାରି ରହିଛି । ଉଚ୍ଛେଦ ଫଳରେ ୧୧ଟି ସୁନା ଦୋକାନ ମାଟିରେ ମିଶିଯିବ । ବଡଆଖଡା ମଠ ଖାଲି କରାଯାଉଥିବାବେଳେ ଆସନ୍ତାକାଲି ବାଡଆଖଡା ମଠ ଉପରେ ବୁଲଡୋଜର ଚାଲିବା ନେଇ ସୂଚନା ମିଳିଛି ।

ପୁରୀରେ ଏମାର ମଠ ଉଚ୍ଛେଦ ଅଭିଯାନ ଚତୁର୍ଥ ଦିନରେ ପହଂଚିଥିବା ବେଳେ ସମସ୍ତଙ୍କ ନଜର ଅଟକି ରହିଛି ମଠ ମହନ୍ତଙ୍କ ଉପରେ । ଗୋଟିଏ ପଟେ ଏମାର ମଠର ଉଚ୍ଛେଦ ପ୍ରକ୍ରିୟା ଜାରି ରହିଛି ଏବଂ ମଠ ଉପରେ ବୁଲଡୋଜର ଚାଲିଥିବା ବେଳେ ଅନ୍ୟପଟେ କିନ୍ତୁ ମଠ ଛାଡୁ ନାହାଁନ୍ତି ମହନ୍ତ । ମଠର ଏକ ଗୃହ ଭିତରେ ପଶି ରହିଛନ୍ତି ମହନ୍ତ ରାଜଗୋପାଳ ରାମାନୁଜ ଦାସ । ପ୍ରଶାସନର ନୋଟିସ, ବୁଝାସୁଝା ପରେ ବି ବାହାରକୁ ଆସୁନାହାଁନ୍ତି ମହନ୍ତ । ମଠ ମହନ୍ତଙ୍କୁ ବୁଝାସୁଝା କରି ମୁଖ୍ୟ କୋଠା ଉଚ୍ଛେଦ କରିବାକୁ ଅଣ୍ଟା ଭିଡିଛି ପୁରୀ ପ୍ରଶାସନ । କାରଣ, ଏମାର ମଠ ପରେ ବଡ ଆଖଡା ମଠ ଭାଂଗିବାକୁ ଅଂଟା ଭିଡିଛି ପ୍ରଶାସନ । ଅପରାହ୍ନ ସୁଦ୍ଧା ଦୋକାନ ଘର ଖାଲି କରିବାକୁ ନିର୍ଦ୍ଦେଶ ଦିଆଯାଇଛି ।

ଅନ୍ୟପଟେ ଗତକାଲି ତୃତୀୟ ଦିନର ଉଚ୍ଛେଦ ବେଳେ ଏମାର ମଠ ପରିସରେ ପୁଣି ଏକାଧିକ ଗୁପ୍ତ କୋଠରୀ ସାମ୍ନାକୁ ଆସିଛି । ତେବେ ବିପଦସଙ୍କୁଳ ଘୋଷିତ ଏହି ପୁରୁଣା କୋଠାକୁ ସପୂର୍ଣ୍ଣ ଭଂଗାଯାଇପାରିନାହିଁ । ମଠ ମହନ୍ତ ମଠ ଛାଡିବାକୁ ନାରାଜ । ମହନ୍ତ ଅରାଜି ହେବା ସହ ଏମାର ମଠର ରହଣି ସ୍ଥାନ ଓ ଗୁପ୍ତ କୋଠରୀକୁ ନେଇ ଉତ୍ସୁକତା ଆହୁରି ବଢିବାରେ ଲାଗିଛି ।

   Related Posts