ପୂର୍ବତନ ବିଧାୟକ ଅଖିଲେଶ ସିଂହଙ୍କ ଝିଅଙ୍କ ବିବାହ ଚଳିତ ମାସ ୨୧ ତାରିଖରେ ହେବ। ରାୟବରେଲୀରେ ବିବାହର ଚର୍ଚ୍ଚା ଜୋର ଧରିଛି। କଂଗ୍ରେସ ବିଧାୟକ ଅଦୀତି ସିଂହ ୨୧ ତାରିଖରେ ପଞ୍ଜାବର କଂଗ୍ରେସ ବିଧାୟକ ଅଙ୍ଗଦ ସୈନୀଙ୍କୁ ବିବାହ କରିବେ। ଉଭୟଙ୍କ ବିବାହ ନୂଆଦିଲ୍ଲୀରେ ହେବ। ଅଙ୍ଗଦ ଓ ଅଦୀତି ଦୁହେଁ ୨୦୧୭ ମସିହାରେ ବିଧାୟକ ହୋଇଥିଲେ ଓ ଉଭୟଙ୍କର ରାଜନୈତୀକ ପରିବାରରେ ଜନ୍ମ।

ଅଙ୍ଗଦ ୨୦୧୭ ମସିହାରେ ନିଜ ରାଜନୀତି କ୍ୟାରିଅର ଆରମ୍ଭ କରିଥିଲେ। ଯୁବ ବିଧାୟକ ଅଙ୍ଗଦ ଅନେକ ଜଣଙ୍କ ପାଇଁ ଉଦ୍‌ହାରଣ ପାଲଟିଛନ୍ତି। ଅପରପକ୍ଷରେ ଅଦୀତି ମଧ୍ୟ ଜଣେ ଏମିତି ବିଧାୟକ ଯିଏ ୨୦୧୭ ମସିହାରେ ୯୦୦୦୦ରୁ ଅଧିକ ଭୋଟ ସହ ରାୟବରେଲୀ ସଦରର ସିଟ୍‌ ଜିତି ନିର୍ବାଚନରେ ବିଜୟୀ ହୋଇଥିଲେ।

ନିକଟରେ ରାହୁଲ ଗାନ୍ଧିଙ୍କ ସହ ନିର୍ବନ୍ଧ ନେଇ ଅଦୀତି ଖୁବ ଚର୍ଚ୍ଚାରେ ଥିଲେ ଯାହା ସମ୍ପୂର୍ଣ୍ଣ ମିଛ ଥିଲା। ଏନେଇ ଅଦୀତି ନିଜ ପ୍ରକ୍ରିୟା ମଧ୍ୟ ଦେଇଥିଲେ ଯେ, ରାହୁଲଙ୍କୁ ସେ ନିଜ ଭାଇ ଭଳି ମାନନ୍ତି। ଏବେ ଅଦୀତିଙ୍କ ବିବାହ ସୋସିଆଲ ମିଡିଆରେ ଚର୍ଚ୍ଚାର କାରଣ ହୋଇଛି।