ଝାରସୁଗୁଡା, ୦୧ ।୧୦: ଝାରସୁଗୁଡା ଜିଲ୍ଲାପାଳ ଅଫିସ ସମ୍ମୁଖରେ ଅନଶନରେ ବସିଥିବା ଜଣେ କର୍ମଚାରୀ ଶରୀରରେ କିରାସିନି ଢାଳି ଆତ୍ମହତ୍ୟା ଉଦ୍ୟମ କରିଛନ୍ତି । ତାଙ୍କୁ ଅନ୍ୟ ଅନଶନକାରୀମାନେ ଉଦ୍ଧାର କରିଥିଲେ । ଫଳରେ ଏକ ବଡ ଧରଣର ଅଘଟଣ ଟଳିଯାଇଛି । ଏକ ଘରୋଇ ସଂସ୍ଥା ୮ ମାସ ହେଲା ଦରମା ନଦେବା ପ୍ରତିବାଦରେ ଏହି ଅନଶନ ଚାଲିଥିଲା ।

ସୂଚନାନୁସାରେ, ଏକଜିକ୍ୟୁଟିଭ ସିକ୍ୟୁରିଟି ସଂସ୍ଥା କର୍ମଚାରୀଙ୍କୁ ୮ ମାସର ଦରମା ଦେଉନଥିଲା   । ସେଥିପାଇଁ ୪ ଦିନ ହେଲା ରିଲେ ଅମଶନରେ ବସିଥିଲେ ସଂସ୍ଥାର ୧୬୮ ଜଣ କର୍ମଚାରୀ । ତେବେ ୪ ଦିନ ଭିତରେ ସେମାନଙ୍କ ଦାବି କେହି ନଶୁଣିବାକୁ ଜଣେ ଅନଶନକାରୀ ଦେହରେ କିରାସିନି ଢାଳି ଆତ୍ମହତ୍ୟା ଉଦ୍ୟମ କରିଥିଲେ । ଗୁରୁବାର  ଅନଶନର ଚତୁର୍ଥ ଦିନରେ ପହଞ୍ଚି ଥିବା ବେଳେ ଜିଲ୍ଳା ପ୍ରଶାସନ ପକ୍ଷରୁ କେହି ବି ଅଧିକାରୀ ସେମାନଙ୍କ ନିକଟକୁ ନ ଆସିବାରୁ ଜଣେ ଅନଶନକାରୀ ନୀଳାମ୍ବର ଦଣ୍ଡସେନା ଦେହରେ କିରାସିନି ଢାଳି ଆତ୍ମହତ୍ୟା ଉଦ୍ୟମ କରିଥିଲେ ।  ସାଥି ଆନ୍ଦୋଳନକାରୀମାନେ ତାଙ୍କୁ ବଞ୍ଚାଇ ଥିଲେ। ପରେ ପୋଲିସ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା କରିଥିଲା । ସେହିପରି ଘଟଣାସ୍ଥଳରେ ବିଜେପି ଜିଲ୍ଲା ସଭାପତିଙ୍କ ସମେତ ଦଳୀୟ ନେତା ପହଁଚିଥିଲେ ।ଏହି ଘଟଣାରେ ଜିଲ୍ଲାପାଳ ହସ୍ତକ୍ଷେପ କରି  ୭ ଦିନ ମଧ୍ୟରେ ସମସ୍ତ ପ୍ରାପ୍ୟ ପ୍ରଦାନର ପ୍ରତିଶ୍ରୁତି ଦେଇଛନ୍ତି । ପ୍ରତିଶ୍ରୁତି ପାଇବା ପରେ ଆନ୍ଦୋଳନରୁ ଅନଶନରେ ବସିଥିବା କର୍ମଚାରୀମାନେ ହଟିଛନ୍ତି  ।

{"id":337191,"sizeSlug":"large"}

ସୂଚନାଯୋଗ୍ୟ,  ଝାରସୁଗୁଡାସ୍ଥିତ ବୁଢ଼ୀପଦର, ସାରସମାଲ ଓ ବ୍ରଜରାଜନଗର ସ୍ଥିତ ରେମଜା ବିଦ୍ୟୁତ ଗ୍ରୀଡ଼ରେ ଠିକା ଶ୍ରମିକ ରୂପେ ଏକଯିକ୍ୟୁଟିଭ ସିକ୍ୟୁରିଟି ସଂସ୍ଥାରର କାମ କରୁଥିବା ୧୬୮ ଜଣ ସୁରକ୍ଷାକର୍ମୀ ଦୀର୍ଘ ୮ ମାସ ହେଲାଣି ଦରମା ପାଇନାହାଂନ୍ତି ।  ଏନେକ ଥର ବିଭାଗୀୟ କର୍ତ୍ତୃପକ୍ଷ, ଜିଲାପାଳଙ୍କୁ ଲିଖିତ ଜଣାଇଥିଲେ ବି ପ୍ରାପ୍ୟ ମିଳୁନାହିଁ। ଗତ ୨୮ ତାରିଖ ଠାରୁ ଏହି ଅଭିଯୋଗ ନେଇ ସମସ୍ତ ଠିକା ଶ୍ରମିକ ଜିଲାପାଳ ଅଫିସ ସମ୍ମୁଖରେ ରିଲେ ଅନଶନରେ ବସିଥିଲେ।