Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ସକାଳେ ଜଳିଲା ପୁଅ ବିବାହ ବେଦି ନିଆଁ, ସନ୍ଧ୍ୟାରେ ଜଳିଲା ବାପାଙ୍କ ଜୁଇ ନିଆଁ

15/07/2020 at 2:11 PM

ରାସଗୋବିନ୍ଦପୁର ୧୫।୦୭: ପୁଅର ବିବାହ ପାଇଁ ବାପା ଓ ମା ଅନେକ ଅପେକ୍ଷା କରିଥାନ୍ତି । କେତେବେଳେ ନିଜର ପୁଅର ବିବାହ ହେବ । କିନ୍ତୁ ଏମିତି କିଛି ଘଟଣା ଆମ ଆଖିସାମ୍ନାକୁ ଆସିଯାଏ । ଯାହା ସବୁବେଳ ପାଇଁ ଆଖିରେ ଛାପି ହୋଇ ରହିଯାଏ । ଏମିତି ଏକ ଘଟଣା ଘଟିଛି ରାସଗୋବିନ୍ଦପୁର ବ୍ଲକ୍‌ ରାଘବପୁର ପଞ୍ଚାୟତର ବର୍ତ୍ତନା ଗାଁରେ । ନିଜର ଏକମାତ୍ର ପୁଅର ବିବାହ ସକାଳ ହୋଇଥିଲା । କିନ୍ତୁ ସଂଧ୍ୟା ସମୟରେ ବାପା ଆରପାରିକୁ ଚାଲିଗଲେ । ସକାଳ ଜଳିଲା ପୁଅର ବେଦୀ ନିଆଁ, ସଂଧ୍ୟାରେ ଜଳିଲା ବାପାର ଜୁଇ ନିଆଁ ।

ଏକମାତ୍ର ପୁଅର ବିବାହ ପାଇଁ ପରିବାର ଲୋକଙ୍କ ମଧ୍ୟରେ ଖୁସିର ଲହରି ଖେଳି ଯାଉଥିଲା । ଲକ୍‌ଡାଉନ୍‌ ଯୋଗୁଁ ସୋମବାର ପୁଅକୁ ମନ୍ଦିରରେ ବିବାହ କରାଇଲେ । ବିବାହ ଶେଷ ପରେ ପୁଅ ବୋହୂଙ୍କୁ ଘରକୁ ଆଣିଥିଲେ । ହେଲେ ସନ୍ଧ୍ୟାରେ ଆଖି ବୁଜିଦେଲେ ରାସଗୋବିନ୍ଦପୁର ବ୍ଲକ୍‌ ରାଘବପୁର ପଞ୍ଚାୟତର ବର୍ତ୍ତନା ଗାଁର ବିପିନ ରାମ ।

ସକାଳେ ବେଦିରେ ପୁଅ ସତ୍ୟଜିତର ହୋମଯଜ୍ଞ ଜଳିଥିଲା, ଆଉ ସନ୍ଧ୍ୟାରେ ବାପା ବିପିନଙ୍କ ଜୁଇ ଜଳିଲା । ସୋମବାର ତୋଟାପଡ଼ା ପଞ୍ଚାୟତ ପାଇକସାହି ମନ୍ଦିରରେ ପୁଅ ସତ୍ୟଜିତର ବିବାହ କରାଇ ପୁଅବୋହୂଙ୍କୁ ଖୁସିରେ ଧରି ଘରକୁ ଫେରିଥିଲେ ବିପିନ । ଉଚ୍ଚ ରକ୍ତଚାପ ଯୋଗୁଁ ସନ୍ଧ୍ୟାରେ ବିପିନ ହଠାତ୍‌ ସଂଜ୍ଞାହୀନ ହୋଇପଡ଼ିଲେ । ପରିବାର ଲୋକ ତାଙ୍କୁ ବାଲେଶ୍ୱର ସଦର ଡାକ୍ତରଖାନା ନେଇଥିଲେ । ସେଠାରେ ତାଙ୍କର ମୃତ୍ୟୁ ହୋଇଥିଲା ।

   Related Posts