ନୂଆଦିଲ୍ଲୀ,୧୧/୦୩ : ବିଜୟ ହଜାରେ ଟ୍ରଫିରେ ଚମକିଛି ମୁମ୍ବାଇ ଟିମ୍ର ଅଧିନାୟକ ପୃଥ୍ବୀ ଶ’ଙ୍କ ବ୍ୟାଟ୍ । କର୍ଣ୍ଣାଟକ ବିପକ୍ଷରେ ସେମିଫାଇନାଲ ଭଳି ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ସେ ଶତକ ଲଗାଇଛନ୍ତି । ଏହା ହେଉଛି ତାଙ୍କର ଲଗାତର ଚତୁର୍ଥ ଶତକ ।
ଏହାପୂର୍ବରୁ ମଙ୍ଗଳବାର ସୌରାଷ୍ଟ୍ର ବିରୁଦ୍ଧରେ ଖେଳାଯାଇଥିବା ଚତୁର୍ଥ କ୍ବାର୍ଟର ଫାଇନାଲ ମ୍ୟାଚରେ ୧୮୫ ରନର ବିଶାଳ ଇନିଂସ ଖେଳିଥିଲେ ପୃଥ୍ବୀ । ଏହା ସହିତ ମୁମ୍ବାଇ ସହଜ ବିଜୟ ହାସଲ କରିଥିଲା । ତେବେ ସେମିଫାଇନାଲରେ ସେ କର୍ଣ୍ଣାଟକ ବିପକ୍ଷରେ ମାତ୍ର ୭୯ ବଲରୁ ଶତକ ଲଗାଇଥିଲେ । ଏହାସହ ୧୬୫ ରନର ଆକର୍ଷଣୀୟ ଇନିଂସ ଖେଳିଥିଲେ । ୧୬୫ ରନ୍ ପାଇଁ ସେ ୧୨୨ଟି ବଲର ସହାୟତା ନେଇଥିଲେ । ପୃଥ୍ୱୀଙ୍କ ଏହି ବିସ୍ଫୋରକ ଇନିଂସରେ ୧୭ ଚୌକା ଓ ୬ଟି ଛକା ସାମିଲ ଥିଲା ।
କର୍ଣ୍ଣାଟକ ବିପକ୍ଷ ସେମିଫାଇନାଲ ପୂର୍ବରୁ ପୃଥ୍ୱୀ ସୌରାଷ୍ଟ୍ର ବିପକ୍ଷରେ ୧୮୫, ପଣ୍ଡିତେରୀ ବିପକ୍ଷରେ ୨୨୭ ଓ ଦିଲ୍ଲୀ ବିପକ୍ଷରେ ୧୦୫ ରନ୍ କରିଥିଲେ । ଏହାସହ ସେ ଗୋଟିଏ ଟୁର୍ଣ୍ଣାମେଣ୍ଟରେ ୭୦୦ରୁ ଅଧିକ ରନ୍ ସ୍କୋର କରି ମୟଙ୍କ ଅଗ୍ରଓ୍ୱାଲଙ୍କ ରେକର୍ଡ ଭାଙ୍ଗିଥିଲେ ।
ସୂଚନାଯୋଗ୍ୟ, ୨୦୧୮ରେ ମୟଙ୍କ ୭ଟି ମ୍ୟାଚରେ ୭୨୩ ରନ୍ କରିଥିଲେ । ତେବେ ପୃଥ୍ୱୀ ସମାନ ସଂଖ୍ୟକ ମ୍ୟାଚରେ ୭୫୪ ରନ୍ କରିଛନ୍ତି । ପୃଥ୍ୱୀଙ୍କ ଏହି ପାଳି ପରେ ତାଙ୍କ ବ୍ୟାଟିଂକୁ ଟ୍ୱିଟରରେ ଅନେକ ପୂର୍ବତନ ଖେଳାଳି ପ୍ରଶଂସା କରିଛନ୍ତି ।
wp:html/wp:html wp:htmlGood to see @PrithviShaw scoring runs consistently in domestic cricket. #form
— Irfan Pathan (@IrfanPathan) March 11, 2021
/wp:html wp:htmlThis is some batting from @PrithviShaw love it when athletes make such comebacks. Sport is always a life lesson.
— Boria Majumdar (@BoriaMajumdar) March 11, 2021
/wp:htmlWell done, Prithvi Shaw. Critics will always be around, but letting the bat do all the talking is the simplest way to keep them quiet. Serious form this. 185 in the QF. Century in the Semis against a gun team. Double ton in the league phase. Top stuff
— Shashank Kishore (@captainshanky) March 11, 2021