ଲଣ୍ଡନ,୩୦/୧୧: ବରଫ ଝଡରେ ଫସିଗଲେ ୬୦ରୁ ଅଧିକ ଗ୍ରାହକ । ୩ ଦିନ ବରଫାବୃତ ହୋଇ ସବୁଠାରୁ ଉଚ୍ଚତାରେ ଥିବା ବାର୍ ବିତାଇବାକୁ ପଡିଲା । ଶେଷରେ ଉଦ୍ଧାର ହେଲେ ସମସ୍ତେ । ଏପରି ଘଟଣା ଘଟିଛି ଇଂଲଣ୍ଡର ସର୍ବୋଚ୍ଚ ଶୃଙ୍ଗରେ ।
ସୂଚନାନୁସାରେ, ଇଂଲଣ୍ଡର ୟର୍କସାୟରରେ ଥିବା ଟ୍ୟାନ୍ ହିଲ୍ ଇନରେ କିଛି ବ୍ୟକ୍ତି ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ । ପରେ ସେମାନେ ସେଠାରେ ଥିବା ଏକ ବାରକୁ ମଦ ପିଇବାକୁ ଯାଇଥିଲେ । କିନ୍ତୁହଠାତ ବରଫପାତ ହୋଇଥିଲା । ସେମାନେ ଆଉ ଘରକୁ ନଫେରି ଫସି ଯାଇଥିଲେ ।
ପ୍ରାୟ ୬୧ ଜଣ ବ୍ୟକ୍ତି ୧୭୩୨ ଫୁଟ୍ ଉପରେ ଥିବା ଶୃଙ୍ଗରେ ଫସି ରହିଥିଲେ । ଗତ ଶୁକ୍ରବାରଠୁ ସେମାନେ ଏକ ପ୍ରକାର ବନ୍ଦୀ ହୋଇ ରହିଥିଲେ । କାରଣ ଗୋଟିଏ ପରେ ପ୍ରବଳ ବରଫପାତ ଓ ଅନ୍ୟପଟେ ରାସ୍ତା ଘାଟ ବି ବନ୍ଦ ହୋଇଯାଇଥିଲା ।
ସୂଚନାଯୋଗ୍ୟ, ଟ୍ୟାନ୍ ହିଲ୍ ଇନ୍ ନର୍ଥ ଲଣ୍ଡନଠୁ ୪୩୫ କିମି ଦୂରରେ ରହିଛି । ଏଠାରେ ଅଧିକାଂଶ ସମୟରେ ପ୍ରବଳ ବରଫପାତ ହୋଇଥାଏ ।