Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ଥମୁନାହିଁ କରୋନା ପ୍ରକୋପ, ପଞ୍ଜାବରେ ମେ ୧ ପର୍ଯ୍ୟନ୍ତ ବଢିଲା ଲକ୍‌ଡାଉନ୍‌

10/04/2020 at 5:22 PM

ଚଣ୍ଡିଗଡ ୧୦।୦୪: କରୋନା  ଭାଇରସର ବଢୁଥିବା ପ୍ରକୋପକୁ ଦୃଷ୍ଟିରେ ରଖି ପଞ୍ଜାବ ସରକାର ରାଜ୍ୟରେ ଲକ୍‌ଡାଉନ୍‌ ମେ ୧ ପର୍ଯ୍ୟନ୍ତ ବଢାଇବାକୁ ନିଷ୍ପତ୍ତି ନେଇଛନ୍ତି। ଚଣ୍ଡିଗଡରେ କ୍ୟାବିନେଟ୍ ବୈଠକ ପରେ ଅମରିନ୍ଦର ସିଂହ ସରକାର ଏହି ନିଷ୍ପତ୍ତି ନେଇଛନ୍ତି। ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ କରୋନା ଭାଇରସ୍ ଲଢେଇକୁ ନେଇ ବଡ ବୟାନ ଦେଇଛନ୍ତି ଯେ, ଭାରତରେ ସେପ୍ଟେମ୍ବର ସୁଦ୍ଧା ୫୮ ପ୍ରତିଶତ ଲୋକ କରୋନା  ଭାଇରସ୍ ସଂକ୍ରମଣର ଶିକାର ହୋଇ ପାରନ୍ତି। ଡାକ୍ତର ଓ  ବୈଜ୍ଞାନିକଙ୍କ ଗବେଷଣାରୁ ଏମିତି ଆଶଙ୍କା କରାଯାଉଥିବା ସେ କହିଛନ୍ତି। ମୁଖ୍ୟମନ୍ତ୍ରୀ ଲକ୍‌ଡାଉନ୍‌ର ଅବଧି ଆଗକୁ ବଢାଇବା ନେଇ ପୂର୍ବରୁ ସଙ୍କେତ ଦେଇ  କହିଥିଲେ ଯେ, ସଂପ୍ରତି ରାଜ୍ୟରୁ ଲକ୍‌ଡାଉନ୍‌ ହଟାଇବା ଏହା ଉଚିତ୍ ସମୟ ନୁହଁ।

ପଞ୍ଜାବରେ କରୋନା ସଂକ୍ରମିତ ସଂଖ୍ୟା ୧୩୦କୁ ବୃଦ୍ଧି ଘଟିଛି। ୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ୪ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ପଞ୍ଜାବ ସରକାର ମହାମାରୀର ପ୍ରକୋପକୁ ଦୃଷ୍ଟିରେ ରଖି ରାଜ୍ୟରେ ମାସ୍କ ପିନ୍ଧିବା ଗୁରୁବାର ବାଧ୍ୟତାମୂଳକ କରିଥିଲେ। ମୁଖ୍ୟମନ୍ତ୍ରୀ ନିଜ ନିଷ୍ପତ୍ତିର ସୂଚନା ଦେଇ କହିଛନ୍ତି ଯେ, ପଞ୍ଜାବରେ ଏବେ ମାସ୍କ ପିନ୍ଧିବା ବାଧ୍ୟତାମୂଳକ। ଯେବେ ବି କିଛି ଜରୁରୀକାଳୀନ କାମ ପଡେ କିମ୍ବା ଅତ୍ୟାବଶ୍ୟକ ସାମଗ୍ରୀ ପାଇଁ ଘରୁ ବାହାରୁଛନ୍ତି ତେବେ ମୁହଁରେ ମାସ୍କ ଲଗାନ୍ତୁ।

ପଞ୍ଜାବରେ ଏ ପର୍ଯ୍ୟନ୍ତ ୧୭ ଜିଲ୍ଲାରେ କୋଭିଡ୍-୧୯ ପଜିଟିଭ୍ ରୋଗୀ ଚିହ୍ନଟ ହୋଇ ସାରିଛନ୍ତି। ଏହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଅମରିନ୍ଦର ସିଂହ କେନ୍ଦ୍ର ସରକାରଙ୍କ ଦ୍ଵାରା ଘୋଷିତ ୨୧ ଦିନିଆ ଲକ୍‌ଡାଉନ୍‌କୁ ମେ ୧ ପର୍ଯ୍ୟନ୍ତ ବଢାଇବାକୁ ନିଷ୍ପତ୍ତି ନେଇଛନ୍ତି। ସରକାରଙ୍କ ଅନୁଯାୟୀ ଏହା ଏକ ମାତ୍ର ବିକଳ୍ପ ଯାହା ଜରିଆରେ କରୋନା ପ୍ରକୋପକୁ ନିୟନ୍ତ୍ରଣରେ ରଖି ପାରିବା।

   Related Posts