Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଅନଲାଇନ୍ ପାଠପଢା ପାଇଁ ଦ୍ବାଦଶ ଶ୍ରେଣୀ ଛାତ୍ରଙ୍କୁ ୧.୭୮ଲକ୍ଷ ସ୍ମାର୍ଟଫୋନ୍ ଦେବେ ପଞ୍ଜାବ ସରକାର

7/08/2020 at 1:15 PM

ଚଣ୍ଡୀଗଡ ୭।୮: ଦେଶରେ କରୋନା ଭାଇରସ୍ ସଂକ୍ରମଣ ହେତୁ ସ୍କୁଲ ଓ କଲେଜ ବନ୍ଦ ରହିଛି । ଏହି ପରିସ୍ଥିତିରେ ଛାତ୍ରଛାତ୍ରୀମାନଙ୍କୁ ଅନଲାଇନ୍ ଶିକ୍ଷା ଦିଆଯାଉଛି । ଯେଉଁ ଛାତ୍ରଛାତ୍ରୀମାନଙ୍କ ପାଖରେ କମ୍ପ୍ୟୁଟର କିମ୍ବା ସ୍ମାର୍ଟଫୋନର ସୁବିଧା ନାହିଁ ସେମାନେ ଅନଲାଇନ୍ ପାଠପଢାରେ ଅସୁବିଧାର ସମ୍ମୁଖୀନ ହେଉଛନ୍ତି । ଏଭଳି ପରିସ୍ଥିତିରେ ପଞ୍ଜାବର ଛାତ୍ରଛାତ୍ରୀମାନଙ୍କ ପାଇଁ ପଞ୍ଜାବ ସରକାରଙ୍କ ଏଭଳି ନିଷ୍ପତ୍ତି ଲାଭଦାୟକ ସାବ୍ୟସ୍ତ ହେବ । ବାସ୍ତବରେ, ପଞ୍ଜାବ ସରକାରଙ୍କ ମନ୍ତ୍ରୀମଣ୍ଡଳ ବୁଧବାର ଦିନ ସରକାରୀ ବିଦ୍ୟାଳୟରେ ପଢୁଥିବା ଦ୍ବାଦଶ ଶ୍ରେଣୀ ଛାତ୍ରଛାତ୍ରୀମାନଙ୍କୁ ୧.୭୮ ଲକ୍ଷ ସ୍ମାର୍ଟଫୋନ୍ ବାଣ୍ଟିବାକୁ ନିଷ୍ପତ୍ତି ନେଇଛନ୍ତି ।

ଏଥିପାଇଁ ରାଜ୍ୟ ସରକାର ନଭେମ୍ବର ପର୍ଯ୍ୟନ୍ତ ସମୟ ଧାର୍ଯ୍ୟ କରିଛନ୍ତି । ଏହି ମୋବାଇଲ୍ ଫୋନ୍ ବଣ୍ଟନ କରିବା ପୂର୍ବରୁ ଶିକ୍ଷା ବିଭାଗ ଏକାଦଶ ଶ୍ରେଣୀ ଏବଂ ଦ୍ବାଦଶ ଶ୍ରେଣୀ ସମ୍ବନ୍ଧିତ ଇ-ବିଷୟବସ୍ତୁ, ‘ଇ-ସେବା ଆପ୍’ ଭଳି ସରକାରୀ ଆପ୍ଲିକେଶନଗୁଡିକୁ ଲୋଡ୍ କରିବେ । ବିତରଣର ପଦ୍ଧତି ମଧ୍ୟ ସ୍ଥିର ହୋଇଛି । ଏକ ରିପୋର୍ଟ ଅନୁଯାୟୀ ପ୍ରଥମ ବ୍ୟାଚ୍ ରେ ୫୦,୦୦୦ ଫୋନ୍ ବଣ୍ଟନ ହୋଇସାରିଛି । ସମାନ ସଂଖ୍ୟକ ଫୋନ୍ ନଭେମ୍ବର ସୁଦ୍ଧା ବଣ୍ଟନ କରାଯିବ ।

ଏହା ପୂର୍ବରୁ ସରକାର ଘୋଷଣା କରିଥିଲେ ଯେ ଏହି ଫୋନଗୁଡିକ କେବଳ ଝିଅମାନଙ୍କୁ ଦିଆଯିବ । କିନ୍ତୁ ପରେ ମୁଖ୍ୟମନ୍ତ୍ରୀ ଅମରିନ୍ଦର ସିଂ କହିଛନ୍ତି ଯେ, ଦ୍ବାଦଶ ଶ୍ରେଣୀର ଛାତ୍ରମାନଙ୍କ ଉପରେ କୌଣସି ପ୍ରଭାବ ନପଡୁ, ତେଣୁ ସ୍ମାର୍ଟ ଫୋନ୍ ନଥିବା ପୁଅ ଏବଂ ଝିଅମାନଙ୍କୁ ଫୋନ୍ ଦିଆଯିବ ।

ବାସ୍ତବରେ, ଦ୍ବାଦଶ ଶ୍ରେଣୀ ଛାତ୍ରଙ୍କୁ ସ୍ମାର୍ଟ ଦେବାର ନିଷ୍ପତ୍ତି ସେପ୍ଟେମ୍ବର ୨୦୧୯ରେ ନିଆଯାଇଥିଲା ଏବଂ ଏଥିପାଇଁ ଏକ କ୍ୟାବିନେଟ୍ ବୈଠକ ବସିଥିଲା । ଏକ ମୋବାଇଲ୍ କମ୍ପାନୀ ସହିତ ଚୁକ୍ତିନାମା ସ୍ବାକ୍ଷରିତ ହୋଇଥିଲା କିନ୍ତୁ ମୋବାଇଲ୍ ଫୋନ୍ ରସିଦ ଏବଂ ବିତରଣ ପାଇଁ ଧାର୍ଯ୍ୟ ସମୟ ମଧ୍ୟରେ କରୋନା ମହାମାରୀ ବ୍ୟାପିଥିଲା । ଯେଉଁଥିପାଇଁ ଏହି କାର୍ଯ୍ୟ ଅଧାରେ ରହିଯାଇଥିଲା ।

ସୂଚନାଯୋଗ୍ୟ ଯେ, ପଞ୍ଜାବ ବିଧାନସଭା ନିର୍ବାଚନ ସମୟରେ ଅମରିନ୍ଦର ସିଂ ଏପରି କରିବାକୁ ପ୍ରତିଶ୍ରୁତି ଦେଇଥିଲେ ।

   Related Posts