Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଇତିହାସରେ ହୋଇଥିବା ଭୁଲଗୁଡିକୁ ଏବେ ସୁଧାରୁଛି ଭାରତ’, କଂଗ୍ରେସକୁ ଟାର୍ଗେଟ୍ କରି ବର୍ଷିଲେ ପ୍ରଧାନମନ୍ତ୍ରୀ ମୋଦି
  • ||
  • ରବିବାର ରାଜ୍ୟରେ ସୁସ୍ଥହେଲେ ଆଉ ୧୦,୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୫୩୨ ଜଣ ଡିସଚାର୍ଜ
  • ||
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||

୫୮ ବର୍ଷ ପରେ ପୁଣି ଥରେ..ଜାଣନ୍ତୁ ଦେଶରେ କେଉଁଠି କେବେ କେବେ ହୋଇଛି ହାଇପ୍ରୋଫାଇଲ ଚପର କ୍ରାସ

8/12/2021 at 10:27 PM

ନୂଆଦିଲ୍ଲୀ ୮।୧୨: ଦେଶର ପ୍ରଥମ ଚିଫ୍ ଅଫ ଡିଫେନ୍ସ ଷ୍ଟାଫ (ସିଡିଏସ୍) ଏବେ ପରଲୋକରେ। ତାମିଲନାଡୁ କୁନ୍ନୁରରେ ଏକ ସୈନ୍ୟ ହେଲିକପ୍ଟର ଦୁର୍ଘଟଣାରେ ସପତ୍ନିକ ପ୍ରାଣ ହରାଇଛନ୍ତି। ତେବେ ଦେଶରେ ବରିଷ୍ଠ ସେନା ଅଧିକାରୀଙ୍କ ସହ ଏହା ପ୍ରଥମ ବିମାନ ଦୁର୍ଘଟଣା ନୁହେଁ। ଏହା ପୂର୍ବରୁ ମଧ୍ୟ ଏହିପରି ଦୁର୍ଘଟଣାରେ ହାଇପ୍ରୋଫାଇଲ ସୈନ୍ୟ ଅଧିକାରୀ ପ୍ରାଣ ହରାଇଥିବାର ନଜିର ରହିଛି। ତେବେ ଦେଶରେ ପ୍ରାୟ ୫୮ ବର୍ଷ ବାଦେ ଦ୍ୱିତୀୟବାର ଏପରି ଦୁର୍ଘଟଣା ହୋଇଥିବା ବେଳେ ସିଡିଏସ୍ ବିପିନ ସିଂ ରାୱାତ ଓ ତାଙ୍କ ପତ୍ନୀ ମଧୁଲିକା ରାୱତଙ୍କ ସମେତ ୧୧ ସୈନ୍ୟ ଅଧିକାରୀ ପ୍ରାଣ ହରାଇଛନ୍ତି।

କୁନ୍ନୁର ପୂର୍ବରୁ ୨୨ନଭେମ୍ବର ୧୯୬୩ରେ ଜମ୍ମୁ-କାଶ୍ମୀର ପୁଂଛ ରେ ଉଚ୍ଚ ସୈନ୍ୟ ଅଧିକାରୀଙ୍କୁ ନେଇ ଯାଉଥିବା ଏକ ସୈନ୍ୟ ହେଲିକପ୍ଟର କ୍ରାସ ହୋଇଥିଲା। ଏହି ଦୁର୍ଘଟଣାରେ ସେନାର ତତ୍କାଳୀନ କିଛି ବଡ଼ ଅଧିକାରୀଙ୍କ ମୃତ୍ୟୁ ହୋଇଥିଲା। ଦୁର୍ଘଟଣାରେ ଯେଉଁମାନେ ପ୍ରାଣ ହରାଇଥିଲେ ସେମାନଙ୍କ ମଧ୍ୟରେ ଲେଫ୍ଟନାଣ୍ଟ ଜେନେରାଲ ଦୌଲତ ସିଂହ, ଲେଫ୍ଟନାଣ୍ଟ ଜେନେରାଲ ବିକ୍ରମ ସିଂହ, ଏୟାରଭାଇସ୍ ମାର୍ସଲ ଇଡବ୍ଲୁ ପିଣ୍ଟୋ, ମେଜେର ଜେନେରାଲ କେ.ଏନ.ଡି.ନାନାବତୀ, ବ୍ରିଗେଡିୟର ଏସ.ଆର.ଓବ୍ରୟ ଓ ଫ୍ଲାଇଟ ଲେଫ୍ଟନାଣ୍ଟ ଏସ.ଏସ. ସୋଢି ପ୍ରାଣ ହରାଇଥିଲେ।

ପୁଞ୍ଛ ସୈନ୍ୟ ହେଲିକପ୍ଟର ଦୁର୍ଘଟଣାକୁ ନେଇ ତତ୍କାଳୀନ ପ୍ରତିରକ୍ଷାମନ୍ତ୍ରୀ ୱାଇ.ବି.ଚୌହାନ ସଂସଦରେ ବିବୃତ୍ତି ରଖିଥିଲେ। ଏହି ଦୁର୍ଘଟଣାରେ ଆମର ସୈନ୍ୟ ବିଭାଗ ବହୁ ପ୍ରତିଷ୍ଠିତ, ସକ୍ଷମ ଓ ଯୋଗ୍ୟ ଅଧିକାରୀଙ୍କୁ ହରାଇଲା ବୋଲି ଗୃହକୁ କହିଥିଲେ। ତେବେ ସିଡିଏସ ରାୱତଙ୍କ ଚୋପର କ୍ରାସ ୧୯୫୨ ଡେଭୋନ କ୍ରାସକୁ ପୁଣି ଥରେ ମନେ ପକାଇ ଦେଇଛି। ଯେଉଁଥିରେ ସେନାର ଦୁଇ ଭାବି ମୁଖ୍ୟଙ୍କ ସମେତ ଶୀର୍ଷ ଅଧିକାରୀମାନେ ମଧ୍ୟ ପ୍ରାଣ ହରାଇଥିଲେ। ଏହି ଦୁର୍ଘଟଣାରୁ ଅଳ୍ପକେ ଜୀବନ ବଞ୍ଚାଇଥିବା ଲେଫ୍ଟନାଣ୍ଟ ଜେନେରାଲ ଏସ.ଏମ.ଶ୍ରୀନାଗେଶ ଓ ମେଜର ଜେନେରାଲ କେ.ଏସ.ଥିମୟା ପରେ  ଦେଶର ସେନା ମୁଖ୍ୟ ହୋଇଥିଲେ।

ଏହା ପୂର୍ବରୁ ୧୯୯୩ ମସିହାରେ ଭୁଟ୍ଟାନରେ ଏକ ଏମଆଇ-୮ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ସେନାର କେତେକ ବରିଷ୍ଠ ଅଧିକାରୀ ଯାତ୍ରା କରୁଥିବା ବେଳେ ଦୁର୍ଘଟଣାର ଶିକାର ହୋଇଯାଇଥିଲେ। ଏହି ଦୁର୍ଘଟଣାରେ ପ୍ରାଣ ହରାଇଥିବା ଅଧିକାରୀଙ୍କ ମଧ୍ୟରେ ତତ୍କାଳୀନ ଇଷ୍ଟ କମାଣ୍ଡର ସେନାମୁଖ୍ୟ ଲେଫ୍ଟନାଣ୍ଟ ଜେନେରାଲ ଜମିଲ ମହମୂଦ ମଧ୍ୟ ଥିଲେ।

   Related Posts