କୋଣାର୍କ ୩୧।୭: କୋଣାର୍କ ମନ୍ଦିର ତଥା କୋଣାର୍କ ସହରର ବିକାଶ ପାଇଁ ଦୀର୍ଘ ଦିନ ଧରି ଚାଲୁ ରହିଥିବା ପ୍ରୟାସକୁ ଅନୁଧ୍ୟାନ ଓ ସ୍ଥିତି ପରଖିବା ପାଇଁ ଆଜି ପୂର୍ବାହ୍ନରେ ପୁରୀ ଜିଲ୍ଲାପାଳ ବଲଓ୍ବନ୍ତ ସିଂ ଓ ପର୍ଯ୍ୟଟନ ନିର୍ଦ୍ଦେଶକ ସଚିନ ଯାଦବ କୋଣାର୍କରେ ପହଞ୍ଚିଥିଲେ ।
{"id":308060,"sizeSlug":"large"}ପ୍ରଥମେ ରାମଚଣ୍ଡୀ ପରେ ଚନ୍ଦ୍ରଭାଗା ପରିଦର୍ଶନ କରି କୋଣାର୍କ ମନ୍ଦିର, ଅର୍ବାନ ହାଟ ଓ କୋଣାର୍କ ବଜାରକୁ ବୁଲି ଦେଖିଥିଲେ । କୋଣାର୍କ ବଜାର ଓ କୋଣାର୍କ ମନ୍ଦିରର ସୌନ୍ଦର୍ଯ୍ୟକରଣ କିପରି କରାଯାଇପାରିବ ସେ ନେଇ ଅଧିକ ଆଲୋଚନା ମଧ୍ୟ କରିଥିଲେ ।
{"id":308061,"sizeSlug":"large"}ଏହାସହ କୋଣାର୍କରେ କରୋନାର ସ୍ଥିତି ଅନୁଧ୍ୟାନ କରି କୋଣାର୍କ ଅଞ୍ଚଳବାସୀ କୋଭିଡ୍ ନିୟମ ପାଳନ କରି ସଂକ୍ରମଣକୁ ଯେଉଁ ଭଳି ରୋକିଛନ୍ତି ତାକୁ ମଧ୍ୟ ପ୍ରଶଂସା କରିଥିଲେ । ଦୀର୍ଘ ଦିନ ଧରି ବନ୍ଦ ରହିଥିବା କୋଣାର୍କ ମନ୍ଦିର ପର୍ଯ୍ୟଟକଙ୍କ ପାଇଁ ଆଗାମୀ ଦିନରେ ସଂକ୍ରମଣକୁ ଦୃଷ୍ଟିରେ ରଖି କେବେ ଓ କିପରି ସାମାଜିକ ଦୂରତା ମାସ୍କ ପରିଧାନକୁ କଡାକଡି ଭାବେ ପାଳନ କରାଯାଇ ଖୋଲାଯିବ ତାହାର ନିଷ୍ପତ୍ତି ନିଆଯିବ ବୋଲି ଜିଲ୍ଲାପାଳ ବଲଓ୍ବନ୍ତ ସିଂ ପ୍ରକାଶ କରିଛନ୍ତି।