Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ସାଧାରଣ ଜନତାଙ୍କ ପାଇଁ ବଢ଼ିଲା ସମସ୍ୟା: ପନିପରିବା ପରେ ଡାଲି ବଜାରରେ ମହଙ୍ଗା ମାଡ

29/09/2020 at 10:44 AM

ନୂଆଦିଲ୍ଲୀ ୨୯/୦୯ : କରୋନା କାଳରେ ସାଧାରଣ ଜନତାଙ୍କ ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି । ପନିପରିବା ଦାମ ଗତ ଦୁଇ ମାସ ଆକାଶଛୁଆଁ ଥିବାବେଳେ ବର୍ତ୍ତମାନ ଡାଲି ଦାମ ମଧ୍ୟ ବୃଦ୍ଧି ପାଇଛି । ଦେଶର ରାଜଧାନୀ ଦିଲ୍ଲୀ ସମେତ ଅନେକ ବଡ ବଡ ସହରରେ ଡାଲି ଦାମ ୧୫ ରୁ ୨୦ ଟଙ୍କା ବୃଦ୍ଧି ପାଇଛି । ଗତ ବର୍ଷ ଏହି ସମୟରେ ବୁଟ ଡାଲି ଦାମ କିଲୋ ପ୍ରତି ୭୦-୮୦ ଟଙ୍କା ଥିବାବେଳେ ବର୍ତ୍ତମାନ ୧୦୦ ଟଙ୍କା ପାର ହୋଇସାରିଛି । ହରଡ ଡାଲି ଦାମ କିଲୋ ପ୍ରତି ୧୧୫ ଟଙ୍କା ହୋଇଛି । ବ୍ୟବସାୟୀଙ୍କ ଦାବି ଯେ ସରକାରୀ ସଂସ୍ଥା ଜାତୀୟ କୃଷି ସମବାୟ ମାର୍କେଟିଂ ଫେଡେରେସନ୍ କୁ ସପ୍ଲାଏ ବଢାଇବା ପାଇଁ ନିଜର ଷ୍ଟକ ରିଲିଜ କରିବା ଉଚିତ । ସପ୍ଲାଏ ହ୍ରାସ ପାଇଛି । କିନ୍ତୁ ଚାହିଦା ଲଗାତାର ବୃଦ୍ଧି ପାଉଛି । ସେଥିପାଇଁ ବ୍ୟବସାୟୀ ୨୦୨୦-୨୧ ପାଇଁ ଆମଦାନୀ କୋଟା ଜାରି କରିବାକୁ ଦାବି କରିଛନ୍ତି । ତେବେ ସରକାରଙ୍କ କହିବାନୁଯାୟୀ ଯୋଗାଣ ଅବସ୍ଥା ଠିକ ଅଛି ଏବଂ ଆଗାମୀ ୩ ମାସରେ ଖରିଫ ଋତୁ ଫସଲ ବଜାରକୁ ଆସିବା ଆରମ୍ଭ ହୋଇଯିବ ।

ନିକଟରେ କୃଷି କମିଶନର ଏସ.କେ ମାଲହୋତ୍ରା ଭାରତୀୟ ଡାଲି ଏବଂ ଶସ୍ୟ ସଂଘ (ଆଇପିଜିଏ) ଦ୍ୱାରା ଆୟୋଜିତ ଏକ ୱେବିନାରରେ କହିଥିଲେ ଯେ ଖରିଫ ଋତୁରେ ଡାଲି ଉତ୍ପାଦନ ୯୩ ଲକ୍ଷ ଟନ ହେବ ବୋଲି ଦେଶ ଅନୁମାନ କରିଛି । ହରଡ ଡାଲି ଉତ୍ପାଦନ ଗତ ବର୍ଷ ୩୮.୩ ଲକ୍ଷ ଟନ ହୋଇଥିବାବେଳେ ଚଳିତ ବର୍ଷ ୪୦ ଲକ୍ଷ ଟନ ହୋଇଛି ।

ବ୍ୟବସାୟୀଙ୍କ କହିବାନୁଯାୟୀ, ଲକଡାଉନ ସମୟରେ ହରଡ ଡାଲି କିଲୋ ପ୍ରତି ୯୦ ଟଙ୍କା ଥିଲା । ପରେ ଏହା ହ୍ରାସ ପାଇଁ ୮୨ ଟଙ୍କା ହୋଇଥିଲା । କିନ୍ତୁ ବର୍ତ୍ତମାନ ପୁଣି ଦାମ ବଢିଯାଇଛି । ପାର୍ବଣ ଋତୁ ଯୋଗୁଁ ଡାଲିର ଚାହିଦା ମଧ୍ୟ ବୃଦ୍ଧି ପାଇଛି ।

   Related Posts