Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

କଟକଣା କୋହଳ ହେବା ମାତ୍ରେ ପୁଣି ନିଜ ରୂପ ଦେଖାଇଲେ କାଶ୍ମୀର ବାସୀ, ଶ୍ରୀନଗରରେ ବିଶାଳ ବିକ୍ଷୋଭ

10/08/2019 at 6:42 PM

ଶ୍ରୀନଗର ୧୦।୮: କାଶ୍ମୀରକୁ ସ୍ୱତନ୍ତ୍ର ମାନ୍ୟତା ଦେଉଥିବା ସମ୍ବିଧାନର ଅନୁଚ୍ଛେଦ ୩୭୦ ପ୍ରତ୍ୟାହୃତ ହେବା ପରେ  ରାଜଧାନୀ ଶ୍ରୀନଗରରେ ଜନତା ବିଶାଳ ବିକ୍ଷୋଭ ପ୍ରଦର୍ଶନ କରିଛନ୍ତି। ମୁଖ୍ୟ ମସଜିଦରେ ମଧ୍ୟାହ୍ନ ନମାଜ ପରେ ଉତ୍ତେଜିତ ଲୋକେ ସମସ୍ତ ନିୟମ କାନୁନଭାଙ୍ଗି ବିକ୍ଷୋଭ ପ୍ରଦର୍ଶନ କରିଥିବା ବେଳେ ସୁରକ୍ଷା କର୍ମୀଙ୍କ ଉପରକୁ ପୂର୍ବଭଳି ଟେକାପଥର ମାଡ କରିଥିଲେ। ଏହାର ଜବାବରେ ବିକ୍ଷୋଭକାରୀଙ୍କୁ ଘଉଡାଇବା ଲାଗି ପୋଲିସ ରବର ବୁଲେଟ ଓ ଲୁହବୁହା ବାସ୍ପ ପ୍ରୟୋଗ କରିଥିଲା। ତେବ ସୁରକ୍ଷା କର୍ମୀଙ୍କ କାର୍ଯ୍ୟାନୁଷ୍ଠାନରେ କେହି ମୃତାହତ ହୋଇଥିବା ନେଇ ସୂଚନା ମିଳିନାହିଁ।

ବିକ୍ଷୋଭକାରୀ ୩୭୦ ଉଚ୍ଚେଦ ନୁହେଁ ସ୍ୱାଧୀନତା ଆମର ଦାବି ବୋଲି ସ୍ଲୋଗାନ ଦେବା ସହ ସୁରକ୍ଷା କର୍ମୀଙ୍କ ଉପରକୁ ଆକ୍ରମଣ କରିବା ଆରମ୍ଭ କରିଦେଇଥିଲେ। ତେବେ ସରକାର ପୂର୍ବରୁ ଅନୁଚ୍ଛେଦ ୩୭୦ ପ୍ରତ୍ୟାହାର ଲାଗି ସମଗ୍ର ଜମ୍ମୁ ଓ କାଶ୍ମୀରର ସୁରକ୍ଷା କଡା କଡି କରିବା ସହ ପ୍ରାୟ ୭ ଲକ୍ଷ ସୁରକ୍ଷା କର୍ମୀଙ୍କୁ ବିଭିନ୍ନ ସ୍ଥାନରେ ମୁତୟନ କରି ଧାରା ୧୪୪ ଲାଗୁ କରିଥିଲେ। ତେବେ ଆଗକୁ ଇସ୍ଲାମ ଧର୍ମର ବକରଇଦ ପର୍ବକୁ ଦେଖି ଏଥିରେ ସାମାନ୍ୟକୋହଳ କରାଯାଇଥିବା ବେଳେ କାଶ୍ମୀରବାସୀ ସେମାନଙ୍କର ଉଗ୍ର ରୂପ ଦେଖାଇଛନ୍ତି।

ଅଗଷ୍ଟ ୫ ତାରିଖରେ ଜମ୍ମୁ ଓ କାଶ୍ମୀରରୁ ଅନୁଚ୍ଛେଦ ୩୭୦ ହଟାଇ ଏହାକୁ ଦୁଇଟି କେନ୍ଦ୍ର ଶାସିତ ପ୍ରଦେଶରେ ପରିଣତ କରିଛନ୍ତି। ରାଜ୍ୟର ନିଜ ସମ୍ପର୍କିତ ନିଷ୍ପତ୍ତି ନେବାର ସାମ୍ବିଧାନିକ ଅଧିକାର ସମାପ୍ତ ହୋଇଥିବା ବେଳେ ରାଜ୍ୟବାସୀ କିନ୍ତୁ ଏଥିରେ ସନ୍ତୁଷ୍ଟ ନୁହଁନ୍ତି। କେନ୍ଦ୍ରଶାସିତ ପ୍ରଦେଶ ଘୋଷଣା ପରେ ବି ଲୋକେ ବିକ୍ଷୋଭ ପ୍ରଦର୍ଶନ କରିଥିବା ବେଳେ ସୁରକ୍ଷା କର୍ମୀଙ୍କୁ ଟାର୍ଗେଟ କରିଛନ୍ତି। କାଶ୍ମୀର ବିଶ୍ୱବିଦ୍ୟାଳୟର ଜନୈକ କାର୍ଯ୍ୟକର୍ତ୍ତା ସୁରକ୍ଷା ବଳଙ୍କ କାର୍ଯ୍ୟାନୁଷ୍ଠାନକୁ ବିରୋଧ କରିଛନ୍ତି । କେନ୍ଦ୍ରଶାସିତ ପ୍ରଦେଶର ମାନ୍ୟତା କେବେ ବି କାଶ୍ମୀରର ଦାବି ନଥିଲା କି ଏହାକୁ ଆମେ ସ୍ୱୀକାର କରିବାକୁ ବାଧ୍ୟ ନୁହେଁ ବୋଲି ସେ କହିଛନ୍ତି ।  ଏଣୁ ଆମକୁ ଭାରତ ସରକାରଙ୍କ ବିରୋଧରେ ବିକ୍ଷୋଭ କରିବାକୁ ଦିଆଯିବା ଦରକାର ବୋଲି ସେ କହିଛନ୍ତି ।

   Related Posts