କଟକ ୩୦|୭: ଗତକାଲି କଟକରେ ୨୪ ଘଣ୍ଟାରେ ୩ ଜଣଙ୍କୁ ବେକ କାଟି ହତ୍ୟା କରିଥିବା ସାଇକୋ କିଲର ନାରାୟଣ ସାହୁକୁ ପୋଲିସ ଗିରଫ କରିଥିବା ବେଳେ ଆଜି ତାର ଫଟୋ ସାମନାକୁ ଆସିଛି । ବହୁ ଛକାପଞ୍ଝା ପରେ ସିସିଟିଭି ଫୁଟେଜ ଆଧାରରେ ନାରାୟଣକୁ ଅଟକ ରଖି ପଚରାଉଚରା ପରେ ପୋଲିସ ଗିରଫ କରିଥିବା ସୂଚନା ରହିଛି । ତେବେ ଆସନ୍ତୁ ଜାଣିବା କିଭଳି ଜଣେ କାଚରାରୁ ହତ୍ୟାକାରୀ ପାଲଟିଥିଲା ନାରାୟଣ ସାହୁ…

{"id":139009}

ନୟାଗଡ ଜିଲ୍ଲା ଓଡଗାଁ ଅଞ୍ଚଳର ବାସିନ୍ଦା ନାରାୟଣ ଜଗନ୍ନାଥପ୍ରସାଦ ବ୍ଲକ୍ କୁମ୍ପାପଡ଼ା ଗ୍ରାମରେ ୨୦ରୁ ୨୫ ବର୍ଷ ହେଲା ଏକ ଭଡ଼ା ଘରେ ରହି ଗାଁକୁ ଗାଁ ବୁଲି ଚୁଡ଼ି ବିକୁଥିଲା। ଜଣେ ସୁସ୍ଥ ଓ ଭଲ ବ୍ୟବସାୟୀ ତଥା ନାରାୟଣ କାଚରା ଭାବେ ସେ ସଭିଙ୍କ ମହଲରେ ବେଶ୍  ପରିଚିତ ଥିଲା।

{"id":139010}

ଏହାପରେ ସେ ମହିପୁର ଅଞ୍ଚଳର ଜଣେ ଯୁବତୀଙ୍କୁ ବିବାହ କରି ସଂସାର ଆରମ୍ଭ କରିଥିଲେ। ଚୁଡ଼ି ସହ ଜୋତା ବେପାର ବି ଚାଲିଥିଲା। ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ବି ଥିଲେ। ଭଲ ରୋଜଗାର ହେବା ପରେ ସେ କୁମ୍ପାପଡ଼ା ଗ୍ରାମରେ ନିଜେ ଜମି କିଣି ଘର ତିଆରି କରିଥିଲା।

{"id":139011}

ତେବେ ସମୟ ବଦଳିବା ସାଙ୍ଗକୁ ନାରାୟଣ ଅଧିକ ରୋଜଗାର ଆଶାରେ ଚୁଡ଼ି ଓ ଜୋତା ବେପାର ବନ୍ଦ କରି ରୁପା ବ୍ୟବସାୟ ଆରମ୍ଭ କରିଥିଲା । ଏଥିପାଇଁ ବିଭିନ୍ନ ସମୟରେ ସେ ଗ୍ରାମବାସୀଙ୍କଠୁ ଧାର କରଜ କରିଥିଲା। କୁମ୍ପାପଡ଼ା ଗ୍ରାମର ରାମଚନ୍ଦ୍ର ସାହୁଙ୍କ ନାମକ ଜଣେ ବ୍ୟକ୍ତିଙ୍କ ନିକଟରେ ଘର ବନ୍ଧକ ରଖି ୧ଲକ୍ଷ ୬୨ହଜାର ଟଙ୍କା କରଜ ନେଇଥିଲା। ଧୀରେ ଧୀରେ ତା’ର ଖରାପ ସମୟ ଆସିଗଲା।

{"id":139012}

ଏହା ପରେ ନାରାୟଣ ଅନ୍ୟ ଜଣଙ୍କୁ ଘର ବିକ୍ରି ପାଇଁ ମଧ୍ୟ ଟଙ୍କା ଆଣିଥିଲା। କରଜର ଭାର ବଢିବାରୁ ପାଖାପାଖି ୭ ଲକ୍ଷ ଟଙ୍କାରେ ତିଆରି କରିଥିବା ଘରକୁ ସେ ରାମଚନ୍ଦ୍ରଙ୍କୁ ବିକ୍ରି କରିଦେଇଥିଲା। ପୁଣି ଭଡ଼ା ଘରେ ରହି ବ୍ୟବସାୟ ବି ଜାରି ରଖିଥିଲା। ତେବେ ଆପେ ଆପେ ନାରାୟଣ ଚାପଗ୍ରସ୍ତ ହେବାରୁ ତା’ର ଆଚାର ଓ ବ୍ୟବହାରରେ ପରିବର୍ତ୍ତନ ଆସିଥିଲା।

{"id":139013}

କିଛି ଦିନ ପରେ ସେ ମାନସିକ ଭାରସାମ୍ୟ ହରାଇ ବସିଥିଲା। ପତ୍ନୀ ଓ ପିଲାଙ୍କ ସହ ଝଗଡ଼ା କରୁଥିଲା। ଫଳରେ ଗତ ଦୁଇ ବର୍ଷ ତଳେ ପତ୍ନୀ ପିଲାଙ୍କୁ ଧରି ବାପଘରକୁ ପଳାଇଥିଲା। ଏହାର କିଛିଦିନ ପରେ ନାରାୟଣ ଗାଁରେ ଏଣେ ତେଣେ ବୁଲୁଥିଲା।

{"id":139014}

ଆଉ ଗାଁ ନିକଟରେ ଥିବା କେନ୍ଦୁପତ୍ର ଗୋଦାମ ପିଣ୍ଢାରେ ଶୋଇ ପଡୁଥିଲା। ଯିଏ ଯାହ ଦେଉଥିଲା ତାକୁ ଖାଉଥିଲା । ବେଳେବେଳେ ତାଙ୍କୁ ଗାଁରେ ଦେଖିବାକୁ ମିଳୁ ନଥିଲା। ନାରାୟଣ କାଚରାରୁ ସେ ପାଲଟିଯାଇଥିଲେ ନାଣ ବାୟା। ମାନସିକ ସନ୍ତୁଳନ ହରାଇବା ପରେ ସେ ଅପରାଧ କରିବା ଆରମ୍ଭ କରିଥିଲା ବୋଲି ଅନୁମାନ କରାଯାଉଛି।