ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

ଶ୍ରୀମନ୍ଦିର ଭିତରେ ଫଟୋ ଉଠାଇ ନିଲମ୍ବନ ହେଲେ ପୋଲିସ ଅଧିକାରୀ

8/10/2018 at 3:11 PM

ପୁରୀ ୮/୧୦ : ଶ୍ରୀମନ୍ଦିର ଭିତରେ ଫଟୋ ଉଠାଇ ଫେସବୁକରେ ଫଟୋ ଅପଲୋଡ଼ କରିଥିବା ଏଏସଆଇଙ୍କୁ ନିଲମ୍ବିତ କରାଯାଇଛି | ପୁରୀ ଏସପି ନିଲମ୍ବନ ଆଦେଶ ଦେଇଛନ୍ତି |
ସୂଚନାଯୋଗ୍ୟ ଯେ, ଏଏସଆଇ ଦିଲ୍ଲୀପ ପଣ୍ଡା ଆଜି ମହାଳୟାରେ ପିତୃ ଶ୍ରାଦ୍ଧ ପାଇଁ ଶ୍ରୀମନ୍ଦିରକୁ ଯାଇଥିଲେ | ବାଇଶି ପାହାଚରେ ପିଣ୍ଡଦାନର ଫଟୋ ସାଙ୍ଗକୁ ପତିତପାବନଙ୍କ ଗୁମୁଟ ଏବଂ ଅନ୍ୟାନ୍ୟ ସ୍ଥାନରେ ଦିଲ୍ଲୀପ ଫଟୋ ଉଠାଇଥିଲେ | ଏହି ଫଟୋକୁ ମଧ୍ୟ ସେ ନିଜ ଫେସବୁକ ଆକାଉଣ୍ଟରେ ଅପଲୋଡ଼ କରିଥିଲେ | ଏହା ଗଣମାଧ୍ୟମରେ ଚର୍ଚ୍ଚା ହେବାପରେ ଦିଲ୍ଲୀପ ପଣ୍ଡା ନିଜ ଆକାଉଣ୍ଟରୁ ଫଟୋ ସବୁ ଡିଲିଟ କରିଥିଲେ | ତେବେ ପୁରୀ ଏସପି ସାର୍ଥକ ଷଡ଼ଙ୍ଗୀ ଏଏସଆଇଙ୍କୁ ନିଲମ୍ବିତ କରିଥିଲେ |
ଦିଲ୍ଲୀପ ପଣ୍ଡା ଉଠାଇଥିବା ଫଟୋ ମଧ୍ୟରୁ କିଛି ସେଲଫି ହୋଇଥିବା ବେଳେ କେହି ଦ୍ୱିତୀୟ ବ୍ୟକ୍ତି ଫଟୋ ଉଠାଇଥିବା ଜଣାପଡିଛି | ଏହି ଦ୍ୱିତୀୟ ବ୍ୟକ୍ତି କିଏ ଏବଂ ତାଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ହେବ ନାହିଁ ବୋଲି ପ୍ରଶ୍ନ ଉଠିଛି |
ସୂଚନାଯୋଗ୍ୟ ଯେ, ମନ୍ଦିରର ସୁରକ୍ଷା ଦୃଷ୍ଟିରୁ ମନ୍ଦିର ମଧ୍ୟକୁ ମୋବାଇଲ ବା କ୍ୟାମେରା ନେଇ ଯିବା ଉପରେ କଟକଣା ରହିଛି | ଜଣେ ପୋଲିସ ଅଧିକାରୀ ହୋଇ ମଧ୍ୟ ଦିଲ୍ଲୀପ ପଣ୍ଡା ଏହି ନିୟମକୁ ଉଲଂଘନ କରିଥିଲେ |

   Related Posts