Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

ଗଠିତ ହେଲା ପୁଡୁଚେରୀ ମନ୍ତ୍ରୀମଣ୍ଡଳ, ସାମିଲ ହେଲେ ୫ ମନ୍ତ୍ରୀ, ୪ ଦଶକ ପରେ ମହିଳାଙ୍କୁ ମିଳିଲା ମନ୍ତ୍ରୀ ପଦ

27/06/2021 at 7:59 PM

ପୁଡୁଚେରୀ ୨୭।୬: କେନ୍ଦ୍ର ଶାସିତ ପ୍ରଦେଶ ପୁଡୁଚେରୀରେ ନବ ନିର୍ବାଚିତ ଏନଡିଏ ସରକାରଙ୍କ ମନ୍ତ୍ରୀମଣ୍ଡଳ ରବିବାର ଗଠିତ ହୋଇଛି।  ଏଥିରେ ମୁଖ୍ୟମନ୍ତ୍ରୀ ଏନ.ରଙ୍ଗା ସ୍ୱାମୀ ୫ ଜଣ ବିଧାୟକଙ୍କୁ ତାଙ୍କ ମନ୍ତ୍ରୀଣମଣ୍ଡଳରେ ସ୍ଥାନିତ କରିଛନ୍ତି। ଏହି ପ୍ରକ୍ରିୟାରେ ପ୍ରାୟ ୪୦ ବର୍ଷ ପରେ ରାଜ୍ୟକୁ ପ୍ରଥମ ମହିଳା ମନ୍ତ୍ରୀ ମିଳିଛନ୍ତି। ମୁଖ୍ୟମନ୍ତ୍ରୀ ଭାବେ ଏନ.ରଙ୍ଗା ସ୍ୱାମୀ ଶପଥ ପାଠ କରିବାର ୨ ମାସ ପରେ ମନ୍ତ୍ରୀମଣ୍ଡଳ ଗଠନ ହୋଇଛି। ମନ୍ତ୍ରୀମାନଙ୍କୁ ରବିବାର ରାଜ୍ୟପାଳ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି।

ମନ୍ତ୍ରୀଭାବେ ଶପଥ ଗ୍ରହଣ କରିଥିବା ବିଧାୟକଙ୍କ ମଧ୍ୟରେ ଏ.ନମ ଶିବାୟ, କେ.ଲକ୍ଷ୍ମୀମନାରାୟଣ, ସି.ଡିଜ୍ୟାକୁମାର, ଚନ୍ଦ୍ରିକା ପ୍ରିୟଙ୍ଗା ଓ ସାଇ ଜେ. ଶରବନ କୁମାର ଅଛନ୍ତି। ନୂଆ ମନ୍ତ୍ରୀମଣ୍ଡଳର ଶପଥ ଗ୍ରହଣ ଉତ୍ସବରେ ମୁଖ୍ୟମନ୍ତ୍ରୀ ଏନ.ରଙ୍ଗାସ୍ୱାମୀଙ୍କ ସମେତ ସମସ୍ତ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ। ମନ୍ତ୍ରୀ ଭାବେ ଶପଥ ପାଠ କରିଥିବା ବିଧାୟକଙ୍କ ମଧ୍ୟରେ କେ.ଲକ୍ଷ୍ମୀ ନାରାୟଣନ, ଡିଜ୍ୟା କୁମାର ଓ ପ୍ରିୟଙ୍ଗା ଏଆଇଏନଆରସିର ନେତା ଏବଂ ନମ ଶିବାୟ ଓ ଶ୍ରବଣ କୁମାର ବିଜେପି ନେତା। ଏଆଇଏନଆରସି ବିଧାୟିକା ଚନ୍ଦ୍ରିକା ପ୍ରିୟଙ୍ଗା ମନ୍ତ୍ରୀ ହେବା ଯୋଗୁ ଦୀର୍ଘ ୪୦ ବର୍ଷ ପରେ ରାଜ୍ୟକୁ ପ୍ରଥମ ମହିଳା ମନ୍ତ୍ରୀ ମିଳିଛନ୍ତି।

ପୁଡୁଚେରୀ ବିଧାନସଭା ନିର୍ବାଚନ ଫଳାଫଳ ଘୋଷଣା ପରେ ଏଆଇଏନଆରସି ଓ ବିଜେପି ମେଣ୍ଚ କରି ସରକାର ଗଠନ କରିଛନ୍ତି। ଏଆଇଏନଆରସି ନେତା ଏନ.ରଙ୍ଗା ସ୍ୱାମୀଙ୍କୁ ମେଣ୍ଟର ନେତା ମନୋନୀତ କରାଯାଇଥିବା ବେଳେ ମେ ୭ ତାରିଖ ଦିନ ସେ ମୁଖ୍ୟମନ୍ତ୍ରୀ ଭାବେ ଏକାକୀ ଶପଥ ପାଠ କରିଥିଲେ।

   Related Posts