Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣାକଲା ଆପ୍‌, ତାଲିକାରେ ଅନେକ ଉଚ୍ଚ ଶିକ୍ଷିତ
  • ||
  • ଆସେସ୍‌ ସିରିଜ୍ କବଜା କଲା ଅଷ୍ଟ୍ରେଲିଆ, ଇଂଲଣ୍ଡକୁ ୪-୦ରେ ମୂଳପୋଛ କରି ଇତିହାସ ରଚିଲା କଙ୍ଗାରୁ ବାହିନୀ
  • ||
  • ରବିବାର ରାଜ୍ୟରେ ସୁସ୍ଥହେଲେ ରେକର୍ଡ ୪୪୫୨ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୦୦୩ଜଣ ଡିସଚାର୍ଜ
  • ||
  • ମୋହନା: ଅଟୋ-ବାଇକ ମୁହାଁମୁହିଁ ଧକ୍କା, ଜଣେ ମୃତ, ୭ ଆହତ
  • ||
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||

ଶ୍ରୀମନ୍ଦିର ଚାରିପାଖରୁ ୭୫ ମିଟର ଜମି ଅଧିଗ୍ରହଣ ପାଇଁ ପ୍ରକାଶ ପାଇଲା ବିଜ୍ଞପ୍ତି -ଲାଗିଲା ଲଟ୍କା

26/09/2019 at 5:37 PM

ପୁରୀ ୨୬।୦୯ – ଶ୍ରୀମନ୍ଦିର ଚାରିପାଖରୁ ୭୫ ମିଟର ପରିଧି ଭିତରେ ଜମି ଅଧିଗ୍ରହଣ ପୂର୍ବରୁ ସର୍ବେକ୍ଷଣ ପାଇଁ ବିଜ୍ଞପ୍ତି ପ୍ରକାଶ ପାଇବା ପରେ ଏହାକୁ ନେଇ  ପ୍ରଶାସନିକ ସ୍ତରରେ ତତ୍ପରତା ଦେଖିବାକୁ ମିଳିଛି । ପୁରୀ ପାଇଁ ନବନିଯୁକ୍ତ ୫ ଜଣ ଆଇଏଏସ ଏବଂ ୫ଜଣ ଓଏଏସଙ୍କୁ ନେଇ ୫ ଟି ଟିମ୍ ଗଠନ କରିଛନ୍ତି ଜିଲ୍ଲାପାଳ। ନବକୃଷ୍ଣ ଚୌଧୁରୀ ଫର ଡ଼େଭଲପମେଣ୍ଟ ଷ୍ଟଡିଜ ପକ୍ଷରୁ ଆରମ୍ଭ ହେବାକୁ ଥିବା ଏହି ସର୍ବେକ୍ଷଣ ପାଇଁ ପ୍ରସ୍ତାବିତ ଭୂମି ଅଧିଗ୍ରହଣ ସୂଚୀ ମଧ୍ୟ ସର୍ବସାଧାରଣରେ ଜାରି କରାଯାଇଛି । ତେବେ ଏପଟେ ପ୍ରଶାସନର ପ୍ରସ୍ତୁତି ଚାଲିଥିବା ବେଳେ ସେପଟେ ବିସ୍ଥାପିତ ହେବାକୁ ଥିବା ଲୋକେ କିନ୍ତୁ ଏହି ସର୍ବେକ୍ଷଣ ପ୍ରକ୍ରିୟାକୁ ଦୃଢ଼ ବିରୋଧ କରିଛନ୍ତି ।…. 

ବାହାରିଲା ବିଜ୍ଞପ୍ତି । ଲାଗିଲା ଲଟ୍‌କା । ଶ୍ରୀମନ୍ଦିର ଚାରିପାଖରେ ୭୫ମିଟର ପରିଧି ଭିତରେ ଥିବା ଜମି ଅଧିଗ୍ରହଣ ପୂର୍ବରୁ ସର୍ବେକ୍ଷଣ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଏଥି ସହ ପ୍ରସ୍ତାବିତ ଭୂମି ଅଧିଗ୍ରହଣ ନେଇ ସମ୍ପୂର୍ଣ୍ଣ ବିବରଣୀ ରହିଥିବା ଲଟକା ମଧ୍ୟ ଲଗାଯାଇଛି । ଏବେ ସର୍ବେକ୍ଷଣ ପ୍ରକ୍ରିୟା ପାଇଁ ବ୍ଲୁ ପ୍ରିଣ୍ଟ ପସ୍ତୁତ କରିଛି ଜିଲ୍ଲା ପ୍ରଶାସନ । ସର୍ବେକ୍ଷଣ କାର୍ଯ୍ୟ ତଦାରଖ ପାଇଁ ୫ଟି ଟିମ୍ ଗଠନ କରାଯାଇଛି । ଯେଉଁଥିରେ ନବନିଯୁକ୍ତ ୫ ଆଇଏଏସ ଏବଂ ୫ ଓଏଏସ ଅଛନ୍ତି । ନବକୃଷ୍ଣ ଚୌଧୁରୀ ଫର ଡେଭେଲପ୍ମେଣ୍ଟ ଷ୍ଟଡିଜ ତରଫରୁ ଘର ଘର ବୁଲି ଏହି ସର୍ବେକ୍ଷଣ କାର୍ଯ୍ୟ କରାଯିବ । ଏଥି ସହ ଏନେଇ ଜନଶୁଣାଣୀ ମଧ୍ୟ କରାଯିବ ବୋଲି ପୁରୀ ଜିଲ୍ଲାପାଳ ବଲଓ୍ୱନ୍ତ ସିଂ ସୂଚନା ଦେଇଛନ୍ତି । 

ଏହି ସର୍ବେକ୍ଷଣରେ ସମୁଦାୟ ଅଧିଗ୍ରହଣ ହେବାକୁ ଥିବା ୧୫.୧୯୧ ଏକର ଜମିକୁ ସାମିଲ କରାଯିବ। ରାସ୍ତା ଓ ଗୃହ ନିର୍ମାଣ ବିଭାଗ ପକ୍ଷରୁ ୫ଟି ସାହି ଯେମିତିକି ଚୁଡ଼ଙ୍ଗ ସାହି, ବାସେଳୀ ସାହି, ମଣିକର୍ଣ୍ଣିକା ସାହି, କାଳିକା ଦେବୀ ସାହି, ଦୋଳମଣ୍ଡପ ସାହିର ୧୨.୫୪୪ ଏକର ଘରୋଇ ଜମିର ସର୍ବେକ୍ଷଣ ହେବ । ଏପଟେ ପ୍ରସ୍ତାବିତ ଭୂମି ଅଧିଗ୍ରହଣ ନେଇ ସମ୍ପୂର୍ଣ୍ଣ ବିବରଣୀ ଲଟକା ମାଧ୍ୟମରେ ଜାରି କରାଯାଇଥିବା ବେଳେ ଏହାକୁ ନେଇ ସ୍ଥାନୀୟ ବାସିନ୍ଦାଙ୍କ ଭିତରେ ଅସନ୍ତୋଷ ଦେଖିବାକୁ ମିଳିଛି । ତେବେ ପ୍ରଶାସନର ଏହି ସର୍ବେକ୍ଷଣ କାର୍ଯ୍ୟକୁ ସେମାନେ ବିରୋଧ କରିବେ ବୋଲି କହିଛନ୍ତି ।

ସର୍ବେକ୍ଷଣ ସମୟରେ ସ୍ଥାନୀୟ ଲୋକମାନଙ୍କ ସହ ସାମୁହିକ ଆଲୋଚନା, ଜନ ଶୁଣାଣୀ କରାଯିବ । ଏକ ମାସ ଭିତରେ ସର୍ବେକ୍ଷଣ ଶେଷ ହେବା ପରେ ଜମି ଅଧିଗ୍ରହଣ ନେଇ ଚୁଡ଼ାନ୍ତ ବିଜ୍ଞପ୍ତି ପ୍ରକାଶ ପାଇବ ବୋଲି  ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।  

   Related Posts